(ۇستازىم ارميا مەيراموۆقا)
شادات نۇرساپا قىزى
كەنىش كەۋدە تاپتىرماس تالعامدايسىز،
وقىتۋشى جۇرتىنا اسىل ارماندايسىز.
قاراڭعىدان جول تاپپاي داعدارعانعا،
جارقىراپ الدان جانعان شامدالدايسىز.
جانىمىزعا ەڭ جاقىن جانداردايسىز،
ءالى بىزگە عۇلاما،تارلاندايسىز.
التىننىڭ سىنىعىنان قالعاندايسىز،
اسىلدىڭ قيىعى بوپ جالعانعايسىز.
عىلىمنىڭ وستىك بىزدەر جۇتىپ بالىن،
جاس سانامىز ۇقسىن دەپ ۇقىپتادىڭ.
جەرشارىندا ەڭ العاش سىزدەن ۇقتىق،
جەتى قۇرلىق ءتورت ۇلكەن مۇحيت بارىن.
سىزدەن ۇقتىق عىلىمنىڭ كۇش ەكەنىن،
ءبىزدىڭ سوقىر سانامىز «ءتۇس» ەكەنىن.
«جەر كوتەرگەن كوك وگىز مۇيىزى» ەمەس،
پلانەتالار تارتىلىس كۇشى ەكەنىن.
وندا، وقىتۋشى، تىم العىرءبىزدىڭ حالىق،
ايتقانىڭىزدى الۋشى ەك قىزعىن قاعىپ.
شار فورمالى ەكەنىن جەردىڭ تۇڭعىش،
تاپقىرلاعان ماگيللاندى سىزدەن تانىپ.
بالاڭ ويدى ۇشىرىپ تىم الىسقا،
كوڭىلدەردى تولتىرىپ قۋانىشقا.
باسىڭىزدى ءبىز ءسىزدىڭ ۇقساتۋشى ەك،
جەرشارى ءبىر-اق سيعان گلوبسقا.
ءسىزدىڭ باقتاي ويلاۋشى ەك باق بار ما دەپ،
ءسىز تورلەمەس سانادا تاق بار ما دەپ.
«تورىنى تورگە وزدىرىپ » باپتاعان جان،
تالپىندىق ءۇمىتىڭدى اقتايمىز دەپ.
شاكىرتىڭە تويلاردا باس كەلگەن سوڭ،
وقىتۋشى مەن ۇستازدى حوش كورگەن سوڭ.
ولەڭىمنىڭ تورىنەن ورىن بەردىم،
ساعىنىشتان كوزىمە جاس كەلگەن سوڭ.
كوپ زەيىندى نۇرلانتقان دارا ەڭبەگىڭ،
ۇمىتىلمايدى عىلىمنان ءنار ەمگەن كۇن.
ءسىزدى وكشەلەپ جاسىمىز كەپ قالسا دا،
ءالى كەلەد ءيىلىپ سالەم بەرگىم.
ءسىزدى ۇقپاستان تىلەگى باسقا كوپتىڭ،
ءاز باسىڭىز تاۋ سىندى اسقاق ءوتسىن.
وقىتۋشى دەگەن حالىق تىلەگى ىزگى،
عۇمىرىڭىز عاسىرلىق جاسقا جەتسىن!
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.