ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

قارا ولەڭىم - قازىنام

جولدانعان ۋاقىتى : 2017/9/7 18:36:23

 راحىمەتحان شوناي ۇلى 

 
 

      وتانعا تىلەك
وتان-وردام، ەسىل ەرلەر وت اعام،
وتان دەسەم اسىل ويمەن وتالام.
وتان ءۇشىن وتقا ءتۇسىپ، سۋ كەشىپ،
وتان ءۇشىن كولدىڭ سۋىن قوتارام.

اسقاقتاي بەر وتان ءانىم نوتادان،
وتان بەيبىت بولسا، بولار وت امان.
«قوي ۇستىندە بوز تورعايىن» وتاننىڭ،
كۇزەتەمىن كۇندە تۇسپەي جوتادان.

بايتاق وتان-باياشاتتى وتباسىم،
وتباسىمدا جولىم داڭعىل، جوق قاسىم.
بىرلىك اتتى قالقانىم بار بىرەگەي،
وتپەيدى ودان جامان جەبە وقتاسىن!

نارت قىزىل تۋ جەلبىرەگەن اسپاندا،
جازعان تالاي قانمەن قىزىل داستان دا،
كۇن-پارتيا شۋاعىنا مالىندى،
التىن نۇرىن اينالاعا شاشقاندا.

ورنىقسىزدىق ورىن قازىپ بوس اران،
وپاسىزدىڭ وپىق كوڭىلى بوساعان.
ىرگەڭ بەرىك، ىركىتىڭدى ءيت ىشپەس،
ىرگەلى ەلىم بوساماسىن بوساعاڭ.

          مامىر قىز
تىرشىلىكتەن تابىلىپ، بەۋ، نەسىبە،
بۇيىراتىن ولمەگەن پەندەسىنە.
بەسىنشى سۋرەتشىنىڭ  ماي بوياۋى
جاعىلىپ جاتىر دالا كەۋدەسىنە.

راحات جۇپار لەبى ىستىق مايدىڭ،
جەلىنەن جەيدە كيسەم ىستىقتايمىن.
الماسىپ اق تونمەنەن تورعىن جەيدە،
گۇلدەرىن، شۇعىلاسىن قۇشتىق مايدىڭ.

جاز باسى جازيرالى ماي كورىكتى،
جاس سۇلۋ سۇمبىل شاشىن ايدا ءورىپتى.
اسقار تاۋ قوينىنداعى ىزعار-مۇڭىن،
امالسىز اعىل-تەگىل مايعا ەرىتتى.

كوكتەم-ءان،
كوكتەم-ارمان،
كوكتەم-ءومىر،
ماستانعان ماحابباتقا كوك پەن ءوڭىر.
مانات-قىر،
ماڭلىق اتىز مارجان شەگىپ،
ايتارداي كوك مايساسى كوك بورتە جىر.

قۇلىنى، قوزى، بۇزاۋ، لاقتارى،
بوتاسى ،
     بوز جۋسانى، قۇراقتارى
يەسى ىزگىلىكتى تىڭ تىرلىكتىڭ،
سىرعىعان سايلارىندا بۇلاقتارى.

اققا تولعان اجەمنىڭ جاي شەلەگى،
تۇبىنە التى قابات ماي شوگەردى.
ماي بۇلتىن ماي سامالى مازاقتاسا،
ماي جاۋىپ كەتەرمە ەدى،
             قايتەر ەدى؟!

ماي دالا، مول ەڭبەككە مايدان دالا،
باي دالا، بالاۋسالى سايران دالا.
جامالى جاس كەلىننىڭ جاساۋىنداي
جاس ەمەن جاپىراعىن جايعان جاڭا.

ماي باقىت، مالماسىنان ماي تامادى،
باي، باقىت بارشا جەردەن بايقالادى.
ەركە كوكتەم ەرنىنىڭ  ەسكەن لەبى،
وياتتى وتتاي قارىپ ساي-سالانى.

قۋات بار ماي ايىندا قۇلشىنىس بار،
تىڭ اقپار تاڭدارىندا تىڭ تىنىس بار.
وزەندەرى وركەستر ورىنداسا،
تىڭداۋدا جاعاسىندا تىم-تىرس تال.

مەيىرگە مەكەن ءدايىم الاقانى،
كۇشىكتەپ كۇن استىندا بالا تالى.
لاعى ور كيىكتىڭ ويناق سالسا،
تالپىنعان تاڭدا تورعاي بالاپانى.

ماي -مامىر ءبىز دە سەنەن ءنار الامىز،
ءسان الامىز، تىرلىككە ءدارى الامىز.
ادام بولىپ ومىرگە ءولىپ-ءوشىپ
جارالعانبىز، الەمگە تارالعانبىز.

كوك بۇرىمىن كوكتەمنىڭ كوپ  ورەمىن،  
 كوك مايساداي كوكتەسە كوك ولەڭىم.
ەرتەڭ ءۇشىن ەرىنبەي باپتاۋ باقىت،
كوكتەم جىلدىڭ گۇل قانات كوبەلەگىن.

كوكتەمىڭدەي كوركەيىپ كوگەر ەلىم،
كوك بۇرىمى كوكتەمنىڭ كوپ ولەڭىم،
ماي -ماي جىر كوك مەشپەتى مامىر قىزدىڭ
ماي باسقان گۇلدەرى مەن كوبەلەگىن .

      جىر - ساۋعا
گۇل ۇسىندىم ماڭگىلىك گۇلدەسىن دەپ، 
باقىتتى گۇل ءومىرى بۇرلەسىن دەپ. 
گۇل ۇسىندىم ەڭ كوركەم گۇلگە بالاپ، 
ىستىق دەمىم كۇلتەڭدى ۇرلەسىن كوپ. 

جالعاندىقپەن قۇرىسىن كۇن الداعان، 
جار قادىرىن جانىمەن بىلە الماعان. 
مەرەكەڭە مەيىرمەن مەرەي تىلەپ، 
جۇرەگىمنەن جىر-ساۋعا  گۇل ارناعام.

جانارىڭنان جايدارى جالىن كورەم، 
جان دۇنيەڭنەن جاستىقتىڭ بالىن جەگەم. 
شارۋاسىنا جەگىلىپ شاڭىراقتىڭ، 
بالا باعىپ... 
تاماق قىپ... 
جانىن جەگەن. 

باق كۇنىمسىڭ نۇرىڭا شۋاقتاعان 
اق گۇلىمسىڭ ءنار سيلاپ، قۋاتتاعان. 
ءشول قاندىرعان ءموپ -مولدىر بۇلاعىمسىڭ، 
جاعاسىن الۋن گۇلدى قۇراقتاعان. 

قوس قولىڭمەن قۇلپىرتىپ وردام ءىشىن، 
قوناعىنا سيلاعان قولداعىسىن. 
جايىلىپ جاستىق بولعان، اسىل جارىم، 
باۋلىعان بالاپانىن قورعانىسىڭ.

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 

 
powered by IlgharCMS 3.2 www.ilghar.cn