ەەڭ جاڭا مازمۇندار
2017-جىلى 12-ايدىڭ 15-كۇنى 283-سان
ورتا تولىپ، ءورىس كەڭەيدى
19-قۇرىلتاي رۋحىن ۇيرەنۋ، ۇگىتتەۋ كۋرسى اشىلدى
«ولار بىزگە جارىق سيلادى»
ىرىم-تيىمداردىڭ تاربيەلىك رولى
ساياسي ءتارتىپتى قاتايتىپ، پارتياعا ابسوليۋتتى ادال بولامىن
جاڭا ءداۋىردى ەستەلىككە الىپ، تىڭ تابىستى ايگىلەيمىز
اۋەلگى ماقساتتى ۇمىتپاي،پارتيانىڭ مەيىر - شاپاعاتىنا العىس ايتىپ، پارتياعا ىلەسىپ، ماڭگى العا باسامىن
ەرەكشەلىككە تولى كوركەمونەر فورماسىمەن شينجياڭ حيكاياسىن ويداعىداي باياندايىق
ايماقتىق پارتكومنىڭ وزەكتى گرۋپپاسى جيىرما ءۇشىنشى رەتكى كوللەكتيۆ ۇيرەنۋىن وتكىزدى
شۋە بين شاعانتوعاي اۋدانىندا تەكسەرۋ-زەرتتەۋ جۇرگىزدى
ۇلتتار ىنتىماعىنىڭ بەرەكەلى شاڭىراعى قوبىقسارىدا
ۇلتتار ىنتىماعىنىڭ بەرەكەلى شاڭىراعى تولى اۋدانىندا
ۇلتتار ىنتىماعىنىڭ بەرەكەلى شاڭىراعى ساۋان اۋدانىندا
ۇلتتار ىنتىماعىنىڭ بەرەكەلى شاڭىراعى دوربىلجىندە
ۇلتتار ىنتىماعىنىڭ بەرەكەلى شاڭىراعى شيحۋ قالاسىندا
ءسوز مادەنيەتى تۋرالى
پارتياعا قاي - قاشان دا ادال بولىپ، كوممۋنيستەردىڭ اسىل قاسيەتىن ماڭگى ساقتايمىن
جاڭا داۋىردە جاڭا بەينەمەن تىڭ جۇمىستار تىندىرايىق
پارتيا 19 - قۇرىلتايىنىڭ رۋحىن جەتەكشى ەتىپ، جاڭا داۋىردە تىڭ جۇمىستار تىندىرامىن
پارتياعا ادالدىعىمدى ءىس جۇزىندىك ارەكەتىم ارقىلى ايگىلەيمىن
19-قۇرىلتاي رۋحىءار ۇلت حالقىنىڭ كوكەيىنە ۇيالادى
وتىرىكتىڭ سىباعاسى
«تۋىستاسۋ اپتالىعى» قيمىلىن ورىستەتتى
ايماعىمىزدا ۇلتتار ىنتىماعى بويىنشا « تۋىستاسۋ اپتالىعى» قيمىلى جاپپاي باستالدى
قۇرىلتاي رۋحى ءار جۇرەككە ءنار بەردى
مالدىڭ قىس قىرىنان امان-ەسەن وتۋىنە كەپىلدىك ەتتى
راديو قابىلداعىش ءوز رولىن كورسەتتى
ۇلى ارماندى ورىنداۋ ءۇشىن جۇڭگو كوممۋنيستىك پارتياسىنىڭ باسشىلىعىنا،ءسوزسىز،تاباندى بولۋىمىز كەرەك
«قىستاق ىستەرىن باقىلاۋ كوميتەتىن قۇرۋ، كەمەلدەندىرۋ جونىندەگى جەتەكشى پىكىردى» باسىپ تاراتتى

بالامىزدى قۇشاقتاپ،باۋىرىمىزعا باسايىق

جولدانعان ۋاقىتى : 2017/9/11 18:37:19

ءتۇسىرۋ
بالامىزدى قۇشاقتاپ،باۋىرىمىزعا باسايىق
  ا ق ش -ندىق الەۋمەتتانۋشى ءارى وتباسى تاربيەسىن زەرتتەۋشى ۆيردجينيا ساتير ءوزىنىڭ ۇزاق جىلدىق زەرتتەۋلەرىنە سۇيەنىپ، بالانى كۇنىنە ونشاقتى رەت قۇشاقتاۋعا كەڭەس بەرەدى. ونىڭ ايتۋىنشا، تاۋلىگىنە تەك ءتورت رەت قۇشاقتاۋ بالانىڭ تىرشىلىك ەتۋىنە قاجەتتى سەزىمدەرىن وياتۋعا عانا جەتەدى ەكەن. ال، بالانىڭ كوڭىل كۇيى كوتەرىڭكى بولىپ، ءوزىن وتە كوڭىلدى سەزىنۋى ءۇشىن  كۇنىنە  بالانى سەگىز رەت قۇشاقتاۋ قاجەت ەكەن. ساتير ءوز ويىن بىلاي دەپ تۇيىندەپتى: «بالانىڭ وي ءورىسى وركەندەپ، وزىنە سەنىمدى بولسىن دەسەڭىز، كۇنىنە ون ەكى رەت قۇشاقتاڭىز!»

  جالپى، ءبىزدىڭ بۇل تاقىرىپتا قالام تەربەۋىمىزگە ءمالىم ءبىر باستاۋىش مەكتەپ مۇعالىمىمەن بولعان اڭگىمەمىز تۇرتكى  بولىپ ەدى. ول اڭگىمەنىڭ بارىسى تومەندەگىدەي:

  جاس ۇستاز رەتىندە ءبىلىم مەن تاربيە بەرۋ ىسىندە بالا مەن اتا-انا قارىم-قاتىناسىنىڭ ماڭىزى توتەنشە زور دەپ ويلايمىن. بالا تاربيەسىنە قوعام، وتباسى جانە مەكتەپ فاكتورلارى ايرىقشا اسەر ەتەتىنى كوپكە ايان. سوندىقتان دا ءوز تاجىريبەم نەگىزىندە وقۋشىنىڭ ساباققا ىنتاسى مەن ساباقحانا تارتىبىنە، اينالاسىنداعى قۇبىلىسقا بولعان كوزقاراسىنا ەڭ ءبىرىنشى ىقپال ەتۋشى فاكتور رەتىندە اتا-انالارمەن بىرلىكتە سەلبەسىپ تاربيە ورىستەتۋدى اتاپ وتەمىن. جاقىندا وقۋشىلاردىڭ اتا-انالارىمەن بولعان كلاس جيىنىندا وتباسى ءومىر زاڭدىلىقتارى تۋرالى اشىق پىكىردە بولعان ەدىك، پىكىر الماستىرۋ ارقىلى وتباسىنىڭ قارىم-قاتىناس ەرەجەلەرىن، ءومىر ءسۇرۋ زاڭدىلىقتارىن انىقتاۋعا دەن قويدىق. وسى ماقساتتا وقۋشىلارعا سۇراۋ قاعازىن تاراتىپ، بالالاردىڭ وتباسىنداعى ورنىن، اكەسى مەن اناسىنا دەگەن قارىم-قاتىناسىن باعامداپ الۋدى ويلادىق.

  سۇراۋ قاعازىندا «سەنى اتا-اناڭ كۇنىنە نەشە رەت قۇشاقتايدى؟» دەگەن سۇراۋ بار. نەگىزگى ايتپاعىمىزدى وسى سۇراۋ مەن وعان بەرىلگەن جاۋاپتاردان ىزدەستىرسەك، «بالالى ءۇيدىڭ ۇرلىعى جاتپايدى» دەگەندەي، بالالار بارلىق سۇراۋلارعا شىنايى دا ناقتى جاۋاپ بەرگەن ەكەن. تالداۋ ناتيجەسى بويىنشا وقۋشىلاردىڭ جاۋاپ جازۋعا ەڭ قينالعان سۇراۋى «سەنى اتا-اناڭ  كۇنىنە نەشە رەت قۇشاقتايدى؟» دەگەن سۇراۋ بولىپتى. وقۋشىلاردىڭ كوپشىلىگى اتا-انالارىنىڭ كۇنىنە وزدەرىن 2 دە 3 رەت عانا قۇشاقتاپ، جاقسى كورۋ سەزىمىن بىلدىرەتىنىن ايتسا، ەندى ءبىر بولىگى اتا-انا تارابىنان مۇنداي قيمىلدىڭ سوڭعى رەت قاشان بولعانىن ەستەرىنە تۇسىرە الماعان. كەيبىرەۋى اناسىنىڭ وزدەرى ۇيقىدا جاتقاندا قۇشاقتاپ، ەمىرەنەتىنىن، ويتكەنى باسقا ۋاقىتتا قولدارى تيمەيتىنىن ايتىپ، اقتالعان بەينە تانىتقان ەكەن...

  وسى ءبىر سۇراۋعا بەرىلگەن ۇقساماعان جاۋاپتاردان شىعاتىن قورىتىندىعا ساي اتا-انالاردىڭ بالاعا دەگەن مەيىرىمىنىڭ ازايىپ بارا جاتقاندىعىن وڭاي اڭعارۋعا بولادى. ارينە، بارلىق اتا-اناعا قاتىستى ءبىر عانا شەشىم شىعارۋعا اسىقپايىق، ءبىراق، 6 دا 7 جاس ارالىعى بالانىڭ ناعىز مىنەز - قۇلىق قالىپتاستىرۋ كەزەڭى ەكەنىن ەسكەرسەك، ورتاعا سالار ويلار تۋىندايدى.

  مۇندا مۇعالىمنىڭ تاجىريبەسىنە قايتا ورالايىق: ول ءوزى شىعارعان سۇراۋدىڭ ناتيجەسىنە قاراپ، وقۋشىلارعا كەزەكتە اتا-انا تارابىنان لايىقتى كوڭىل ءبولۋدىڭ جەتكىلىكتى دەڭگەيدە ەمەستىگىن، مۇنىڭ وقۋشىنىڭ ۇيرەنۋ ۇلگىرىمى مەن دامۋىنا كەرى ىقپال ەتەتىنىن، ناعىز ايالى الاقان، مەيىرلى قۇشاق قاجەت ەتەتىن بالا وزىنە بولعان ىنتانىڭ ازايعاندىعىن نەمەسە جوقتىعىن سەزىنسە، تاربيە ءساتسىز بولادى دەپ پايىمداپتى.

  بۇل تەك بالانىڭ ۇيرەنۋ ىنتاسىنا ىقپال ەتىپ قويماي، دۇنيە تانىمىنا دا كەرى اسەر ەتۋى ابدەن ىقتيمال. مەيىرگە مەيلىنشە قانباعان بالادا كەرەناۋ پسيحيكا پايدا بولاتىنىن بالالار پسيحولوگتارى دا ءجيى ەسكەرتەدى.
سوندىقتان بالامىزدى قۇشاقتاپ، باۋىرىمىزعا باسۋدى ۇمىتپالىق،اعايىندار!
  دايىنداعان -
           ۇلاربەك نۇرعالىم ۇلى

 
  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.