ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

ەسەيدى دەپ ەلەۋسىز قالدىرماڭىزدار

جولدانعان ۋاقىتى : 2017/8/30 13:55:32

ارزىگۇل ابدەش قىزى
 
  «ايالاۋدىڭ اينىمالىلىعى»  دەگەندى  وقىعانىم بار، اسىرە ايالاۋدىڭ كەرى  ىقپالى  دا  ايتىلادى  ەكەن. كەيدە  ءوز  جاقىندارىمىزدىڭ  اعات باسقان قادامدارىنا دا  اعالىق، اپەكەلىك اشتى  سىنمەن قاراپ، تۇزەتۋگە، جاقسىلىققا  جەتەلەۋگە ۇمتىلعانىمىز اۋاداي  قاجەتتى، ەڭ  جاقىندارىمىزدى    اداسۋدان اراشالاۋ، دۇرىس جول  سىلتەۋ ءوز قولىمىزدا ەكەن.
       (كۇندەلىكتەن)
 
سابىرى بار  جان ەدىڭىز، بۇگىنگى  بالاداي  قۋانىشىڭىز عاجاپ.  مۇمكىن باۋىرلارىڭىزدىڭ ماڭدايىنان اققان تەرىنە دەگەن   ءسۇيىنىش شىعار. بىرەۋلەرى ايگىلى  مەكتەپتەرگە اتتانىپ جاتسا؛ بىرەۋلەرى ونەردىڭ بيىگىندە ءجۇر. ءيا، ءار  رەت  اۋىلعا  قايتقان سايىن، كوپتەگەن  باۋىرلارىڭىزدىڭ سىزدەي  بولساق دەيتىن ىزگى  تىلەكپەن  ەسەيىپ كەلە  جاتقانىن كورىپ ىشتەي  مارقايىپ وتىرامىن.
  
  بىرنەشە جىلدىڭ الدى ەدى،  جانىڭىزدا  ناعاشىمنىڭ ۇلى  تۇردى. الدىمەن  يمەنە باسىپ      ەسىگىڭىزدەن اتتاعان ول  سالماقتاي باسىپ، اينالاسىن شولا، سىزگە  قولىن  ۇسىنا بەردى. سالدەن سوڭ، جۇرەك توقتاتىپ، اڭگىمەگە كوشتى. قىزمەت  ىزدەپ تالاي  ەسىكتى  توزدىرعانىن ايتىپ، مۇڭىن شاعا باستادى، باستابىنداعى  بايسالدى قالپىنان ايني  باستاسا دا ونى  ىجداعاتپەن تىڭداعان ءسىز:  «تەپەرىش ەشبىر ەتە الماس تەكتىنى كەرەڭ» دەپ  ءبىر اڭگىمە  باستادىڭىز، سىرتتاي، اڭگىمەگە قاتىناسپاي تىڭداپ  وتىرىپ «ۇلكەننەن  ۇلاعات،كىشىدەن ءىلتيپات» دەگەن وسى  بولار دەپ باۋىرىڭىزدىڭ  ماڭدايىنان سىلاپ، جول كورسەتكەنىڭىزگە،تۋىسقاندىق مەيىرىڭىزگە ءتانتى بولعام.  ول كۇنگى اڭگىمە «ەر ازاماتتا  ءاسىلى  سالقىن  قاندىلىق پەن پايىمدى پاراسات مەنمۇندالاعانى ءجون» دەپ اياقتالدى. بىلەم، سول كۇنى ازامات ءىنىڭىز ءومىر ءمانىن تاپقانداي، قۋانىپ اتتاندى. ءسىزدى  دەن  قويا  تىڭداعانى سونشا، ادامدار اراسىنداعى ءارى  شىنايى، ءارى ءتاپ -ءتاتتى ءبىر سيلاستىققا سەنە تۇسكەندەي، اراسىنداعى ءماندى ازىلدەرىڭ وزىنەن قازاقى قالجىڭنىڭ سۇيكىمدى ۇلگىسىن كورگەندەي قۋانىشتا. ول بۇگىن ماڭدايىن سىلاعان  اعاسىنىڭ  ءبىلىمى مەن  بىلىگىن،  دارىنى  مەن قارىمىن،ءتىپتى  قاتال  ەسكەرتۋلەرىن دە  تىڭداپ،  وزىنە قايتادان  تىڭ سەنىم تاۋىپ، سەرپىلە  تۇسكەندەي، جايدارى بەينەمەن جانىڭىزدان قيماي - قيماي قوشتاستى.
  
  اعا  سيلاپ وسكەن قازاقتىڭ قارا  دومالاعى ءسىزدىڭ سول اعالىق ءىلتيپات پەن  اقىلدى  قۇپ  الدى  دا قۇلشىندى. «اۋىزدان قول ءۇزسىن» دەپ  ەڭبەكتەندى، بۇگىن ول ءوز اۋىلىنىڭ  ماقتانىش ەتەرلىك  ۇلى بولىپ ءوز سالاسىندا  ەلەۋلى ەڭبەگىمەن  القاۋعا بولەنىپ كەلەدى. بەينە ك.گ. پاۋستوۆسكي ايتقانداي: «ءوز اۋىلىڭدى دا ءاربىر ۇساق-تۇيەگىنە دەيىن، ەرەكشە دە وتە  قىمبات، سۇيىكتى  سەزىنبەسەڭ، ادامدىق مىنەزدەمەڭ دە  جوق» دەپ اۋىلدى سۇيگەنى سونشا،ءاربىر جاڭالىعىنا قۋانىپ، جاقسىلىعىنا جارشى  بولىپ، ءوزىنىڭ شىنايى دا ىنتالى  قالپىمەن  ءالى دە ءسىزدى  قىنجىلتپاۋعا    اسىق. ول ماعان : «مەندە  جالعىز عانا  ارمان  بار،ول اعاعا  بەرگەن سەرتىمدە  تۇرىپ، ەڭبەكشىل بولا ءبىلۋ، سول ۋادەم مۇزعا  جازىپ، كۇنگە  كەپتىرگەنمەن بىردەي  بولماسا ەكەن، سۇرىنسەم اعام وڭدىرتپاس» دەدى، جىمىڭ قاعىپ. مەن  باۋىرىما  ازىلدەپ:
«قۇرمەتىڭ بار  پالەنگە، تۇگەنگە دە،
ءبىراق ونى ايتپا دا  دالەلدەمە.
ساعىنىش-مىسالى، ءۇنسىز،     ءتىلسىز،
   الدە قايدان  جەتكەن ءبىر سالەمدەمە» دەپ قويدىم. ول ءبارىن تۇسىنگەندەي باس يزەپ، «ءار قادامىما اعا الىستان قاراپ تۇرعانداي  ۇلكەن جاۋاپكەرشىلىك سەزىنەتىن بولدىم» دەدى سابىرمەن.
  
  ءيا، بۇل  اۋىل تالاي  تۇلپاردى تۇلەتىپ، تالاي  بايگەنى  شاڭداتقان اۋىل ەمەس پە  ەدى؟ تانىپ باپتاي  بىلگەندە، قوتىر  تايدى دا تۇلەتىپ، تۇلپار  ەتكەن بابالارىمىزدىڭ كورەگەندىگى  سىزدە بار-دى. كەيدە سىناي قارايتىن وت  جانارىڭىزدان يمەنەتىنبىز. ءالى ەسىمدە، ءبىر  جولى قاتتى  كۇلسەم كەرەك قىز بالادا  سولاي  كۇلەمە ەكەن دەپ قاباق  شىتتىڭىز، اۋەلى،اۋىلداعى الدەبىر اتايدىڭ  كۇلكىسىنە ۇقساتىپ،مىسقىلداعانداي بولعاسىن،مەن     «شىداماس» جىلاپ جىبەردىم. قالاي  جۇباتارىڭىزدى  بىلمەدىڭىز بە  ەكەن، جايشىلىقتا كوپ كورسەتپەس ءبىر شەشەندىكپەن: «ءاي، مەنىڭ سەنى  قانشاما جاقسى  كورەتىنىمدى  بىلمەيسىڭ عوي، باياعىدا سەنى  كوتەرىپ ويناتۋ  ءۇشىن اپتا سوڭى بولا بەرە وقۋدان قاشاتىنبىز، ءبىر جولى، ءتىپتى جۇما  كۇنى قاشىپ كەلدىم. ادەتىمىزشە سەنى  كوتەرىپ الىپ، بىرنەشەۋىمىز ەسىك الدىندا ءماز جۇرگەنبىز، مەن كوتەرەم، مەن كوتەرەم دەپ اعايىندى بىرنەشەۋىمىز تالاسىپ  ءجۇرىپ، جىعىپ الدىق، سول كۇنگى شەشەمنىڭ تاياعى ءالى   ەسىمنەن كەتپەيدى» دەدىڭىز داۋىسى بارعان سايىن باسەڭدەپ، 40 تان اسقان، تىم  قاتال كورىنەتىن اعامنىڭ جۇرەگىنىڭ  وسىنشاما  نازىكتىگىن سوندا سەزگەن ەدىم. ءيا، جاقىنىنا، قارىنداسىنا، باۋىرلاسىنا عانا ادام ەڭ قاتال تالاپپەن، ءار قادامى  اعات  كەتپەسىن، ءار قيمىلى  «كولەم» مەن   «شەكتىڭ» ىشىندە بولسىن دەپ  قارايتىنىن سوندا عانا  تۇسىنگەن ەدىم.  ءارقاشان سىناي  قارايتىن اسىل  اعالارىم مەنىڭ...
  
  بۇگىندەرى  ەسەيىپ-ەرجەتكەن سايىن، مەن تاعى دا سىزدەردىڭ ءار قادامىمدى  سولاي قاداعالاۋلارىڭىزدى  قانشاما ارماندايمىن  دەسەڭىزشى.  ەسەيدى دەپ ەلەۋسىز قويعاندارىڭىز با  الدە، سەنىم  ارتقاندارىڭىز با، بۇل كۇندەرى سول سىناي  قارايتىن جانارلارعا زار بولىپ جۇرگەندەيمىن. اسىرەسە، ۇرپاعىنىڭ، ءتىپتى ەڭ ۇلكەن اعات  قادامدارىنا دا بەيعام قارايتىن اتا-انالار مەن قاتەلىگىن كورە تۇرا قورعاشتاپ، ەت جاقىنى «ىرعالعان سايىن قۇيعا باتاتىن» كۇيگە   جەتكەنشە «ايالاپ» كەتەتىن جانداردى كورگەندە، جاي كۇلكىمنىڭ وزىنە ەسكەرتۋ بەرەتىن قاتال اعا-اپەكەلەرىمنىڭ ارقاسىندا بۇگىنگە جەتكەنىمدى  سەزىنە تۇسەمىن، سىزدەردى ساعىنامىن. ماقتاماعان دا داتتاماعان پەيىلدەرىڭىزدەن ۇلكەن ارمانعا اتتانىپ جۇرگەندەيمىن. ۇنسىزدىكتىڭ ءوزى  ۇلكەن  اڭگىمە دەيتىن دوسىم. ءۇن-ءتۇنسىز    الىستان قادالاتىن، ءاربىر العا باسۋ مەن سۇرىنۋلەرىمنىڭ  قاتال كۇزەتشىسىندەي بولعان سىزدەر  امان جۇرىڭىزدەر! جاناشىر جاقىندار، قاتال مىنەزدى  اعالار مەن  اپەكەلەر...
  
  كورشى  ۇيدەگى  اجەيدىڭ اڭگىمەسى ەسىمنەن كەتەر ەمەس، ماپەلەپ وسىرگەن جالعىز  ۇلى بار-دى. قالادا  ىستەيدى  دەپ  اتاي مەن  اجەي  ءماز وتىراتىن. مەندە  ءۇنحات  شەڭبەردەن  ونىڭ بىردە ۇشاقتىڭ «قانات-قۇيرىعىن» جولداپ ۇشىپ جۇرگەنىن، بىردە   سۋدا  جۇزگەنىن،ال بىردە  ايگىلى  اسحانالاردا  وتىرعانىن سۋرەتتەرىنەن  كورەتىنمىن. جۋىقتا اتاي  مەن  اجەيدىڭ ۇيىنە ءبىر توپ   ادامدار ساۋ ەتە ءتۇسىپتى. سويتسە، اياۋلى  ۇلدارى جوعارى  ءوسىمدى  قارىزعا  كەلىسكەن كولىك الىپ ءمىنىپ، ۋاعىندا قايتارماعانى، سوسىن زاڭ جانە  قارىز بەرگەن سەرىكتىك ادامدارىنىڭ قۋزاپ كەلۋى ەكەن. «قىلىعى  تۇزدە» جۇرگەن قۇلىندارىنىڭ بۇل اقىماقتىعىن ەستىگەندە اتاي مەن اجەيدىڭ  توبەلەرىنەن  جاي  تۇسكەندەي بولعانى انىق. ۇرپاعىمىز  ەرجەتتى، ەسەيدى دەپ تىم ەركىنسىتىپ جىبەرۋدىڭ سوڭى وسى  بولسا كەرەك... مۇنداي مىسالدار ءالى دە كوپ اينالامىزدا، شىرىنىنا شىرماپ كەتەر تىرلىك شەكەردىڭ  كوز قارىقتىرار تۇستارى كەي جاستاردى  يىرىمىنە  تەز  توعىتاتىنى  بار. سوسىن دا قاشاندا  قىراعى  كوزدى  اعالار مەن جاناشىر  اپەكەلەر، اياۋلى  اتا-انالاردىڭ ءار قادامىمىزعا بارلاي  قاراۋى كەرەك تە! ەسەيدى دەپ ەلەۋسىز قالدىرا  بەرمەڭىزدەرشى...

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.


 
powered by IlgharCMS 3.2 www.ilghar.cn