ۇسىنىس ەتىلگەن ءتىلشى گۇلنۇر امەت قىزى حابارلايدى. ءدوربىلجىن اۋدانى ءۇشقاراسۋ قالاشىعى حالىق قۇرىلتايى ءتوراعالار القاسىنىڭ ۇيىمداستىرۋىندا قالاشىقتاعى ەكى دارەجەلى حالىق قۇرىلتاي ۋاكىلدەرى «ۇلتتار ىنتىماعىنىڭ بەرەكەلى شاڭىراعى» اتىنداعى قيمىل وتكىزدى.
قيمىلدا باس شۋجي شي جينپيڭنىڭ ماڭىزدى سوزدەرىنىڭ رۋحىن باتىل دايەكتىلەندىرىپ، قوعام ورنىقتىلىعى مەن باياندى تىنىشتىقتى جۇزەگە اسىرۋ جونىندە ارناۋلى ۇيرەنۋ ورىستەتتى. مۇندا ۋاكىلدەر پارتيانى، وتاندى، جۇڭحۋا ۇلتتارى ۇلى شاڭىراعىن قىزۋ ءسۇيۋ سىندى «ءۇشتى قىزۋ ءسۇيۋ» مەن بولشەكتەۋشىلىككە، ۇشقارىلىققا، زورلىقتى كۇش لاڭكەستەرىنە قارسى تۇرۋ سىندى «ۇشكە قارسى تۇرۋ» جونىندە ارناۋلى تالقى جۇرگىزىپ، «قالاي قاراۋ، قالاي ۇيرەنۋ، قالاي ىستەۋ» تۋرالى وزدەرىنىڭ اسەرلەرىن سويلەپ، سول ارقىلى باس نىسانا جونىندەگى تانىمدارىن ايقىنداپ، «ءۇش ءتۇرلى كۇشپەن» باتىل كۇرەس جۇرگىزەتىن سەنىمدەرىن بەكەمدەپ، ءىس جۇزىندىك ارەكەتى ارقىلى قوعام ورنىقتىلىعى مەن باياندى تىنىشتىقتى قورعايتىندىقتارىن ءبىلدىردى.
حالىق قۇرىلتاي ۋاكىلدەرى تۋىس بولعان ءار ۇلت بۇقاراسىمەن پىكىر الماستىرىپ، شۇيىركەلەسىپ، ءوزارا وتباسى جاعدايلارىن سۇراپ ۇعىسىپ، قول ۇستاسىپ سۋرەتكە ءتۇسىپ، تۋىسقاندىق بايلانىستارىن قويۋلاتسا؛ ۋاكىلدەر وزدەرىنىڭ ۇكىمەت قىزمەتىن باقىلاۋ بورىشتارىن اداقتاپ، پىكىر-تالاپتارىن العا قويدى. ولار ۇلتتاردىڭ بەرەكە ـ بىرلىگىن ساقتاۋدىڭ ەڭ ۇلى كۇشى - تىزە قوسا وتىرىپ بىرلىكتە العا ىلگەرىلەۋدە، بەرىك نەگىزى -ۇلتتاردىڭ ۇلى ىنتىماعىندا ەكەنىن تانىپ جەتتى.
وسى رەتكى قيمىل ارقىلى ۋاكىلدەر مەن حالىق بۇقاراسىنىڭ بارىس ـ كەلىسى جيىلەگەن سايىن جۇرەكتەرى توعىسىپ، سۇيىسپەنشىلىگى ارتىپ، حالىق بۇقاراسىنىڭ ۇكىمەت ىستەرىنە ۇسىنىس ـ پىكىر بەرۋ ورەسىنىڭ جوعارىلايتىندىعىن تانىپ جەتىپ، پارتيا ۇيىمىنا شەكسىز العىستارىن ءبىلدىردى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.