ەەڭ جاڭا مازمۇندار
جۇڭحۋا حالىق رەسپۋبليكاسى قۇرىلعاندىعىنىڭ 73 جىلدىعىن قۇتتىقتاۋ بايلانىسىمەن مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
شي جينپيڭنىڭ زاڭمەن باسقارۋ يدەياسىن شينجياڭدى جاپپاي زاڭمەن باسقارۋدىڭ جالپى بارىسىندا دايەكتىلەندىرىپ، زاڭمەن باسقارۋ ويى، ءتاسىلى ارقىلى دامۋدى ىلگەرىلەتىپ، قايشىلىقتى شەشىپ، ورنىقتىلىقتى قورعاپ، حاۋىپ - قاتەرگە توتەپ بەرۋ كەرەك
شينجياڭداعى ءار ۇلت، ءار سالا حالىق قاھارماندارىنا قۇرمەتپەن گۇل شارباق قويدى
مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
جاڭاشا بۇكىل مەملەكەتتىك ءتۇزىلىس ابزالدىلىعىن تولىق ساۋلەلەندىرىپ، ەشقاشان بوساڭسىماي، باستان − اياق ءساتتى جۇرگىزىپ، قاجىماي ەڭبەك ەتىپ، ەلىمىزدىڭ وزىق جابدىق جاساۋدا اناعۇرلىم كوپ كەلەلى ناتيجەلەرگە قول جەتكىزۋىن قۇلشىنا جۇزەگە اسىرۋ كەرەك
قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى بەيجيڭدە سالتاناتپەن وتكىزىلدى
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى

مەنىڭ اق پەرىشتەم

جولدانعان ۋاقىتى : 2017/11/13 18:23:49

قاديلا نۇرعالي قىزى
 
     سودان بەرى ءومىر سان وزگەردى، كوڭىل سان قۇبىلدى...ءبىراق، مەندەگى ساعىنىش سول قالپى... سەزىمدەردىڭ سەتەرى كادىمگى ساعىنىش، كوزىمە كورىنبەيدى، كوكىرەگىمە ورناپ قالعانى شىندىق، قۇلاسام سۇيەيدى، جىلاسام جۇباتادى، اسىپ بارا جاتسام، باسادى، تاسىپ بارا جاتسام، بوگەيدى. جۇرەكتەگى الاپات سەزىمنىڭ تەپە-تەڭدىگىن ساقتاۋعا جارالعان قۇدىرەتتى كۇش رەۋىشتەس، قاتال  ءھام مەيىرىمدى، اشتى ءھام ءتاتتى.

  «سودان بەرى» دەگەنىم قاي كەز ەدى؟ ارينە، تاڭدايعا سالعان شەكەردەي شىرىن بالا كەز، عۇمىردىڭ كۇنادان پاك، اۋزىنان ۋىزى تامعان وندىردەي سارا كەزى، عالاماتىن ول كەزدە سەزبەگەمىز، ويتەتىنى، بۇگىنگى شاقتىڭ قادىرىن كەلەر شاقتا سەزىنۋ وزگەرمەس فورمۋلا. ۋىسىڭدا تۇرعان ۋاقىتتىڭ، باسىڭدا تۇرعان داۋرەننىڭ بەرەرى مەن الارىن الدىن الا ءبىلۋ ەكىنىڭ ءبىرىنىڭ ماڭدايىنا جازىلماعان، بىلسەڭ دە، جاراتىلىس مەڭگەرۋىڭە جول بەرمەيدى. وكىنىش تە، ساعىنىش تا سودان تۋادى.

  قيالى ويىنان وزا المايتىن ءسابي شاعىم، قالايدان قالاي ەكەنىن بىلمەيمىن، سانامدى الدەبىر عاجاپ قۇبىلىس تورلاپ العان. ونىڭ اتى-ءولىم. ءوزىمنىڭ ءبىر كۇنى ولەتىنىمدى ويلاسام، قورقىپ كەتەتىنمىن. ۇزاقتى كۇننىڭ تىنىمسىز تىرلىگى وزگە ويلارعا ماتالۋعا مۇرسا بەرمەيدى. ءتۇن تىمىرسىقتاردىڭ پەردەسى، سۇمدىق ويلاردىڭ بارلىعى تۇندە شىرمايتىن. تاس قاراڭعى تۇندە  ءۇيدىڭ جالعىز تەرەزەسىنەن كورىنگەن اق ساعىم ءومىردىڭ جارقىن جولى سەكىلدى سەزىلەتىن، كىرپىك ايقاستىرعانشا، سول ساۋلەدەن كوزىمدى الماي جاتۋعا تىرىساتىنمىن. ءۇيدىڭ بۇرىش-بۇرىشى، ءدۇن-دۇنيە سۇستى. تەرەزەدەن تۇسكەن بوزامىق اي ساۋلەسىنە تالپىنعان ءۇمىتىمدى جۇلمالاعالى انتالاپ كەلە جاتقان قاراڭعىلىقتان جۇرەگىم اۋزىما تىعىلىپ، انامنىڭ كەۋدەسىنە جابىسا تۇسەتىنمىن.  قاراڭعىلىقتىڭ وزىنە ءتان داۋىسى بار رەۋىشتى، «شىڭ، شىڭ، شىڭ»... ميدى بۇرعىلايتىن سول داۋىس ءالى قۇلاعىمدا. «تۇننەن وزگە نەدەن تۇرشىگەسىڭ» دەسە، ناجاعايلى جاڭبىردان قورقاتىن ەدىم، ناجاعايدىڭ كوكتى تىلگەن جارقىلى ماعان اجالدىڭ قامشىسى تاقىلەتتەس سەزىلەتىن، وسىپ كەتسىن -ءبىتتىڭ، «جەر جاستاندىڭ» دەگەن ءسوز. سەبەبى، سول قاراڭعى ءتۇننىڭ بىرىندە قارالى حابار جەتكەن-تۇعىن. جايلاۋعا شىعىپ كەتكەن كورشىمىزدىڭ ەكى قىزىنا جاي ءتۇسىپ،ءبىرى قايتىس بولىپ، ءبىرى شالا جانسار جاتىپتى...«كۇز قاشان  كەلەر،جايلاۋعا كەتكەن قۇربى قىز قاشان كەلەر » دەپ جولىنا قاراپ جۇرگەن ماعان بۇل حابار ودان ارى ۇرەي سيلادى... قيالىمنىڭ شىندىعىنا تاڭ قالدىم. كۇن كوزىنە بۇلت  ءۇيىرىلىپ، جاڭبىر جاۋاتىن بەينە بايقاتقان كۇندەرى وقۋعا بارماي قاشقالاقتايتىنمىن: «سەنى مۇعالىمدەرىڭ ‹وزات، اقىلدى بالا› دەيدى،جاڭبىرعا بولا وقۋدان قالساڭ، ۇيات ەمەس پە؟» دەدى ءبىر كۇنى انام.

  « قورقامىن!»

  « نەدەن قورقاسىڭ، قۇلىنىم!»

  « ناجاعايدان... ناجاعاي تۇسسە، ادام ولەدى. ناجاعاي جارقىلداپ تۇرعان كۇنى دالادا جۇرسە، جۇگىرسە بولمايدى».

  « اقىماعىم-اۋ، جانىڭدى اكەتكىسى كەلسە، سەنى التى قابات ساندىققا تىعىپ، التىن قۇلىپ سالىپ قويسامدا، ءبارىبىر، اكەتە بەرەدى. جازمىشتان وزباق جوق، ءبۇيتىپ ورىنسىز ۇرەيلەنسەڭ بولمايدى.».

  « شەشە، ادام ولگەن سوڭ، قايتا ءتىرىلىپ، قاپ-قاراڭعى جەردە جالعىز ءومىر سۇرە مە؟»

  « ويتبەيدى، قۇلىنىم، ول جاقتا دا الەم بار، بارعانداردىڭ باسى قوسىلادى. اجەم قايدا، اتام قايدا دەۋشى ەدىڭ عوي... اتاڭ دا، اجەڭ دە،اكەڭ دە... بارلىعى سول جاقتا».

  « ۇلكەن اعام  اكەمىز ۇزاق ساپارعا كەتكەن، قايتىپ كەلەدى دەۋشى ەدى عوي» .

  « اعاڭنىڭ سەنى جۇباتقانى دا. اكەڭنىڭ ساپارى-بارسا كەلمەس ساپار. كەلمەيدى...بارلىق پەندەنىڭ اقىرعى تۇراعى سوندا...»

  شەشەمنىڭ ايتقانى قانشالىق شىندىق، وعان كوزىم جەتپەيدى، ايتەۋءبىر قاراڭعىلىق تورلاعان كىشكەنتاي جۇرەگىمە ءۇمىتتىڭ اق كەمەر ساۋلەسى توگىلدى، ءوز باسىمنىڭ ولگەن سوڭ، جالعىزسىرامايتىندىعىن ءتۇسىندىم. ءولىم جايلى كوكەيىمدە تۇڭعىش قاراپايىم ۇعىم پايدا بولدى، شەشەم دە،دوستارىم دا، قىلاياعى راديودان ساڭقىلداپ ءان ايتىپ تۇراتىن ادەمى داۋىستى اپەكەنىڭ دە كۇندەردىڭ بىرىندە ولەتىنىن بىلگەنىمدە: «ءولىم دەگەن  ورىن اۋىستىرۋ ەكەن عوي» دەپ قۋاندىم. ۇيقىم تۇزەلدى. ءتۇننىڭ وزگەشە كەلبەتىن كوردىم، ماقپال ءتۇننىڭ مايدا ءالديى جۇرەگىمە تىنىشتىق سيلادى. سودان بەرى، تاعدىرىم تالاي قۇبىلدى، تۇندە كەۋدەسىنە قىسىپ ەركەلەتىپ جاتقان شەشەم ۇيقىسىنان ويانا الماعان بەتى باقيعا بەت تۇزەدى، بالالىعىمدى وزىمەن بىرگە قارا جەرگە الىپ كەتتى. ءوزىمنىڭ ولىمگە ءبىر تابان جاقىنداعانىمدى سەزدىم، ءولىم مەن ءومىردىڭ پارقى جوق ىسپەتتى، ەكەۋىنىڭ اراسى  اۋىزعى ۇي مەن تورگى ءۇيدەي سەزىلدى، بىلەم،ءومىردىڭ بوساعاسىنان اتتاپ، ءولىمنىڭ  ەسىگىنە بارىپ قايتقان كەزىم بولدى. ورتالاۋ مەكتەپ وقىپ جاتقامىن، «ساڭلاقتار مەكتەبى» دەپ اتالاتىن ءتۇيىندى مەكتەپ. جارىم ءنومىر ءۇشىن جاندارىن جۇلىپ جەپ، ءباس تالاساتىن، سارالانىپ اكەلگەن وڭشەڭ ۇزدىكتەر، ءتارتىبى دە تىم قاتال. العاشقى وقۋ ماۋسىمى-سىناق، ءبىر ساباقتان وتە الماساڭ،قايدان كەلسەڭ سوندا قايتارىلاسىڭ. ماۋسىم سوڭى تاياعان سايىن، ءوز حالىم وزىمە ايان بولا باستادى. ءار ساباقتا دوڭگەلەك جۇزبەن جۇرەتىن كەزىم انامنىڭ الاقانىنىڭ بۋىمەن سەمىرىپ جۇرگەن كەزىم ەكەن. قوعامدىق ساباقتاردى قوعاداي جاپىرسام دا، ماتەماتيكادان مالكىلدەي باستادىم. كىرپىگىم ايقاسسا، كلاس جەتەكشىمنىڭ ىزبارلى بەينەسى كوز الدىمنان كەتپەيدى، اياۋ دەگەندى بىلمەيتىن جان، ول ءۇشىن ءبىر وقۋشىنى قۋىپ سالۋ-ءبىر تال شىبىندى قاعىپ تۇسىرۋدەن وڭاي. « قۋالاندى بولۋ» اسۋ بەرمەس اپات ەكەنىنە كوزىم جەتتى. الدىعا  ىلگەرىلەۋ، ارتقا قايتۋ-پەشەنەمە جازىلعان  ەكى-اق تالعام، ارتىما قاراسام-اۋىل،ءبىراق، بۇزسام دا،تۇزەسەم دە «سەنىكى ءجون» دەپ دايىن تۇراتىن انامنىڭ ىستىق قۇشاعى جوق، الدىما قاراسام-مۇعالىم، اۋزىنان شىققانىن اتقاراتىن ايبالتالى ايداۋلدان بەتەر قاتىگەز. ۇرەيىم-مىڭ،ءۇمىتىم-ءنول. كور سوقىر تۇمانعا قامالعان كوڭىل كۇيىم اقىلدىڭ بيلىگىنەن شىعىپ كەتتى، ءومىردىڭ نۇرى تايدى، « مەنەن تىلە مەدەتتى » دەپ ءولىمنىڭ سىبىرى ەلىكتىرە بەردى. ءومىردى قيمايمىن، ءبىراق، كەيدە وزەگىمە قاتتى تەپكەنىنە شىداي المايمىن وقۋشىلار« اق پەرىشتە » اتاپ العان اپپاق كويلەك كيىپ جۇرەتىن ماتەماتيكا مۇعالىمىمدى قيمايمىن، ءبىراق، ونىڭ ماماندىعى ماتەماتيكاتاعدىرىما قىل بۇراۋ سالىپ، تىعىرىققا تىرەپ تۇر. ەمتيحاندا ءبىتتى، ويلاعانىم اعات كەتپەدى،جاتاققا كەلىپ، جاۋاپتاردى  ەسەپتەپ كەلىپ جىبەردىم، الاتىنىم ون التى ءنومىر. ون التى جاسىما تارتۋ، ون التى جاسىمنىڭ  ۇكىمىن شىعارۋشى. قۋالاندى اتالعانشا، قۋ ءومىردىڭ قۇرساۋىنان قۇتىلۋدى ءجون كوردىم. ارينە، ەكى كۇننەن سوڭ، ماتەماتيكا ناتيجەسى جاريالانادى، ودان بۇرىن قامدانۋ كەرەك. ۇياتتان ءولىم كۇشتى. ولىمگە كوپ كورىم دايىندىق جاسادىم، قانداي ءولىمنىڭ جان قينامايتىنىن زەرتتەدىم، ءولىپ كورگەن ەشكىم جوق،قايدان بىلەيىن. ايتەۋىر، باياعىداعى قۇلاعىمدا جاڭعىرا بەرەتىن  ءتۇننىڭ شىڭىلىن  ەندىگى جەردە جاتاقتىڭ ىرگەسىندەگى قىراننىڭ شاڭقىلداعان داۋىسى باسا بەرەتىندى تاپتى...

  «الدىرار كۇنى جازدىرار» دەگەن، «ادەبيەت ساباعىنىڭ ورنىنا ماتەماتيكا ساباعى ورنالاستىرىلدى» دەگەن حابار جەتكىزدى كلاسكوم. قارا اسپان باسىما تونگەندەي سەلت ەتىپ، جۇرەگىم زرىق ەتتى: «قاپ! قالىڭ بالانىڭ الدىندا قارا بەت بولاتىن بولدىم. ەرتەرەك قامدانۋ، ەرتەرەك قارانى باتىرۋ كەرەك ەدى. جۇمباق كۇيدە كەتسەم دەپ ەدىم، ەندى سىرىم اشكەرەلەنىپ قالاتىن بولدى...»

  « ەمتيحان قاعازدارى قولىنا تيمەگەن وقۋشىلار،كەشىرىڭدەر،كەشە كەڭسەلەردى رەتتەگەندە بىرنەشە بالانىڭ ەمتيحان قاعازى  جوعالىپ كەتتى. ءنومىرلەرىڭدى ەستىپ الىڭدار...» مۇعالىم ءبىر باستان تۇسىپ، ناتيجەنى جاريالاي باستادى. سۇلكىنىم ءتۇسىپ، ميىمدا دىلگىر سالعان ءبىر ىزىڭ جۇرەگىمدى ۇڭعىپ بارادى. كەنەت، ءدىر-ءدىر ەتىپ، سالدانىپ بارا جاتقان بۋىندارىما جان بىتكەندەي، جابىڭقى كوڭىلىم جارق ەتتى: « نۇرلى60»...اق پەرىشتەنىڭ جايماقوڭىر ءۇنى جەرگە كىرەردەي سالبىراپ بارا جاتقان باسىمدى جۇلىپ العانداي وزىنە بۇردى. ول مىنبەدە  ماعان قاراپ تۇر ەكەن...
  
  « نۇرلىدان وزگەلەردىڭ ەمتيحان قاعازى بار ەكەن» دەدى كلاسكوم، تاعى دا« اق پەرىشتەگە» جالت قارادىم، ول جىميدى، ەزۋىندە الدەبىر سىر بارداي: « ءوزىڭ عانا ءبىل» دەگەنى مە، الدە، « ءوزىڭدى قادىرلە» دەگەنى مە بىلمەيمىن، ەزۋدەگى سول جىميىس جان دۇنيەمدى ءدۇر سىلكىندىردى. « اق پەرىشتەنىڭ» الپىس ءنومىرى ۋايىمنىڭ تاس تۇرمەسىنە توعىتىلعان كوڭىلىمدى ازاپتان اراشالادى، «جوعالدى» دەلىنگەن ءبىر تاباق  قاعازدىڭ بوداۋىنا جوعالۋعا شاق قالعان «ون التىم»  امان قالدى... سودان بەرى،قىرىق قۇبىلعان تاعدىردىڭ ىڭعايىنا قاراي قۇبىلعاندى ۇيرەندىم. ءون بويىمداعى شاڭ-توزاڭدى جۋىپ-شايىپ، ميىمداعى شايتاني قيالداردى الاستاپ جوعالتسا دەيتىن شىعارمىن، ناجاعايى شاتىرلاپ، كوك توبەسى سوگىلگەن نوسەرلى دالاعا اڭسارىم اۋاتىندى تاپتى...

  مەكتەپ بىتىردىك، قولتاڭبا قالتىرۋ ەستەلىگىمدى الدىمەن «اق پەرىشتەگە» ۇسىندىم.

  «وقۋشىم نۇرلىعا: ءوزىم جاقسى كورەتىن ولەڭ!» دەپتى...

  قالاي-قالاي قۇبىلادى مىنا كۇن..

  قالاي-قالاي قۇبىلسا دا، شىدادىم...»
...
«پەرىشتەڭ قاقسىن!» دەۋشى ەدى.  انام، اركىمنىڭ تاعدىرىنا تۋرا كەلگەن  پەرىشتەسى بولادى ەكەن-اۋ...


  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn