ەەڭ جاڭا مازمۇندار
جۇڭحۋا حالىق رەسپۋبليكاسى قۇرىلعاندىعىنىڭ 73 جىلدىعىن قۇتتىقتاۋ بايلانىسىمەن مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
شي جينپيڭنىڭ زاڭمەن باسقارۋ يدەياسىن شينجياڭدى جاپپاي زاڭمەن باسقارۋدىڭ جالپى بارىسىندا دايەكتىلەندىرىپ، زاڭمەن باسقارۋ ويى، ءتاسىلى ارقىلى دامۋدى ىلگەرىلەتىپ، قايشىلىقتى شەشىپ، ورنىقتىلىقتى قورعاپ، حاۋىپ - قاتەرگە توتەپ بەرۋ كەرەك
شينجياڭداعى ءار ۇلت، ءار سالا حالىق قاھارماندارىنا قۇرمەتپەن گۇل شارباق قويدى
مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
جاڭاشا بۇكىل مەملەكەتتىك ءتۇزىلىس ابزالدىلىعىن تولىق ساۋلەلەندىرىپ، ەشقاشان بوساڭسىماي، باستان − اياق ءساتتى جۇرگىزىپ، قاجىماي ەڭبەك ەتىپ، ەلىمىزدىڭ وزىق جابدىق جاساۋدا اناعۇرلىم كوپ كەلەلى ناتيجەلەرگە قول جەتكىزۋىن قۇلشىنا جۇزەگە اسىرۋ كەرەك
قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى بەيجيڭدە سالتاناتپەن وتكىزىلدى
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى

توبە-توبەشىكتەردەن ءۇستىرت-شىڭدارعا...

جولدانعان ۋاقىتى : 2017/8/21 13:53:13

-اعارتۋشى،جازۋشى،قوعام قايراتكەرى سۇلتان رامازان ۇلى جانبولاتوۆپەن سۇحبات

   (باسى اپتا مارەسىنىڭ وتكەن سانىندا) 

    جارقىن حاليت ۇلى:ءسىزدىڭ ادەبيەت تانۋ جاعىنداعى جۇيەدەن ادەبيەت جاسامپازدىعى جاعىنداعى ومىرىڭىزدەگى ەڭ جەمىستى جىلدارى قايسى مەزگىلگە تۋرا كەلەدى؟وسى ورايدا ۋاكىلدىك شىعارمالارىم دەپ قايسىلارىن اتار ەدىڭىز؟

    سۇلتان رامازان ۇلى جانبولاتوۆ:1986-جىلى اۆتونوميالى رايوندىق وقۋ-اعارتۋ مەڭگەرمەسىنە كەلىپ، وزىمە بەرىلگەن سالا جۇمىسىنا قانىعىپ،ىسكە ىرىقتى كىرىسكەننەن كەيىنگى (مولشەرمەن 1990-جىلدان بەرگى) تۇستان باستاپ قازىرگە  دەيىن،دەنساۋلىعىم جاقسى كۇندەردىڭ بارىندە دە، شۇكىرلىك، قولدان كەلگەنىنشە ءونىمدى جۇمىس جۇرگىزىپ كەلەمىن. مۇنىڭ باسى «ەلجاۋ كۇنبيدە» جاتىر. سىنگەرلەر ۇستاعان تالاپتارعا سالىستىرا ايتسام، «ءبىز» جانە «ءۇيسىن حيكايالارى» اتتى تريلوگيالارىم مەن «ارۋاقتار اراسىندا» مەن «وكىنىش» (العاشقى اتى-«‹وڭازالار› ەلىندەگى تىشقاننىڭ بورلانۋى») سەكىلدى اڭگىمەلەرىمدى ۋاكىلدىك تۋىندىلارىما جاتقىزامىن.

   ج. حاليت ۇلى: ەلىمىز قازاق ادەبيەتىنىڭ بۇگىنگى تاڭداعى جەتىستىكتەرى تۋرالى قانداي ايتارىڭىز بار؟بىلايشا ايتقاندا،بۇگىنگى تاڭداعى جۇڭگو (شينجياڭ) قازاق ادەبيەتى قايسى دەڭگەيدە دەپ بىلەسىز؟

    س. جانبولاتوۆ  :جۇڭگو قازاقتارىنىڭ بۇگىنگى پروزاسى دەڭگەي جاعىنان رەفورمادان بۇرىنعى تۇستاعى قازاق پروزاسىنان الدەقايدا جوعارى، ساپادان بيىكتەدى، ساننان كوبەيدى. ءبىز پارتيامىز بەن ۇكىمەتىمىزگە، باقىتتى زامانىمىزعا زور العىس ايتۋعا ءتيىستىمىز. مىسالى، بۇگىنگى تاڭداعى جەتىستىكتەر تۋرالى جازۋشى،فانتاست،شەجىرەشى،اقىن نۇرلان سارسەنبايەۆتىڭ ءبىر ايتقانى بار: «جۇڭگو قازاق ادەبيەتىندە قازىرگە دەيىن 200 گە تاياۋ رومان جاريالانىپتى. بۇل    ادەبيەتىمىز جونىندە قۋانارلىق ۇلكەن تابىس» دەپ، وتە دۇرىس. بۇل راسىندا دا ۇلكەن تابىس. بۇل رومانداردىڭ ىشىندە مەملەكەتتىك، اۆتونوميالى رايوندىق،ت.ب. دارەجەلى سيلىقتار العانى دا ءبىرتالاي. انا التايدا،تارباعاتايدا،ىلەدە،بۇراتالادا،سانجىدا،ۇرىمجىدە، بەيجىڭدە، قۇمىلدا،گانسۋ اقسايىندا كوشباسشى بولىپ،كىمدەردىڭ ماراپاتتالعانىن مەنەن دە جاقسى بىلەسىڭدەر. بۇل ءبىر.

    پروزاعا سالىستىرعاندا، پويەزيامىز الدا كەتىپ بارادى. بۇل تاراپتان سيلانعاندار ءتىپتى كوپ. جالپى العاندا، كوپ ىلگەرىلەپ، زور تابىستارعا قول جەتكىزدىك.

   ءبىراق، قايسى دەڭگەيدە دەگەنىڭىزگە،قازاق ءتىلدى پروزانى عانا نازارعا الا ايتارىم -ەلىمىزدەگى حانزۋ ءتىلدى پروزادان كوپ تومەن. ولارداعى موياندىكى سەكىلدى شوقىلار بىزدە جوق. ولارداعى ۇستىرتتەر مەن توبەشىكتەردىڭ كوبى دە بىزدىكىنەن بيىكتەۋ. ءبىزدىڭ تاقىرىپ تۇرلەرىمىز دە از، تار. پروزاعا قاراتىلعان سىن دا ءالسىز. «دوس جىلاتىپ ايتادىنى» ۇناتاتىن سانالى قازاق مەنىڭ بۇل جىلاتباي، تەك باسا ايتقانىمدى دۇرىس ۇعاتىن شىعار. سوندىقتان، باس شۋجيدىڭ ءسوزىن جاقسى ۇيرەنىپ، تەرەڭ زەردەلەپ، ولقى تۇستارىمىزدى تاۋىپ، تەزىرەك العا باسۋدىڭ امالىن قاراستىرۋىمىز كەرەك.

   ج. حاليت ۇلى: بۇگىنگى تاڭداعى جۇڭگو (شينجياڭ) قازاق ادەبيەتىنىڭ دامۋىندا وزگە ۇلت ادەبيەتىمەن سالىستىرعاندا،قانداي وزگەشەلىكتەرى بار؟قانداي كەمشىلىك نەمەسە ولقى جەرلەرى،ناقتىراق ايتساق،قاي جاعىندا قانداي جەتەرسىزدىكتەرى بار؟قايسى جاقتارىنا، قايتىپ كۇش سالۋعا تۋرا كەلەدى؟ 

   س. جانبولاتوۆ: مەن وزگەشەلىك دەگەندى وزگەدە جوقتىڭ بىزدە بارى دەگەن ماعىنادا ءتۇسىنىپ وتىرمىن. مۇندايدى قازىرشە كورسەتە المايمىن. مىسالى،حانزۋ ءتىلدى پروزادا جىلىنا مىڭداعان رومان جاريالانادى. ولاردا بار تالاي دۇنيەلەر (مىسالى، مەكتەپ ادەبيەتى، اسكەري ادەبيەت، ت. ب. ) بىزدە جوق. بىزدە باردىڭ ءبارى دەرلىك ولاردا بار. سوندىقتان جانرعا، تۇرگە بايلانىستى وزگەشەلىكتى ايتا المايمىن. سۋرەتكەرلىك،شەبەرلىك تاراپىنان دا اسىپ، تاسىپ، دارالانىپ، باسىپ تۇرعان تارابىمىز جوقتىڭ قاسى.

    ال، ولارعا سالىستىرعاندا، ولقىلىعىمىز باستى ورىندا. ەڭ باستىسى حالقىمىزدىڭ سانى از، سوعان وراي شامامىز شاقتى. ورەمىز تومەن،  مۇمكىندىگىمىز از. مىسالى:

   А. كوركەم ادەبيەت اينالاسىنداعى نازاريالىق ءبىلىمىمىز تومەن. ۇلكەندەردى بىلاي قويعاندا، بۇل وڭىردەن شىققان ورتا جاس دوكتور، پروفەسسورلارىمىز دا از. الەم ادەبيەتىندەگى جاڭا اعىمداردى، ءتىپتى اۋەلى موياننىڭ كەي قىرلارىن ءالى دە تۇسىنبەيتىندەر نە جاتىرقايتىندار تابىلادى.

   B. قالامگەرلەردىڭ كوبىنە قاراتا ايتقاندا، حانزۋ ءتىلدى ادەبي ورتامەن تانىستىق شەكتى. شەتەل ادەبيەتىنەن حابارىمىز ءتىپتى ماردىمسىز.

   C. سىنگەرلەر از عانا ەمەس، جوعارى دەڭگەيلى سىنني ەڭبەكتەر دە تاپشى.

   D. سونىمەن ەڭ ساپالى، ەڭ سارا تۋىندىعا تاپشى كۇيدە كەلە جاتىرمىز.

   سوندا «سىزشە ەڭ ساپالى،سارا  تۋىندىنىڭ بەلگىسى قانداي؟» دەرسىڭ. بۇل تۋرالى،بەيجيڭ ۋنيۆەرسيتەتىنىڭ پروفەسسورى،وسىزامان ادەبيەتىنەن دوكتورلار جەتەكشىسى،حالىقارالىق اندەرسەن سيلىعىنىڭ يەگەرى ساۋ ۋىنشۋاننىڭ (曹文轩) ايتقانىن جوعارىدا ايتتىم. ول ون نەشە جىلدىڭ الدىندا «جۇڭگونىڭ ەڭ ۇزدىك ادەبي تۋىندىسى-حالىقارالىق دەڭگەيدەگى تۋىندى» دەگەن بولاتىن. بۇل بيىككە حانزۋ ءتىلدى جازۋشىلاردان تاياعاندار (مويان، ساۋ ۋىنشۋان، ت. ب. سىقىلدىلار) شىقتى. جۇڭگو حانزۋ ءتىلدى جازۋشىلارى  الەمي دەڭگەيگە كوتەرىلە باستادى. ال،ءبىز ءالى الىستا ءجۇرمىز. ءوز ءۇيىمىزدىڭ تورىنە شىققان از ساندىعا ءماز بولىپ دەگەندەي.

    E. ادەبي اۋدارماشىلار از. وتە-موتە، قازاقشادان حانزۋشاعا اۋدارۋشىلار ساناۋلى. ونىڭ ۇستىنە ولاردىڭ ءبارى بىردەي تانىمال حانزۋ ءتىلدى جازۋشى ەمەس. بۇل جاعدايدا تۋىندىلارىمىزدىڭ حانزۋ وقىرماندارىنا تولىق تۇرقىمەن جەتۋى، ءتىپتى مازمۇنىنان شەبەرلىگىنە شەيىن حانزۋ   ءتىلدى وقىرماندار سۇرانىسىنا جەتكىزىلە اۋدارىلۋى دا وڭاي ەمەس.

    قازاقستاننىڭ سەمەي قالاسىندا  وتكەن ءبىر حالىقارالىق كونفەرەنتسياداعى مىنا احۋال تالايدى تۇسىندىرەدى. سول كەزدەگى شىعىس قازاقستان وبلىسىنىڭ اكىمى جانىبەك كارىبجانوۆ  ۇشەۋىمىزگە شاپان جاۋىپ قۇرمەت بىلدىرگەندە، ءۇشىنشى ادامدى تانىماعان سوڭ، سۇرادىم. سوندا جاكەڭ «بۇل مىرزا م. اۋەزوۆ شىعارمالارىن ورىس تىلىنە كەرەمەت كەلىستىرىپ اۋدارعان اتاقتى ورىس جازۋشىسى»دەدى. ول ارادا ۇندەمەي، بىلاي شىققاسىن ۇقتىم. 50-60 جىلدان بەرى مۇحاڭ ەڭبەكتەرى ورىسشاعا سان رەت اۋدارىلىپ جاريالانسا دا، بىردە- ءبىرى ورىس وقىرماندارىن (قازاقتاردى قازاقشاسى تارتقانداي) تارتا الماعان ەكەن. مىنا كىسىنىڭ اۋدارماسى كەرەمەت شىعىپتى. ءبىر عاجابى بۇل كىسى ءبىر اۋىز قازاقشا بىلمەيدى ەكەن.  ءبىراق، ورىستاردى اۋزىنا قاراتقان   اتاقتى ورىس جازۋشىسى بولعاندىقتان،بۇرىنعى (قازاقشاعا قيىنمىن دەگەن  ورىس پەن ورىسشاعا قيىنمىن دەگەن قازاقتىڭ) اۋدارمالارىن الدىنا جايىپ قويىپ، وڭدەلگەن، ورىستار باس قويا وقيتىن اۋدارمانى جاريالاپتى. ءبىز قازىر بۇل قاجەتتىلىكتى سەزىندىك پە، ويتەر ىقىلاس پەن مۇمكىندىك بار ما، بىلمەيمىن.

   F. شىعارماشىلىق اۋىس-كۇيىس كەمشىل. جازۋشىلاردىڭ وقىرماندارمەن كەزىگۋىن ۇيىمداستىرۋ جوقتىڭ قاسى. ارنايى (ادەبي سىن، پروزا، پويەزيا، فانتاستيكا، ت. ب. تۋرالى) تالقىلار سيرەك. سونىمەن بىرگە، بۇلار وزگە ۇلتپەن،وزگە ەلدىكتەرمەن بىرگە جۇرگىزىلۋگە ادەتتەندىرىلمەگەن.

   G. وقىرماندار ازايىپ بارادى. مۇنىڭ سەبەبى كوپ. ءبارىن ايتۋدىڭ قاجەتى شامالى. مۇنداعى كورىنىپ تۇرعان ءبىر جاعداي -جاس جاعىنان دا، زاۋقى جاعىنان دا، ورە جاعىنان دا، ءتىل جاعىنان دا كوپ قاتپارلى قاۋىم وقىرمان دەگەننىڭ سانى از ۇلتتا. ءتىپتى از بولاتىنىن بىلاي قويعاندا، تالايى روماننان اڭگىمەگە، اڭگىمەدەن ميكرو اڭگىمەگە، ودان ينتەرنەت نە تەلەۆيدەنياعا، ءتىپتى ودان جاي قولفونعا، جاي قولفوننان     سمارتفون نە ايپاتقا اۋناپ بارادى. تاعى ونىڭ وزگە تىلدىلەرىنە!

    ج. حاليت ۇلى: بۇگىنگى تاڭداعى جازۋشىلارىمىز، ادەبيەت-كوركەمونەرشىلەرىمىز قازىرگى وقىرمانداردىڭ تالابىنان شىعۋ ءۇشىن، وزگە ۇلت  ادەبيەتىنەن شوقتىعى بيىك، كەسەك شىعارما جاراتۋ، دۇنيە جۇزىلىك دەڭگەيگە قادام تاستاۋ ءۇشىن، قايسى جاقتاردان كۇش سالسا بولادى؟ ۇيرەنۋدى قالاي كۇشەيتسە بولادى؟ بۇگىنگى تاڭداعى ادەبي تۋىندىلارىمىزدى الەمدىك دەڭگەيگە جەتكىزۋگە ۇمتىلۋدا،اقىن-جازۋشىلارىمىزعا جۇيەدەن بارلىق ادەبيەت-كوركەمونەرشىلەرىمىزگە قانداي تالاپ قويىلسا بولادى؟ جازۋشى، زەرتتەۋشى تۇرعىسىنان بۇل ماسەلەگە قالاي جاۋاپ بەرەسىز؟ 

    س. جانبولاتوۆ  :بۇل كەسەك تاقىرىپ،ۇلكەن اڭگىمە. كوپ جابىلا    اقىلداسساق،تولىعىراق جاۋاپ شىعار.

   قازىرگى وقىرمانداردىڭ تالابىنان تولىق شىعا الماي، وزگە ۇلت ادەبيەتىنەن شوقتىعى بيىك، كەسەك شىعارما جاراتا الماي، دۇنيە جۇزىلىك دەڭگەيگە قادام تاستاۋدان الىس جۇرگەن مەنىڭ بۇعان جاۋاپ بەرۋىم قيىن. سوندا دا قاشقاقتامايىن. ءوز ءومىر تاجىريبەلەرىم مەن ساباقتارىما بايلانىستى مىنا ويلارىمدى بۇكپەي ايتايىن:

   الدىمەن، بالا جاستان ۋاقىتپەن جارىسۋدى عادەتكە اينالدىرۋ كەرەك. بۇل «بولار بالا بول» دەگەندىك.

    ۋاقىت اتتى فيزيكالىق ۇعىمنىڭ قاسيەتى: ايالسىز،ءبىر قالىپتى، مەيىرىمسىز،تاۋەلسىز،ءادىل... سوڭعى بۋىن، ءتىپتى بىلايعى قالامگەرلەردەن اۋەلى وسىنى ەستە مىقتى ۇستاۋدى ءۇمىت ەتەر ەدىم. مۇنى ەسكەرە العان قالامگەر ەرتە باستان ۋاقىتپەن جارىسۋعا، ۋاقىتتى ۇتۋعا، ءوزىن   ەڭبەكشىل ەتۋگە اتتانار ەدى. ءوزى  ءومىر ءسۇرىپ جۇرگەن ۋاقىتتىڭ دا ارتىندا قالىپ، ۋاقىت تىزبەگىنەن قۇرالاتىن تاريحتىڭ دا، ەشكىمگە جالتاقتاماي (تاۋەلسىز)،قاتاڭدىقپەن (مەيىرىمسىزدىكپەن) تەزگە سالىپ، وزىنە دە، وزگەلەرگە دە ءادىل باعا بەرەتىنىن ەرتە ەسكەرەر ەدى، ەرتە سەزەر ەدى. مىنا پانيدەگى وتكىنشى جاۋىننىڭ «راقاتىنا» ءماز بولماي،  ۇزاقتى ويلار، ەلدىڭ، وتاننىڭ، حالىقتىڭ، بولاشاقتىڭ تالابىن ەسكەرەر، وعان ەرتە جانە دۇرىس بەيىمدەلەر ەدى.

   باس شۋجي شي جينپيڭ ايتقانداي، جاندى جادىراتار ولمەس ۇلى تۋىندى جاراتۋدى، سول ارقىلى ومىردەن، ۋاقىتتان، اسىرەسە تاريحتان، اينالىپ كەلگەندە، بىلايعى ۇرپاقتان الار باعاسىنىڭ كوڭىلدەگىدەي بولۋىن سانالى قالامگەر ارماندايدى-اق. ۋاقىتتىڭ  اتالعان قاسيەتتەرىن ەسكەرۋدەن جاي قالۋشىلاردىڭ بۇل ارمانعا تاياۋى دا قيىن. ويتكەنى ۋاقىتقا ءتان ول قاسيەتتەردى ەرتە ەسكەرە العانداردىڭ دا ارتىندا قول جەتپەگەن ارمان قالارى ءسوزسىز. ەگەر ول ۇلى مۇراتتى، بيىك ورەلى قالامگەر،اتىنا ساي زيالى بولسا.

    ءيا، باس شۋجي شي جينپيڭ نۇسقاۋىن باسشىلىققا الدى، مىنا ايتىلعانداردى دا ەسكەردى دەيىك، ەڭبەكشىل بولۋعا بەكىدى، اتتاندى دەيىك. ۋاقىتپەن جارىستى دەيىك. سونداعى ەڭبەكشىلدىك زاۆودتان اۆتوماتتى تۇردە وندىرگەندەي، بۇرقىراتىپ جازا بەرۋ مە؟جوق!
قالامگەردىڭ قۇندىلىق كوزقاراسىنىڭ دۇرىس تا كەمەل بولۋى -«ەكى ءۇشىن» تالابىنا ەرتە بەيىمدەلۋىنە،  اتاپ ايتقاندا،بىلايعى ەڭبەگىنىڭ (شىعارماشىلىعىنىڭ) ومىرشەڭدىگى مەن ارمانىنداعىداي بولۋىنا، ۇلى تۋىندىعا جۇكتى بولۋىنا باستى شارت.

   قۇندىلىق-مادەنيەت اۋماعىنا جاتاتىن،قالامگەردىڭ ساپاسىن، ءبىتىمىن بىلدىرەتىن فيلوسوفيالىق-سوتسيولوگيالىق ۇعىم .بۇعان قالامگەردىڭ ساناداعى قۇندىلىق ۇعىمى (ويى، باعاسى، ماقساتى، امالى، ت. ب) دا كىرەدى .قىسقا دا قاراپايىم تىلمەن قايىرسام، قۇندىلىق دەگەن قالامگەردىڭ ءومىر سۇرۋدەگى ماقساتى، ول ءۇشىن تۇتقان جولى مەن امالى، مىنەزى مەن قۇلقى .قۇندىلىق قالامگەردىڭ نە ماقساتتا، نەنى جازۋ مەن قالاي جازۋىنا جەتەكشىلىك ەتەدى. جازعاندارىنىڭ ومىرشەڭ ەمەس،جاي شيماي بولىپ قالۋى مەن ءتاۋىر،ءتىپتى ومىرشەڭ، اۋەلى ۇلى شىعارما بولۋىنا جولايىرىق جاسايدى. ويتكەنى قۇندىلىق دەگەن سالىستىرمالى ۇعىم. ونىڭ بەيشىنايى، ۋاقىتتىق، ماڭىزسىز، ءتىپتى ازدىرۋعا يتەرەتىن جالعان قۇندىلىقتارى دا بار. ورەلى قالامگەرگە كەرەگى شىنايى قۇندىلىق - جوعارى ادامي قاسيەتتەرگە يە، سانالى، ەلگە، حالىققا، ادامزاتقا پايدالى، قوعامدى ىلگەرىلەتەتىن قۇندىلىق.

   ۇزدىك تۋىندى كوزدى نەمەسە قۇلاقتى قارىق قىپ عانا قويماي،  وقىرماننىڭ رۋحي دەڭگەيىن كوتەرىپ،ونى ويلاندىرۋى، تولعاندىرۋى،جانىن تەبىرەنتىپ، يدەياسىن تۇندىرىپ،قۇندىلىق قاراسىنا، دۇنيە قاراسىنا وڭ ىقپال جاساۋى ءتيىس. ونداي تۋىندى اۆتورىنىڭ الدىمەن ءوزى سونداي دۇنيە قاراس پەن قۇندىلىق قاراسقا يە بولۋى كەرەك،   البەتتە.

   ءيا، قالامگەردىڭ قۇندىلىق كوزقاراسىنىڭ نەعۇرلىم دۇرىس تا كەمەل بولۋى باستى شارت. بۇل ءۇشىن بالا جاستان كورگەن تاربيەسى دە، ۇمتىلا ءجۇرىپ دۇرىس ءبىلىم الۋى دا، كورگەن وزىق ونەگەلەرى دە، بارىنەن دە بۇرىن وزىنە جاقسى دا دۇرىس قۇندىلىقتاردى دارىتا جەتىلۋى دە قاباعات ماڭىزدى. قالامگەردىڭ قۇندىلىق قاراسىن بۇزاتىن دا،قۇرتاتىن دا، قۇرتباسا دا شىرىتەتىن وزىمشىلدىكتى تاعان ەتكەن تار مۇددەنىڭ جەتەگى. ۇساق پايدا، ارزان اتاق، قۇرعاق داڭققا قۇمارلىق سودان تۋادى. مۇندايلاردىڭ دۇنيەسى ماعان ورتەنگەن قاعازدى ەلەستەتەدى. ورتەنگەن قاعاز لاپ ەتەدى، جانادى، لەزدىك بولىمسىز جارىق تا، قىزۋ دا بەرەدى،  ءبىراق دەرەۋ كۇلگە اينالادى... ءيلايىم، قالامگەرلەرىمىزدى وندايدان ساقتاسىن!

    سونان سوڭ، نە جازسا دا ءمانى بار، ماڭىزى بار،ءتالىمى بار، رۋحي ازىعى بار، ايتارى بار بولۋى ءتيىس. ايتارى جوق شىعارما تۇل. ايتارى جوق، تەك قىزىعى بار تۋىندىلار ءسوز ونەرىنەن تەك ەرمەك قۋعاندار ءۇشىن كەرەك شىعار. وقىرمان دەگەن الۋان قاتپارلى بولعاندىقتان بۇل دا جاريالانادى، ءوز وقىرمانىمەن بىرگە ءومىر سۇرەدى. ال، بۇل ءسوز ونەرىنەن وي ونەرىن قۋعان وقىرماندار ءۇشىن ەڭ ءبىرىنشى دارەجەدەگى قاجەتتىلىك سانالمايدى، ساپالى دا سارا ەڭبەك ەسەپتەلمەيدى. باس شۋجي ايتقان ءدوڭ نە ۇستىرتكە دە جاتپايدى. مۇندايلار ۇمىتىلماس، الايدا قۇندى بولا المايدى. مۇندايدى سارا تۋىندى قۋعان قالامگەرگە بەرمەسىن دەپ تىلەيىك. ايتارى بار، ايتارى تەرەڭ، ايتارى ماڭىزدى، ايتارى اسەرلى دە تارتىمدى شىعارمالار-ۇستىرتتەر مەن شوقىلار كوبەيسىن!

   ج. حاليت ۇلى: سىزدىڭشە، بۇگىنگى تاڭداعى جۇڭگو (شينجياڭ) قازاق ادەبيەتىندە الەمدىك دەڭگەيگە كوتەرىلگەن كەسەك شىعارما جاسامپازدىعى قالاي؟ وسى سالادا قالامى قارىمدى، ويى شۇلەن قالامگەرلەرىمىزدەن كىمدەردى اتار ەدىڭىز! 

  س. جانبولاتوۆ : مۇنىڭ وتە اۋىر سۇراۋ عوي. جۇڭگو قازىرگى زامان قازاق ادەبيەتىندەگى جالپى احۋالدى، ءتىپتى سونىڭ ىشىندەگى ءبىر سالا_ رومان سىندى كەسەك جانردىڭ دا حال-جايىن ءدال جانە ءتاپتىشتى دە تولىق ايتا المايمىن.

   الدىمەن، بۇل سىنگەرلەردىڭ مىندەتى. جاي سىنگەردىڭ ەمەس، مىقتى سىنشىنىڭ تولىق دايىندىقپەن عانا اۋىز اشا الاتىن تاقىرىبى. ەكىنشىدەن، مەن سىنشى ەمەسپىن. ۇشىنشىدەن، ءبىر-ەكى ءجۇز روماننىڭ تالايىن،وقىعانىم دا، كورگەنىم دە جوق. ەندى، بۇل ماڭىزدى سۇراۋ جاۋاپسىز قالماسىن. سوندا تىكە ەمەس، جاناي جاۋاپ قايىرعانىم ءجون سىقىلدى. مىنا ءۇش تاراپقا نەگىزدەلىپ:

  ءبىرى، وقىعان روماندارىمنىڭ بەرگەن اسەرىنە قاراپ. ەندى ءبىرى، سىنشىلاردىڭ كەي ماقالالارىنا سۇيەنىپ. تاعى ءبىرى، ەل ءىشى-سىرتىنىڭ قازاقشا روماندار جايلى شولۋلارىن ەسكەرىپ. سوڭعى ءبىرى، قازىرگى زامان كوركەم ادەبيەتى جايلى ءجۇرىپ جاتقان تالقىلارعا نەگىزدەلىپ.
 
   بۇل وسى سۇراۋدىڭ اينالاسىنا قىستىرما پىكىر عانا بولار. بىزدەگى رومانداردان الەمدىك دەڭگەيگە شىققان كەسەگىن قازىرشە كورە قويعانىم جوق. ونىڭ سەبەبى الەمگە تانىتۋشى اۋدارمادا ما،تانۋعا ءتيىستى سول الەمنىڭ پەيىلىنەن بە،جوق الدە روماننىڭ وزىنەن بە؟ مۇنى زەرتتەۋ كەرەك. ساپالى،سارا تۋىندىلاردى وقۋدى ارمانداۋ-جاقسى نيەت،وزىق تىلەك. ساننان گورى ساپاعا ءمان بەرگەن دۇرىس، اسىرەسە مىنا بازار (نارىق)   ەكونوميكاسى وڭىرىندەگى باسەكەدە، ۋاقىتىنىڭ كوبىن كۇن كورىستىڭ قامىنا جۇمساپ ارپالىسقان جانداردى ويلاعاندا ءتىپتى سولاي. كەيدە وتىرىپ قاعازي ادەبيەت تاريح ساحناسىنان كەتە مە،ۇزاق باياندى ادەبي تۋىندىلار  وقىرمانسىز قالا ما دەپ ۇرەيلەنەتىندەر دە كەزىگەدى.

    ال،ساپالىق كوتەرىلۋگە كوپ دايىندىق،ۇزاق بارىس كەرەك. ءبىز جانە بىزدەن بۇرىنعىلاردا وسى دايىندىق كەمشىل،بارىس قىسقا بولدى.

   كوركەم ادەبيەتتەگى ساپا دەگەن سومداعان كەيىپكەرىنىڭ جانى ارقىلى وقىرمان جانىن تەبىرەنتىپ، وقىرماندارداعى رۋحاني قاجەتتىلىكتەردى قاناعاتتاندىراتىن،ەلگە،ۇلتقا،ادامزاتقا پايدالى،كوركەمدىك،ەستەتيكالىق قاسيەتتەردىڭ بايلىعى. قالامگەردىڭ ساپالى تۋىندى بەرۋى ونىڭ بالا جاستان العان تاربيەسىنە، قۇندىلىق كوزقاراسىنىڭ دۇرىس جانە كەمەلدىگىنە، تۇتقان ماقساتىنا (وقىرمانعا ايتارىنا)، مەكتەپتەن نەمەسە وزدىگىنەن العان  ادەبي نازاريالىق ءبىلىمى مەن دايىندىعىنا، تىلدىك شەبەرلىكتەن جەتىلۋىنە، بىلىمدىك كەڭدىگىنە، الەم ادەبيەتىنەن حابارىنىڭ مولدىعىنا،تاقىرىپ تالعامىنا، العان تاقىرىبىن قيسىندى سيۋجەتتەر ارقىلى تارتىمدى بايانداۋ ۇستالىعىنا،ت. ب. تىعىز بايلانىستى.

   ال، بىزگە دەيىنگىلەردىڭ ىشىندە وسى سىقىلدى تالاپتاردى توپ-تولىق قاناعاتتاندىرىپ تۇرعان قالامگەرلەر قانشا؟ ءوزىڭىز ساناي بەرىڭىز. ەگەر مۇنداي قالامگەرلەر از بولسا، وندا سەبەپتى الدىمەن ولاردىڭ دارىنىنان ەمەس،باستارىنان وتكەن كەشىرمەلەرىنەن ىزدەۋ كەرەك. كەشىرمە دەگەن ولاردىڭ زامانىنا، قوعامدىق جاعدايىنا،تيگەن ورايىنا،العان تاربيەسىنە، يگەرگەن بىلىمىنە،ت. ب. تىرەلىپ جاتىر. ءبىز بەنەن بىزدەن بۇرىنعىلاردىڭ، وسى تىرەلىپ جاتقانداردى تولىق دايىنداپ الىپ ەمەس، ءۇش-اق جاعدايعا-ءبىرىنشى،ءوز مەنشىگىنە بەرىلگەن شاقتى ۋاقىتىنان پايدالانۋعا؛

   ەكىنشى، ءوز تىلىندە وقىعان ۇلگىلەرىنە ەلىكتەۋگە؛ءۇشىنشى، حالىقتان نەمەسە جازبالاردان جيعاندارىن قورىتۋعا سۇيەنىپ عانا شىعارماشىلىق ەڭبەككە كىرىسكەنى شىندىق عوي. بۇل مەيلىنشە قۇرمەتتەرلىك، الايدا انا كىسىلەر نۇسقاعان بيىككە كوتەرىلمەدى دەپ سوگۋگە كەلمەيتىن جاسامپازدىق ميحىنات.

   ال، ەندىگى جاستارعا ايتارىمىز باسقا. ويتكەنى بىزدەن كەيىنگىلەر   ءتىپتى دە قولايلى، ءتىپتى دە جاقسى، ءتىپتى دە باقىتتى كەشىرمەگە يە بولۋعا ورايلى. سوعان ساپالى، سارا، شوقى، ءتىپتى شىڭ، كلاسسيكالىق تۋىندىلار ەندى دۇنيەگە كەلەر دەپ ويلايمىن. ەگەر ولار ءارى دارىندى، ءارى ەڭبەكشىل، ءارى دايىندىعى تولىق،  ءارى قۇندىلىق قاراسى دۇرىس تا كەمەل بولسا. ولار ءۇشىن سەبەپتى كەشىرمەلەرىنەن گورى، دارىنىنان، ۇمتىلۋىنان ىزدەۋ كەرەك دەگىم كەلەدى. ويتكەنى ولارعا ەگەر ءوزى ۇمتىلسا، جايلى كەشىرمە دايىن تۇر. بۇرىنعىلاردى دارىنى بولسا دا، زامانى مەن كەشىرمەسى تۇسادى.

   ج. حاليت ۇلى: ءبىر جاعىنان     اكىمشىلىك قىزمەتتەرمەن قانشاما قاربالاس بولساڭىز دا،ءسىزدىڭ ادەبيەت جولىنداعى ىزدەنىسىڭىزدى ءبىر مينۋت تا توقتاتپاعانىڭىزدى بىلەمىز. ونى جوعارىداعى سۇحباتىمىز بارىسىندا دا ايتتىڭىز. ءسىزدىڭ كوپتەگەن سۇبەلى تۋىندىڭىز اكىمشىلىك قىزمەتپەن اينالىسىپ جۇرگەن كەزىڭىزدە جارىق كوردى. ونداي بولسا اكىمشىلىك جۇمىس پەن ادەبي جاسامپازدىقتى قاتار  الىپ ءجۇرۋىڭىز سىزگە قانداي وراي الا كەلدى؟ قانداي قىسىم تۋدىردى؟ قايسى جاقتاردان شارشادىڭىز! سىزدىڭشە، اكىمشىلىك جۇمىستار     ادەبيەت جاسامپازدىعىمەن شۇعىلدانۋعا  ورالعى بولا ما ؟بۇعان قانداي كوزقاراستاسىز؟

   س. جانبولاتوۆ: ءيا، مەن ءۇشىن سولاي بولعانى راس. باستا قالام ۇستاپ، سوسىن پەرنەتاحتا (كلاۆياتور) شۇقىلاعان 55 جىل ىشىندە بۇلاردان ورالعى،بوگەت، زيان كوردىم دەي المايمىن. دەگەنمەن بار كۇشىم ادەبيەتكە عانا جۇمسالسا، 20 توم ەمەس،ودان دا كوپ، بۇلاردان دا ورەلى  تۋىندى بەرەر مە ەدىم كىم ءبىلسىن.

   ەكى يىققادا اۋىر جۇكتى سانالى دا ەرىكتى ارتتىم.

   بىرىنە ۇيىم تاپسىرعان (ۋنيۆەرسيتەت مۇدىرىندىك، وقىتۋ مەن عىلىمي زەرتتەۋ، ارتىنان مەڭگەرمە باستىقتىعىندىق، مەملەكەتتىك حالىق قۇرىلتايىنا ۋاكىلدىك، ت. ب.) مىندەتتەردى قويدىم. بۇل ۋاقىتىمدى تارىلتقانىمەن، كوز ايامدى كەڭىتتى، جاي بۇقارا كەزىگە بەرمەيتىن ومىرمەن تانىستىردى، مەنىڭ قۇندىلىق قاراسىما وڭ ىقپال جاسادى،تالداۋ قابىلەتىمدى كوتەرە ءتۇستى،ماتەريالدارعا قولىمدى ۇزارتتى.

   ەندى بىرىنە ءوز جوسپارىمداعى  ادەبي شىعارماشىلىق جۇمىستارىمدى قويدىم.

   سوعان، شىنىمدى ايتۋىم كەرەك، ۋاقىت شىركىنمەن جاعالاستىم دا،جارىستىم دا، ەڭبەگىم ءونىپ رازى بولعان كەزىم دە،شارشاپ-شالدىققان تۇسىم دا اۋىسىپ كەلىپ وتىردى.    ءبىراق، جالپى العاندا،جانىمدى جادىراتقان شارشاۋلار كوپ بولدى.

    ج. حاليت ۇلى: ءسىز جوعارىداعى سۇحباتىمىز بارىسىندا، ‹سىنگەرلەر ۇستاعان تالاپتارعا سالىستىرا ايتسام، «ءبىز» بەن «ءۇيسىن  حيكاياسى» اتتى تريلوگيامدى «ارۋاقتار اراسىندا» مەن «وكىنىش» سەكىلدى اڭگىمەلەرىمدى ومىرىمدەگى ۋاكىلدىك    تۋىندىلارىما جاتقىزامىن دەدىڭىز.  ءوزىڭىزدىڭ بالا شاقتان ازامات جاسىنا،ونان قازىرگە دەيىنگى نۇرلى   ءومىرىڭىزدى زامانمەن بىرلەستىرە جۇلگەلەپ بايانداعان كەسەك شىعارماڭىز «ءبىز» اتتى تريلوگياڭىزدىڭ شەتەلدە سيلىق مارتەبەسىنە كوتەرىلگەنىن وقىرمانداردان ءجيى ەستىپ جاتىرمىز. بارەكەلدى ايتامىز، قۇتتى بولسىن !ەندى سوڭىندا وسى جايلى قىسقاشا توقتالا كەتسەڭىز؟

    س. جانبولاتوۆ : العانىم حالىقارالىق مارتەبەدەگى ادەبيەت سيلىعى. حالىقارالىق دەگەنى وزگە ەلدەردەگى قالامگەرلەرگە دە بەرىلەدى دەگەنى عوي. بۇل جولى بەلورۋسسيالىق،ازەربايجاندىق، وزبەكستاندىق، جۇڭگولىق تورتەۋىمىزگە بۇيىرعان ەكەن. ماعان   «ءبىز» اتتى عۇمىرنامالىق تريلوگيام ءۇشىن بەرىلگەن ەكەن. ولار بۇل تۋرالى «2008-جىلدان بەرى، سۇلتاننىڭ ‹ءبىز› اتتى اۆتوبيوگرافيالىق تريلوگياسى وقىرمانعا جول تارتقان بولاتىن. ول دا ‹ەس كىرۋ›، ‹ەس شىعۋ›، ‹ەس جيۋ› اتتى رومانداردان تۇراتىن،اۆتوردىڭ ءومىر جولىنىڭ  ورايىندا تۇتاس 20-عاسىرداعى جۇڭگو ەلىنىڭ، دالىرەك ايتقاندا، ونداعى قازاق حالقىنىڭ تىنىس-تىرشىلىگىن قامتىپ جاتقان ىرگەلى تۋىندى. بۇل تريلوگيا بەيجيڭدەگى ‹ۇلتتار باسپاسىنىڭ› دەمەۋىمەن قازاقستاندا دا جارىق كوردى.  سۇلتان جانبولاتوۆتىڭ عىلىم، ءبىلىم، ادەبيەت سالاسىندا قول جەتكىزگەن جەتىستىكتەرى ءار جىلدارى جۇڭحۋا حالىق رەسپۋبليكاسى ۇكىمەتى تارابىنان لايىقتى باعاسىن الىپ وتىردى. سەكسەننىڭ سەڭگىرىنە ەنتىكپەي كوتەرىلگەن سۇلتان رامازان ۇلى ءالى دە تىنىمسىز ەڭبەك پەن تەرەڭ ىزدەنىستىڭ ۇستىندە. ‹جازارىمدى جازدىم، بولدىم› دەپ قاراپ وتىرماي، شىعارمالارىنىڭ 20 تومدىق جيناعىن رەتتەپ باسپاعا ۇسىنعان ەكەن. بۇل 20 تومدىق بيىلعى جىلدىڭ جازىندا جارىق كورمەك» دەپ جازىپتى. راقىمەتتەن وزگە ايتارىم جوق.

   ج. حاليت ۇلى: اسا قۇرمەتتى سۇلتان رامازان ۇلى جانبولاتوۆ،وزىڭىزگە قويىلاتىن ەڭ سوڭعى ءبىر سۇراۋ، ءسىزدىڭ ەرتە كەزدە جازعان «ارۋاقتار اراسىندا» اتتى عىلىمي فانتاستيكالىق اڭگىمەڭىز،ال كەيىنگى جىلدارى جازعان «ەلجاۋ كۇنبي» اتتى ەڭبەگىڭىز ءسىزدىڭ ادەبيەت-كوركەمونەر جاسامپازدىعى جاعىنداعى وقىرماندار ەڭ ءسۇيىپ وقىعان جانە جوعارى باعا بەرگەن كوركەم تۋىندىلارىڭىز ەسەپتەلەدى. جۋىردا ءومىر بويى جازعان ەڭبەكتەرىڭىز كوپ تومدىق بولىپ باسىلىپ،وقىرمان جۇرتشىلىققا    ۇسىنىلماق. ەندەشە، وسىلار تۋرالى دا تىڭدارماندارعا (وقىرماندارعا) جىلى لەبىز،جاقسى كەڭەس بەرە كەتسەڭىز !

    س. جانبولاتو: ۆءيا، 20تومدىعىمنىڭ جارىق كورۋىنە ءسات ءتۇستى. بۇل ارادا الدىمەن، ورتالىقتىڭ از ۇلتتار  ادەبيەتى مەن ونەرىن گۇلدەندىرۋ ءۇشىن، دۇرىس نۇسقاۋ بەرۋمەن بىرگە، جاساعان قارجىلاي كومەگىنە زور العىس ايتىپ، بورىشكەرلىك سەزىم بىلدىرەمىن20 ! تومدى جارىققا شىعارۋعا ات سالىسقان بارلىق باۋىرلارىما (قاتىستى باسشىلارعا،رەداكتورلارعا،اۋدارۋشىلارعا، سىنشىلارعا، تىلەكتەستەرگە، اقىلداستارعا، تەرۋشىلەرگە،ت. ب) ءتاڭىرتاۋداي راقىمەت ايتامىن!

    شىعارماشىلىق ومىرىمدە، جانىمدى تەبىرەنتكەن كوپ جاقسىلىقتارعا كەزىكتىم. ونىڭ ءبارىن تىزبەلەۋگە ۋاقىت جەتپەيدى. سونىڭ باستى ءبىر مىسالى، مىناداي كەرەمەت ادامگەرشىلىك قاسيەتتى كورۋىم بولدى. قازاقتا «بىرەۋ اتقا مىنسە، ەكەۋ ەتەگىنەن تارتادى»،«سيماي جۇرگەنىمىز جوق، سيىسپاي ءجۇرمىز«، دەيتىن،ال، ماحمۇت قاشقاريدا «ات تەپپەيدى،ءيت قاپپايدى دەمە» سىقىلدى سوزدەر بار ەمەس پە ەدى .وزگە ۇلتتاردا دا، بىزدە دە   ەتەكتەن تارتاتىندار دا، تەبەتىندەر دە، قاباتىندار دا بار. ءبىراق،مۇنداي سورلىلار وتە از ەكەن. كوپ ساندى اسىل جاندار وزگەنىڭ از ەڭبەگى مەن تابىسىنا دا، ءسال ساتتىلىگى مەن شاتتىعىنا دا ونىڭ وزىنەن بەتەر قۋانادى، ءماز بولادى ەكەن .بۇل اسىل جاندارعا ءيىلىپ تاعزىم ەتەمىن! ءيلايىم، سولار كوبەيە بەرسىن، ۇزاق ءومىر كورسىن!

   ازاماتتارىمىزدىڭ ورتالىقتىڭ رۋحىن جەتە يگەرگەنىنە دە، ورتالىقپەن بىرلىكتى مىقتى ساقتاپ، ساياسي، يدەيولوگيالىق دەڭگەيدەن وسكەنىنە دە، ادەبي تۋىندىلارعا كوركەم ادەبيەتتىڭ نازارياسى مەن قاسيەتىن مەڭگەرە قارايتىنىنا دا، قوعامدىق شولۋلارعا پارتيالىق مايداندا تۇرىپ، وتانشىل، شىنشىل، ۇلت جاندى رۋحپەن دۇرىس،ءادىل باعا بەرەتىنىنە دە كۋاگەر بولدىم. مۇنىڭ ءبارىن وسكەن حالىققا ءتان قاسيەت دەپ ءبىلىپ،قاتتى    قۋاندىم. بۇل دا ورتالىقتىڭ تاربيەسىن دۇرىس قابىلداي العاندىقتارىنىڭ ارقاسى عوي.

   جۇڭگو تاريحىندا مەملەكەت قاتتى كۇشەيگەن ءۇش كەزەڭدى بىلەمىن. ءبىرى حان اۋلەتى، ەندى ءبىرى تاڭ اۋلەتى كەزەڭدەرى. ءبىراق بۇل ەكى كەزەڭدە دە مەملەكەت كۇشەيگەنىمەن، حالىق باقىتقا كەنەلە الماعان. اۋلەت ورداسى ءشىرىپ، حالىق سالىقتان، كەدەيشىلىكتەن جاۋىر بوپ، اياعى ول ەكى اۋلەت تە قۇلاعان.

   ءبىز،قازىر، مەملەكەت مىقتاپ كۇشەيگەن،حالىق باقىتقا كەنەلگەن،جەمقورلىقتىڭ الدى الىنعان، كوممۋنيستىك پارتيا ءوزىنىڭ دۇرىس، داڭقتى، ۇلى پارتيا ەكەنىن ءتىپتى دە كورسەتكەن تاماشا داۋىرمەن «جۇڭگو ارمانىنا» قاراي نىق قاداممەن كەتىپ بارامىز. وسىنداي مەملەكەتپەن تامىرلاس، تاعدىرلاس ادەبيەتىمىز دە گۇلدەنە بەرەدى دەپ كامىل سەنەمىن !

      ج. حاليت ۇلى: سۇحباتىڭىزعا راقىمەت! جانۇياڭىز امان، دەنساۋلىعىڭىز مىقتى،جاسامپازدىق ەڭبەكتەرىڭىز ەل يگىلىگىنە،بولاشاق كادەسىنە جاراي بەرسىن!

    س. جانبولاتوۆ: وزدەرىڭىزگە تاۋداي راقىمەت،اينالايىندارىم، ءبارىمىزدىڭ كوڭىلىمىزدەگى پارتياعا،ۇكىمەتكە،حالىققا ارناعان ىزگى تىلەكتەر قابىل بولسىن! 




   رەداكتورى: الماگۇل اقاتبەك قىزى
 
   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.


 
powered by IlgharCMS 3.2 www.ilghar.cn