ەەڭ جاڭا مازمۇندار
ۇلتتار ىنتىماعىنىڭ جارقىن كەلبەتى
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
ايماقتىق پارتكومنىڭ وزەكتى گرۋپپاسى 20-رەتكى كوللەكتيۆ ۇيرەنۋىن وتكىزدى
ونەردەن ومىرگە جالعاسقان دوستىق
كورىكتى اۋىل-قىستاق قۇرۋعا ات سالىستى
ەمدەۋ ارقىلى جۇرتشىلىققا تيىمدىلىك اكەلدى
قوقسىقتى تۇرگە ايىرىپ ءبىر جايلى ەتۋ ۇگىتىن ورىستەتتى
جۇڭگو ارمانىن قالاي ءتۇسىنۋ كەرەك
جاراسىمدى، باي-باقىتتى ورتا جاراتۋدا باس نىساناعا تاباندى بولۋىمىز كەرەك
ساياحاتشىلاردى قىزۋ قارسى الدى
شاعىن قىستاقتا ادامگەرشىلىكتىڭ تۋى جەلبىرەدى
2018-جىلى 6-ايدىڭ 14-كۇنى
تولىقسىعان تولى
ەلەكتروندى ساۋدا تەكشەسى شارۋالاردىڭ اۋقاتتانۋىنا سارا جول اشتى
2018-جىلى 6-ايدىڭ 13-كۇنى
بۇقاراعا قولايلىلىق جاراتتى
ءداستۇرلى تاعامداردى جاساۋ جارىسىن وزدىردى
بۇقارانىڭ تۇرعىن ءۇي قيىنشىلىعىن شەشىم ەتتى
پارتياعا ابسوليۋتتى ادال كادر بولايىق
اۋەلگى ماقساتتى ۇمىتپاي، مىندەتتى ادالدىقپەن اتقارىپ، قوعام ورنىقتىلىعىن قورعاۋدىڭ قۇرىش قامالىن سوعايىق
اۋەلگى ماقساتتى ۇمىتپاي، بورىشتى ەستە بەرىك ساقتايىق
«بۇل اراعا كەلگەن ەكەنبىز، جۇرتشىلىققا يگى ءىس ىستەپ بەرۋگە بار كۇشىمىزدى سالامىز»
«سەندەر باردا مەن الاڭسىز جۇمىس ىستەيمىن»
«پارتيا قۇرىلىسى جاعىندا شينجياڭعا كومەكتەسۋ +» قىزمەتى جۇرتشىلىققا تيىمدىلىك اكەلدى
2018-جىلى 6-ايدىڭ 12-كۇنى
قىزمەت اترەتىنىڭ رولىن شىنايى ساۋلەلەندىردى
قىزمەت وتەۋ ونىمدىلىگىن جوعارىلاتىپ، حالىققا قولايلىلىق جاراتتى
مەيىر باعىشتاپ، كوڭىلگە مەدەت بەردى
قوستوبەدە قۇلپىرعان دوستىق گۇلى
مادەني مۇرا كۇنىن اتاپ ءوتتى

وتكەرمە ءۇي ساتىپ الۋدا كوڭىل بولۋگە ءتيىستى ىستەر

جولدانعان ۋاقىتى : 2017/8/30 19:23:52

 ورال قاسەيىن ۇلى
 

  وتكەرمە ءۇي ساتىپ الۋدىڭ جاڭا ءۇي ساتىپ الۋعا قاراعاندا وزىندىك ارتىقشىلىقتارى بار، ايتالىق، قالاعان ۇلگىدەگى ءۇيدى ساتىپ الۋعا، الا سالىپ كوشىپ كىرۋگە بولادى دەگەنىمەن، ساۋدالاسۋ ءتارتىبى كۇردەلى بولۋ، كوڭىل بولەتىن ىستەر كوپ بولۋ ت. ب اۋرەشىلىكتەرى دە از ەمەس. سوندىقتان، وتكەرمە ءۇي ساتىپ العاندا تومەندەگى ىستەرگە كوڭىل بولۋگە تۋرا كەلەدى.
  
  1. ءۇي ساتۋشىنىڭ سالاۋاتىن انىقتاۋ
  
  باستىسى، ءۇي ساتۋشى ءۇيدىڭ ناعىز مەنشىك يەسى مە، جوق پا؟ ءۇيدىڭ مەنشىك ۇقىعى كۋالىگى، جەردەن پايدالانۋ كۋالىگى ( نەمەسە بىرىكتىرىلگەن قورا - جاي ۇقىعى   كۋالىگى)، توقتام باجى كۋالىگى،   ازاماتتىق كۋالىگى تۇگەل ءبىر ادامدىكى مە، جوق پا؟ وسىعان قاراۋ كەرەك.
  
  جاقىن جىلداردان بەرى ازاماتتىق  ارەكەت قابىلەتى جوق نەمەسە شەكتى ادامداردىڭ ۇقىق- مۇددەسىن قورعاۋ ماقساتىمەن ءۇي كۋالىگىن وسىلاردىڭ اتىندا تىزىمگە الدىراتىن جاعدايلار كوپ كەزىگەتىن بولدى. سوندىقتان، كۋالىككە اتى جازىلعان ازاماتتىق ارەكەت قابىلەتى جوق نەمەسە شەكتى ادامدارمەن جاساسقان ءۇي ساتىپ الۋ- ساتۋ توقتامى كۇشكە يە توقتام ەسەپتەلمەيدى.
  
  2. ءۇيدىڭ ۇقىق تاۋەلدىلىگىن   انىقتاۋ
  
  ءۇي ساتىپ العاندا ءۇيدىڭ مۇلىك ۇقىعىندا تالاس بار- جوقتىعىنا قاراۋ كەرەك. ءۇيدى زاڭ بويىنشا پەشەتتەۋ نەمەسە ءۇي كەپىلگە ۇستاۋ قاتارلى باسقاداي سەبەپتەردەن مەنشىك ۇقىعىنىڭ وتكەرمەلەنۋى شەكتەمەگە ۇشىراسا، اقشاسىن تولەپ بولعان سوڭ ءۇيدى وتكىزىپ الا الماۋ جايتتەرىنىڭ تۋىلۋىنان ساقتانۋ ءۇشىن، قاجەت بولعاندا، قورا- جاي باسقارۋ مەكەمەسىنە بارىپ، قاتىستى ينفورماتسيالاردى ۇعىسقان ءجون.
   
   3. ءۇيدىڭ ورتاق مەنشىكتەنۋشىسى بار- جوقتىعىنا كوڭىل ءبولۋ
  
  ەگەر ءۇيدىڭ ورتاق مەنشىكتەنۋشىسى بولسا، ساتىپ العان كەزدە ورتاق مەنشىكتەنۋشىنىڭ ماقۇلدىعىن الىپ، ءۇي ساتىپ الۋ- ساتۋ توقتامىنا قول قويدىرۋ كەرەك. توقتامعا قول قويعان ادامنىڭ ناقتى سالاۋاتىن انىقتاۋعا كوڭىل ءبولۋ، ورتاق مەنشىكتەنۋشىنىڭ وزىنە قول قويدىرۋ كەرەك. باسقالاردىڭ ورتاق مەنشىكتەنۋشىنىڭ اتىن جامىلىپ توقتامعا قول قويۋىنا بولمايدى. مىسالى، ەرلى- زايىپتىلاردىڭ نەكەلەنگەننەن كەيىن ساتىپ العان ءۇيىنىڭ ءۇي كۋالىگىنە بىرەۋىنىڭ عانا اتى جازىلعان بولسا، وسى ءۇيدى ساتقان كەزدە ءۇي ساتىپ الۋ- ساتۋ توقتامىنا ەكەۋى بىردەي قول قويۋى ءتيىس.
  
  4. ءۇيدىڭ زاڭسىز قۇرىلىس نەمەسە شاعىلۋ الدىنداعى ءۇي ەمەستىگىنە كوڭىل ءبولۋ
  
  ەگەر ساتپاقشى بولعان ءۇي زاڭسىز سالىنعان بولسا، اقشا مەن ۇيدەن تۇگەل قۇر قالۋىڭىز مۇمكىن. بۇدان سىرت، ساتىپ الماقشى بولعان ءۇيىڭىز توزىعى جەتكەن، شاعۋ كولەمىنە ەنگەن بولسا، قىراعى بولعانىڭىز ءجون. ەگەر شىنىندا جاقىن مەزگىلدە شاعىلۋعا جاراي زور پايداعا كەنەلەتىن بولسا، ءۇي يەسى ۇكىمەت پەن قالتالىلاردىڭ مول اقشاسىنان بەرىپ، سىزگە دايىن پايدانى وپ- وڭاي وتكىزە سالار ما؟
   
   5. ءۇيدىڭ مايعا بەرىلگەن- بەرىلمەگەندىگىنە نازار اۋدارۋ
  
  مايعا الۋ- بەرۋ توقتامىنا ساۋدا كەدەرگى بولا المايدى، مايعا الۋشىنىڭ مايعا الۋ مەرزىمى وتپەسە، ساتىپ الۋشى كوشىپ كىرۋگە امالسىز قالادى. سوندىقتان، ءۇي ساتىپ الۋدان بۇرىن ءۇيدى بىرنەشە رەت كوزدەن كەشىرىپ، ونىڭ مايعا بەرىلگەن- بەرىلمەگەنىن انىقتاۋ كەرەك؛ ەگەر مايعا بەرىلگەن بولسا، مايعا الۋشىعا ءوزىنىڭ سول ءۇيدى ساتىپ الماقشى بولعاندىعىن، ۇيگە تەز ارادا كوشىپ كىرمەكشى ەكەندىگىن حابارلاۋمەن بىرگە، ءۇي ساتۋشىدان ءۇيدىڭ مايعا بەرىلگەن ءىسىن الدىمەن ءبىر جاقتى ەتۋدى تالاپ ەتكەن ابزال. سەبەبى زاڭدا ۇقساس شارت- جاعداي استىندا مايعا العان ادامدا ءوزى مايعا العان ءۇيدى الدىمەن ساتىپ الۋ ۇقىعى بولاتىندىعى ايقىن بەلگىلەنگەن.
  
  6. جەردەن پايدالانۋ جىل شەگىنە كوڭىل ءبولۋ
  
  تۇرعىن ۇيلەردىڭ جەردەن پايدالانۋ مەرزىم شەگى ادەتتە 70 جىل بولادى، دەسەدە، ەرتەرەك كەزدە سالىنعان ەسكى ۇيلەردىكى 70 جىلدان قىسقا، كەيبىرەۋى 20 دا 30 جىل عانا. سوندىقتان، ءۇي ساتىپ العان كەزدە سول ءۇيدىڭ جەردەن پايدالانۋ مەرزىمنىڭ ەندى قانشالىق قالعاندىعىن انىقتاۋ كەرەك. ويتكەنى بۇل ءۇي باعاسىنا ىقپال جاسايتىن ماڭىزدى فاكتور بولىپ تابىلادى، بۇدان تىس، جەردەن پايدالانۋ مەرزىمىنىڭ قالعان ۋاقىتىنىڭ ۇزىن- قىسقالىعى جەردەن پايدالانۋ جىل شەگىنىڭ قاشان تولاتىندىعىنا، سونداي- اق مەرزىم شەگى تولعاننان كەيىن ءۇرتىس اقى تولەۋ ماسەلەسىنە سايادى.
   
   7. الىناتىن باجى مەن اقىنى ايقىنداۋ
  
  وتكەرمە ءۇي ساتىپ الۋدا باجى مەن اقى ءتۇرى كوبىرەك بولادى، كوبىندە ءۇي ساتۋشى ارقالاۋعا ءتيىستى بولعان ارتقان قۇن باجىسى، جەكە تابىس باجىسى قاتارلى باجىلاردى ءۇي ساتىپ الۋشى ارقالاپ قالادى. بۇدان سىرت، قىرۋار الاياق دەلدالدار قۇلاق ەستىمەگەن ءبىر سىپىرا راسميات اقىسىن سۇرايدى، اۋەلى ۇقساس تۇردەگى اقى الۋ ولشەمىن ءتۇرلى سىلتاۋلارمەن ءوز الدىنا وزگەرتىپ الاتىن جايىتتەردە ءجيى كەزدەسەدى. سوندىقتان، باجى مەن اقى تۇرلەرىن كىم ارقالايتىندىعىن توقتامدا انىق كەلىسكەن ءجون. 
  
  8. توقتامعا قايشىلىق جاساۋ جاۋاپكەرلىگىن ايقىنداۋ
  
  ءۇي ساتۋشى ءۇيدى ساتقاننان كەيىن، توقتام نىساناسى بولعان ۇيدەن ۇزاق مەزگىلگە دەيىن كوشىپ شىقپاۋ، ءۇي باعاسى قاۋىرت ءوسىپ كەتكەندىكتەن، ءۇي ساتۋشى ۋادەسىنەن تايۋ نەمەسە ءۇي ساتىپ الۋشى بانكەدەن قارىز الا الماعاندىقتان، ءۇي اقشاسىن تاپسىرۋعا امالسىز قالۋ قاتارلى جايتتەر كوپ كەزىگەدى. سوندىقتان، توقتامنان كەيىن داۋ- شار تۋىلۋدىڭ الدىن الۋ ءۇشىن، توقتام جاساسۋدان بۇرىن توقتامعا قايشىلىق جاساۋ جاۋاپكەرلىگىن انىق كەلىسىپ الۋ كەرەك.
  
  9. ۇيدەگى مۇلىكتەر مەن قوسىمشا قۇرىلعىلاردىڭ تاۋەلدىلىك ماسەلەسىن ايقىنداۋ
  
  وتكەرمە ۇيلەردىڭ كوبى الدەقاشان بەزەندىرىلگەن، ءۇي ەلەكتر جابدىقتارى ءۇيدىڭ بەزەندىرۋىمەن ءبىر تۇلعالانعان بولادى. سونىمەن بىرگە ەسىك الدىندا شاعىن باقشاسى بار ءىشىنارا ۇيلەردە بولادى. ەگەر وسى قۇرىلعىلاردى سوگىپ السا، ءۇيدىڭ بەزەندىرۋىنە ىقپال جەتۋى داۋسىز. سول ءۇشىن توقتام جاساسقاندا وسى جابدىقتار مەن قۇرىلعىلاردى ءۇيدىڭ بۇرىنعى يەسىنىڭ الىپ كەتەتىن- كەتپەيتىندىگىن جانە ۋاعدالى باعانىڭ ىشىندە وسىلاردىڭ بار- جوقتىعىن ابدەن كەلىسىپ الۋ كەرەك.
  
  10. دەلدالدىق اقىسىن تاپتەشتەي سۇراپ الۋ
  
  ۇقساماعان دەلدال سەرىكتەستىكتەرىنىڭ اقى الۋ ولشەمى، ءتاسىلى ۇقسامايدى، سول ءۇشىن باستاپتا انىق كەلىسىپ الۋ قاجەت. سونىمەن بىرگە، ساۋدا ءساتسىز بولعاندا دەلدالدىق   اقىسىن قالاي قايتارۋ ىستەرىن دە انىق كەلىسىپ العان ءجون.
  
  11. پارىقتى توقتام جاساسۋدان ساق بولۋ
  
  ءۇي ساتىپ العاندا، باجى تاپسىرۋدان قاشقالاقتاۋ ءۇشىن قىراۋار ادام ءبىر- بىرىنەن پارىقتى ەكى نۇسقا توقتام جاساسۋعا قۇشتار. مىسالى: ءبىر نۇسقاسىندا ءۇيدىڭ باعاسى 400 مىڭ يۋان دەلىنىپ، وسى باعامەن باجى تولەيدى، مۇنى ءۇيدىڭ مەنشىك   ۇقىعى كۋالىگىن وتكەرمەلەگەن كەزدە پايدالانادى. ەندى ءبىر نۇسقاسىندا ساۋدالاسقان ءۇيدىڭ باعاسى 600 مىڭ يۋان ەكەنى قاز- قالپىندا جازىلىپ، مۇنى ساۋدالاسۋشى تاراپتار وزدەرى ساقتايدى. مۇنداي وتكەرمە ءۇي ساۋداسىندا اجەپتاۋىر كومەسكى حاۋىپ جاتادى، الدا- جالدا داۋ- شار تۋىلىپ، سوتتاسۋعا تۋرا كەلسە، ءبىر تالاي اۋىرەشىلىك اكەلەدى.
  
  12. قاتىستى قاراجاتتاردىڭ تولەنىپ بولعان- بولماعانىن تۇبەگەيلى اداقتاۋ
  
  ءۇي ساتىپ الۋشى وتكەرمە ءۇيدىڭ قالدىق قارىزىن ارقالاپ قالۋدان ساقتانۋ ءۇشىن، مىناعان نازار اۋدارۋ ءتيىس: ءۇي ساتۋشى ءوزى ساتقان ءۇيدىڭ قوجالىق باسقارۋ قاراجاتى، سۋ- توك اقىسى، جىلۋ اقىسى، توراپ اقىسى، جانار گاز اقىسى قاتارلى ءتۇرلى قاراجاتتارىن تولىق تولەگەن بولۋ؛ ءۇيدىڭ مەنشىك ۇقىعىن وتكەرمەلەگەن كەزدە، سۋ، توك، گاز، سىمدى تەلەۆيزيا كارتۋچكالارىن تۇگەل قارسى جاقتىڭ اتىنا وتكىزگەن بولۋ.

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.