ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

ۇيقى قىسىپ بارادى

جولدانعان ۋاقىتى : 2017/8/21 13:42:54

ا. ف چەحوۆ   (رەسەي)
 

    ءتۇن. بالا باعۋشى ۆاركا،ون ءۇش جاستارداعى قىز، نارەستە  جاتقان بەسىكتى تەربەتىپ:

   «ءالدي-ءالدي-ءالدي-اي،
   مەن جىرلايىن سەن ۇيىقتا!..» دەپ ەستىلەر-ەستىلمەس قانا ىڭىلدايدى. اۋليە ءمۇسىنىنىڭ الدىندا اسپالى جاسىل بىلتەلى شام جانىپ تۇر؛بولمەنىڭ ءبىر بۇرىشىنان ەكىنشى بۇرىشىنا كەرە تارتقان ارقان جىپتە بالانىڭ جورگەكتەرى جانە مول قارا شالبار ءىلۋلى تۇر. توبەدە بىلتەلى شامنىڭ دوڭگەلەك جاسىل كولەڭكەسى كورىنەدى،جورگەكتەر مەن شالباردىڭ ءوزارا سوزىلعان كولەڭكەلەرى مەشكە،بەسىككە،ۆاركاعا ءتۇسىپ تۇر… بىلتەلى شام جىپىلىقتاي باستاعان كەزدە توبەدەگى جاسىل دوڭگەلەك تە،ۇيدەگى كولەڭكەلەر دە جان بىتكەندەي،جەلمەن قوزعالعانداي قيمىلداي باستايدى. ءۇي ءىشى قاپىرىق. كوكتات سورپا جانە بىلعارى ءيىسى بار.

    نارەستە جىلاپ جاتىر. جىلاۋدان ونىڭ الدەقاشان داۋىسى قارلىعىپ، قالجىراعان،دەگەنمەن سوندا دا قويماي باقىرىپ جاتىر،ءتىپتى قويار ەمەس. ال ۆاركانىڭ ۇيقىسى كەلىپ وتىر. باسى سالبىراپ،كوزى جۇمىلا بەرەدى،مويىنى اۋىرادى. قاباعىن دا،ەرنىن دە قوزعالتا المايدى،وزىنە بەت-اۋزى كەۋىپ،اعاشتاي بولىپ قالعان سياقتى،باسى دا ءتىپتى كىشىرەيىپ،تۇيرەۋىشتىڭ باسىنداي عانا بولىپ كەتكەن سياقتى سەزىلەدى.

    _ ءالدي-ءالدي-ءالدي-اي،بىلامىق جاساپ بەرەيىن…-دەپ   ىڭىلدايدى.

  مەشتە شەگىرتكە شىرىلدايدى. قاتارداعى بولمەدەن،ەسىكتىڭ ار جاعىندا ءۇي يەسى مەن كومەكشى جۇمىسشى افاناسيدىڭ قورىلى ەستىلەدى… بەسىك ايانىشتى سىقىرلاپ،ۆاركا ىڭىلداعاندا _ وسىنىڭ ءبارى،توسەككە جاتقاندا قۇلاعىڭا جايلى  تيەتىن،تۇنگى،الديلەيتىن مۋزيكا بولىپ قوسىلادى. ءبىر-اق ءتاپ قازىر بۇل مۋزيكا دىڭكەگە ءتيىپ، ەڭسەنى باسىپ وتىر،ويتكەنى ول ۇيقى كەلتىرەدى،ءبىراق ۇيىقتاۋعا بولمايدى؛ەگەر ۆاركا قۇداي ساقتاسىن،ۇيىقتاپ كەتسە،ءۇي يەلەرى ونى ۇرىپ ولتىرەر.

    بىلتەلى شام جالپ-جالپ ەتەدى. سول كەزدە توبەدەگى كوك تەڭبىل مەن ءۇي ىشىندەگى كولەڭكەلەر قوزعالىپ،ۆاركانىڭ جۇمىلار-جۇمىلماس بولىپ تۇرىپ قالعان كوزىنە ەنگەندە،ونىڭ شالا ۇيقىداعى ميىندا بۇلدىر قيالدار ەلەستەي باستايدى. انە،اسپاندا،قارا بۇلتتار،جىلاعان بالا ايعايلاپ،ءبىرىن-ءبىرى قۋالاپ ءجۇر. مىنە،جەل شىقتى دا،بۇلتتار ىدىراپ كەتتى. ەندى ۆاركاعا لاي باسقان،كەڭ تاس جول كورىنە باستادى: جول ءۇستى شۇبىرعان كولىكتەر،ارقالانعان ادامدار،ەرسىلى-قارسىلى ەربەڭدەگەن كولەڭكەلەر؛جولدىڭ ەكى جاعىندا سۋىق سۇرعىلىت تۇمان ارقىلى ورمان كورىنەدى. كەنەت،جول ۇستىندەگى ارقالانعان ادامدار سۋىق لايعا قۇلاي  كەتتى. «بۇلارى نەسى؟» دەپ سۇرايدى ۆاركا. «ۇيىقتاعاندارى،ۇيىقتاعاندارى!» دەيدى وعان بىرەۋ. ولار سونىمەن مىقتاپ،ءتاتتى ۇيقىعا كىرىسەدى دە،ەندى تەلەگراف باعاندارىندا وتىرعان قارعالار مەن ساۋىسقاندار كورىنە باستايدى؛ولار انا ۇيىقتاپ جاتقان ادامداردى وياتۋعا تىرىسىپ،بالاشا ايعايلاي باستايدى. ۆاركا:

   «ءالدي-ءالدي-ءالدي-اي،مەن جىرلايىن سەن ۇيىقتا…» دەپ ىڭىلداپ،ەندى ءوزىن قاپىرىق قارا  كولەڭكە ءۇيدىڭ ىشىندە كوردى.

   ۇلكەن اكەسى يەفيم ستەفانوف  ەدەندە دوڭبەكشىپ جاتىر. ۆاركاعا اكەسى كورىنبەيدى،ءبىراق ول اكەسىنىڭ جانى قينالىپ ەدەندە دوڭبەكشىپ،ىڭىرسىعانىن ەستىپ وتىر. اكەسىنىڭ ءوز ايتۋىنشا،«جارىعى ۇستاپ جاتىر». اۋرۋى سونشا قيناعاندىقتان،ءبىر اۋىز ءسوز دە ايتا المايدى،بار بولعانى،دەمىن ىشىنە تارتىپ،تىستەرىن ساقىلداتىپ:

   -بۋ-بۋ-بۋ-بۋ…-دەي    بەرەدى.

    شەشەسى پەلاگەيا يەفيمنىڭ حال ۇستىندە جاتقانىن حابارلاۋ ءۇشىن مىرزالاردىڭ ۇيىنە جۇگىرىپ كەتتى. كەتكەنىنە كوپ بولدى،ەندى قايتىپ ورالاتىن دا مەزگىلى جەتتى. ۆاركا وياۋ،پەشتىڭ ۇستىندە،اكەسىنىڭ    «بۋ-بۋ-بۋ» دەپ باي-باي قاققانىن تىڭداپ جاتىر. مىنە،ەسىك    الدىندا كولىك كەلىپ توقتاعانى ەستىلدى. كولىكپەن كەلگەن مىرزالار جىبەرگەن جاس شيپاگەر،ول قالادان كەلىپ جاتقان قوناق بولاتىن. شيپاگەر ۇيگە كىردى؛قاراڭعىدا ونىڭ ءوزى كورىنبەيدى،ءبىراق جوتەلگەنى جانە ەسىكتى جاپقانى ەستىلىپ تۇر.

    -جارىق ەتىپ جىبەرىڭدەرشى،-دەدى ول. وعان يەفيم:

   -بۋ-بۋ… -دەپ جاۋاپ قايىردى.

    پەلاگەيا پەشكە قاراي جۇگىرىپ،شىرپى ىزدەي باستايدى. ارادا ءبىر مينۋتتاي ءۇنسىز ۋاقىت ءوتتى. شيپاگەر قالتالارىن اقتارىپ،ءوز شىرپىسىن تاۋىپ شاقتى.

    -قازىر،جاكە،قازىر،-دەپ پەلاگەيا سىرتقا جۇگىرىپ شىقتى دا، سالدەن كەيىن بالاۋىز شامنىڭ تۇقىلىن تاۋىپ اكەلدى.

   يەفيمنىڭ ەكى بەتى البىراعان، كوزدەرى جارقىراپ كورىنەدى،كوزقاراسى ەرەكشە وتكىر،بەينە ءبىر ءۇيدى دە،شيپاگەردى دە تەسە  كورىپ جاتقانداي.

    -ال قالاي؟بۇل جاتىسىڭ نە؟-دەدى شيپاگەر وعان ەڭكەيە سويلەپ،-ە-ە ! كوپتەن بەرى بار ما ەدى مۇنىڭ؟

     -ءلابباي؟اجالىم جەتتى بىلەم، جاقسى تەكتىم… ەندى بۇدان جانىم قالمايتىن سياقتى…

    -قايداعى جوقتى ايتپا… جازامىز!

    -ول جاعىن ءوزىڭىز بىلەسىز، جاقسى تەكتىم،پاقىرشىلىقپەن الدا رازى بولسىن ايتامىز. ءبىراق،   دەگەنمەن بەلگىلى عوي… اجال جەتكەن سوڭ وعان نە امال بار.

     شيپاگەر يەفيممەن شەرىك ساعاتتاي اۋرەلەنگەن سوڭ باسىن كوتەرىپ:

    -مەن ەشنارسە ىستەي المايمىن… ساعان شيپاحاناعا بارۋ كەرەك،وندا وپەراتسيا ىستەيدى. قازىر ءجۇرىپ كەت… بارماي قالما! مەزگىل كەشتەۋ،شيپاحاناداعىلاردىڭ ءبارى دە ۇيىقتاپ جاتىر،ءبىراق،وعان قاراما، مەن قاعاز جازىپ بەرەمىن. ەستىدىڭ بە؟-دەدى.
-اكەم-اۋ،نەسىمەن بارادى ول؟-دەدى پەلاگەيا،-بىزدە ات جوق.

    -وقاسى جوق،مەن مىرزالاردان ات سۇراپ اپەرەيىن. 

    شيپاگەر كەتىپ قالدى،شام ءسونىپ،تاعى دا «بۋ-بۋ-بۋ» ەستىلە باستادى… جارتى ساعاتتان كەيىن ءۇيدىڭ جانىنا تاعى ءبىر كولىك كەلىپ توقتادى. بۇل كەلگەن شيپاحاناعا بارۋ ءۇشىن مىرزالاردىڭ جىبەرگەن كولىگى. يەفيم جينالىپ،ءجۇرىپ كەتتى…

    مىنە،اشىق،اسەم تاڭ دا اتتى. پەلاگەيا ۇيدە جوق،ول يەفيمنىڭ  جايىن بىلۋگە شيپاحاناعا  كەتكەن،ءبىر جاقتان جىلاعان بالانىڭ داۋىسى كەلەدى،بىرەۋ ۆاركانىڭ داۋىسىمەن:

    «ءالدي-ءالدي-ءالدي-اي،مەن جىرلايىن سەن ۇيىقتا…» دەپ اندەتىپ وتىر…

    مىنە، پەلاگەيا كەلدى؛ول شوقىنىپ سىبىرلاپ:

     -تۇندە ورنىنا سالعان ەكەن،تاڭ اتقان سوڭ جان تاپسىرىپتى… يمانى جولداس بولسىن،جانى بەيىشتە  بولسىن… ۋاقىتى ءوتىپ كەتىپتى    دەسەدى… ەرتەرەك اپارۋ كەرەك   ەكەن…-دەيدى.

    ۆاركا ورمان ىشىنە بارىپ جىلاي باستادى،ءبىراق كەنەت بىرەۋ جەلكەدەن قويىپ جىبەرگەندە،ول ەكپىنىمەن بارىپ ماڭدايىن قايىڭعا سوقتى. كوزىن اشىپ السا،الدىندا ءۇي يەسى ەتىكشى تۇر.

    -نەعىپ وتىرسىڭ الباستى ؟- دەدى ول،-بالا جىلاپ جاتقاندا، ۇيقىڭ نە؟

    ەتىكشى قۇلاعىن اۋىرتا جۇلقىلاعاننان كەيىن ۆاركا باسىن شايقاي قويىپ،بەسىكتى تەربەتىپ،قايتا   ىڭىلداي باستادى.  توبەدەگى كوك تەڭبىل،شالبار مەن جورگەكتەردىڭ كولەڭكەلەرى تەڭسەلىپ،قاراڭداي كورىنىپ،كوپ ۇزاماي تاعى دا ۆاركانىڭ ميىن بيلەپ اكەتتى. باياعى لاي باسقان تاس جول قايتا كورىنە باستادى. ارقالانعان ادامدار مەن كولەڭكەلەر جايعاسىپ،قاتتى ۇيقىدا جاتىر. ولاردى كورىپ،ۆاركانىڭ دا وتە ۇيقىسى كەلدى.

    بۇل دا جاتىپ،راقاتتانىپ ۇيىقتار  ەدى،ءبىراق قاسىندا شەشەسى پەلاگەيا اسىقتىرىپ الىپ كەلە جاتىر. بۇل ەكەۋى قالاعا جالدانعالى اسىعىپ كەلەدى.

   -ايسا پايعامباردىڭ ارۋاعى ءۇشىن ساداقالارىڭىزدى بەرىڭىزدەر! قۇداي ءۇشىن اياڭىزدار. مەيىرىمدى مىرزالار!-دەدى شەشەسى جولدا كەزدەسكەندەرگە.

    -بەرى اكەل بالانى!-دەپ   جاۋاپ قايىردى وعان ءبىر تانىس   داۋىس،-بەرى اكەل دەيمىن بالانى!-دەيدى تاعى دا الگى داۋىس،ءبىراق بۇل جولى داۋىس اشۋلى،قاتتى شىقتى،ۇيىقتاپ وتىرسىڭ با،وڭباعان؟

    ۆاركا ورنىنان اتىپ تۇرىپ،  توڭىرەگىنە قاراپ،نە بولعانىن ەندى  ءبىلدى: ەشقانداي تاس جول دا،پەلاگەيا دا،قارسى كەزدەسكەن     ادامدار دا جوق. بولمەنىڭ ورتاسىندا بالاسىن ەمىزۋگە كەلگەن ءۇي يەسى ايەل عانا تۇر. جاۋىرىندى كەلگەن جۋان بايبىشە بالاسىن جۇباتىپ ەمىزىپ بولعانشا ۆاركا اياق ءۇستى   قاراپ،كۇتىپ تۇردى. تەرەزە سىرتىندا اۋا كوگىلدىرلەنىپ،ۇيدەگى كولەڭكەلەر مەن توبەدەگى كوك تەڭبىل ەداۋىر اقشىل تارتىپ  قالىپتى. تاڭ اتىپ كەلە جاتىر ەدى.

   -ال!-دەدى ءۇي يەسى ايەل ومىراۋىنىڭ ىلگەكتەرىن سالىپ    جاتىپ،-جىلايدى كوز تيگەن بولار.

    ۆاركا بالانى الىپ،بەسىگىنە سالىپ،تاعى دا تەربەتە باستادى. كوك تەڭبىل مەن كولەڭكەلەر كەم-كەمنەن ءوشىپ بارادى،ەندى ونىڭ كوزىنە كورىنىپ،ويىن اداستىراتىن ەشنارسە جوق. سوندا دا بۇرىنعىسىنداي ۇيىقتاعىسى كەلىپ وتىر،ۇيقى قىسىپ بارادى! ۆاركا ۇيقىعا بەرىلمەۋ ءۇشىن باسىن بەسىكتىڭ ەرنەۋىنە سۇيەپ،بۇكىل كەۋدەسىمەن قوزعالا باستادى،ءبىراق سوندا دا كوزدەرى جۇمىلىپ،باسى تومەن سالبىراي بەرەدى. 

    ەسىكتىڭ ار جاعىنان قوجايىننىڭ:

   -ۆاركا پەشتى جاعىپ جىبەر!- دەگەن داۋىسى شىقتى.

   ەندى تۇرىپ جۇمىسقا كىرىسەتىن ۋاقىت بولىپ قالىپتى. ۆاركا بەسىكتى تاستاي سالىپ،وتىن اكەلۋگە سارايعا قاراي جۇگىردى. ول بۇعان قۋانىشتى. ويتكەنى تۇرەگەلىپ،جۇگىرىپ جۇرگەندە وتىرعانداعىداي ۇيقى قىسپايدى. ۆاركا وتىن اكەلىپ،پەش جاعىپ ءجۇرىپ،جانى كەتىپ قالعان بەت-اۋزىنىڭ جازىلىپ،ويى جادىراعانىن ەندى سەزدى.

   -ۆاركا،ساماۋرىن قويىپ جىبەر!- دەپ ايعايلادى ءۇي يەسى ايەل.

   ۆاركا جاڭقا جارىپ،ولارىن   تۇتاندىرىپ،ساماۋرىنعا سالىپ    ۇلگىرمەي جاتىپ-اق:

   -ۆاركا،قوجايىننىڭ كالوشتارىن تازالا!-دەگەن بۇيرىق ەستىلدى. 

   ەندى ەدەنگە وتىرا قالىپ،   كالوشتاردى تازالاعاندا وعان: مىنا ۇلكەن،شۇڭعىل كالوشتىڭ ىشىنە باسىڭدى سۇعىپ جىبەرىپ،ازىراق قالعىپ الار ما ەدى… دەگەن وي كەلدى. كەنەت كالوش ءوسىپ،  ۇلكەيىپ،بولمەنىڭ ءىشىن تولتىردى. ۆاركا قولىنداعى شوتكاسىن ءتۇسىرىپ الدى دا،سول ساتتە باسىن ءبىر شۇلعىپ تاستاپ،الدىنداعى زاتتار ۇلعايىپ،ورىندارىنان قوزعالىپ  كورىنبەس ءۇشىن،كوزدەرىن     باقىرايتىپ اشىپ الدى.

   -ۆاركا،سىرتقى ساتىنى جۋىپ جىبەر،جۇمىس بەرە كەلگەن كىسىلەردەن ۇيات-تى! 

  ۆاركا ساتىنى جۋىپ،بولمەلەردى جيناستىرىپ،ودان كەيىن ەكىنشى مەشكە وت جاعىپ،ەندى دۇكەنگە جۇگىردى. جۇمىس كوپ،ءبىر مينۋت تا بوس ۋاقىتى قالمايدى.

   ءبىراق وسىنىڭ بارىنەن دە اسحاناداعى ستولدىڭ جانىندا تاپجىلماي تۇرىپ الىپ،كارتوپ تازالاعاننان   اۋىرى جوق. باسىڭ تومەن سالبىراي بەرەدى،كارتوپ كوزگە بۇلدىراپ كورىنەدى،پىشاعىڭ قولىڭنان تۇسە بەرەدى،ال قاسىڭدا ەكى جەڭىن سىبانىپ الىپ جۇرگەن جۋان،اشۋشاڭ بايبىشەنىڭ اقىرا سويلەگەنى قۇلاعىڭدى جاڭعىرىقتىرادى،تاماق ۇستىندە قىزمەت ەتۋ،كىر جۋۋ،كيىم جاماۋ دا وتە قيىن. كەيدە ەشنارسەگە قاراماستان تۇرعان جەرىڭدە جاتا قالىپ ۇيىقتاعىڭ كەلىپ كەتەدى.

   سونىمەن كۇن وتەدى. تەرەزەلەردىڭ قاراڭعى تارتا باستاعانىن كورىپ ۆاركا جانى كەتكەن ەكى شەكەسىن قىسىپ،نەگە ەكەنىن  ءوزى دە بىلمەي،كۇلىمسىرەيدى. كەشتىڭ قاراڭعىسى ونىڭ ارەڭ اشىلىپ  جۇرگەن كوزدەرىن ەركەلەتىپ،كوپ  ۇزاماي ءتاتتى ۇيقىعا بولەيتىنىن سەزدىرىپ تۇرعان سياقتى بولادى. كەشكىسىن ءۇي يەلەرىنە قوناقتار كەلەدى.

   -ۆاركا،ساماۋرىن قويىپ جىبەر!-دەپ ايعايلايدى بايبىشە.

   بۇل ءۇيدىڭ ساماۋرىنى كىشكەنتاي،سوندىقتان قوناقتاردى شايعا قاندىرىپ بولعانشا بەس رەت قايتا قويۋعا تۋرا كەلەدى. شايدان كەيىن ۆاركا ساعات بويى قوزعالماستان،قوناقتارعا قاراپ،قانداي بۇيرىق بولار ەكەن دەپ كۇتىپ تۇرادى.

   -ۆاركا،جۇگىرىپ بارىپ ءۇش بوتەلكە سىرا ساتىپ اكەل! 

    ۆاركا تۇرا جۇگىرەدى،ول جولشىباي ۇيقىسىن تارقاتۋ ءۇشىن تەزىرەك جۇگىرۋگە تىرىسادى.

   -ۆاركا جۇگىرىپ بارىپ اراق   اكەل! ۆاركا،تىعىن اشقىش قايدا؟ ۆاركا،اشتى بالىق تازالاپ جىبەر!

   مىنە،اقىرى قوناقتار كەتتى،شام ءسوندىرىلىپ،ءۇي يەلەرى ۇيىقتاۋعا جاتتى. سول كەزدە:

   -ۆاركا،بالانى تەربەت!-دەگەن سوڭعى بۇيرىق ەستىلەدى.

   پەش جاقتا شەگىرتكە شىرىلدايدى،توبەدەگى دوڭگەلەك جاسىل تەڭبىل ءىلۋلى تۇرعان جورگەكتەر مەن شالباردىڭ كولەڭكەلەرى ۆاركانىڭ اشىلىپ-جۇمىلىپ وتىرعان كوزدەرىنە كىرىپ،قاراڭداپ،ويىن كۇڭگىرتتەيدى.

   -ءالدي-ءالدي-ءالدي-اي…- دەيدى ۆاركا ىڭىلداپ،-مەن جىرلايىن سەن ۇيىقتا…

   نارەستە باقىرا جىلاپ،بەزىلدەپ جاتىر. ۆاركاعا تاعى دا بالشىقتى تاس جول،ارقالانعان ادامدار،پەلاگەيا،اكەسى يەفيم ەلەستەيدى. ول وسىنىڭ ءبارىن دە ۇعىپ،كورگەن ادامدارىنىڭ ءبارىن دە تانىپ وتىرادى،   ءبىراق ۇيقىلى-وياۋ وتىرىپ ءوزىنىڭ قول-اياعىن ماتاپ،ەڭسەسىن باسىپ،كۇن كورسەتپەي وتىرعان كۇشتىڭ نە كۇش ەكەنىن عانا بىلە المايدى. ۆاركا سول كۇشتى ىزدەپ، قۇتىلعىسى كەلىپ،جان-جاعىنا قاراسا دا ونى تابا المايدى. اقىرىندا كوپ ازاپتانعاننان كەيىن،بارلىق كۇشىن جيناپ،توبەسىندەگى قوزعالىپ تۇرعان كوك تەڭبىلگە تۇيىلە قاراپ،ەستىلىپ تۇرعان ايعايعا قۇلاعىن تىگە تىڭداپ بارىپ،وزىنە كۇن كورسەتپەي جۇرگەن جاۋىن تابادى.

     ول جاۋ -مىنا بالا.

     ۆاركا جىميىپ كۇلەدى. وسىنداي وپ-وڭاي نارسەنى وسى كۇنگە دەيىن بىلمەي جۇرگەنىنە تاڭ. بۇعان توبەدەگى كوك تەڭبىل دە،كولەڭكەلەر دە،شەگىرتكەلەر دە تاڭىرقاپ،كۇلىپ تۇرعان سياقتى.

   ەندى ۆاركانى جالعان سەزىم بيلەپ اكەتتى. ول ورىندىقتان تۇرىپ،ەكى ەزۋى ەكى قۇلاعىنا جەتە ىرجيىپ،كىرپىكتەرىن سەرىپپەستەن بولمەنى اينالىپ ءجۇر. قول-اياعىن ماتاپ ۇستاپ كەلگەن بالادان قازىر قۇتىلاتىندىعى تۋرالى وي بويىن   قىتىقتاپ،جانىنا جايلى سەزىلىپ جۇرگەن سياقتى…

    ەندى بالانى ءولتىرىپ ۇيىقتاي بەرسە،ۇيىقتاي بەرسە،ۇيىقتاي بەرسە…

    ۆاركا ىرجيا كۇلىپ،كوك تەڭبىلگە قاراپ كوزىن قىسىپ،ساۋساقتارىن كەزەپ-كەزەپ قويىپ،ۇرلانا باسىپ بەسىككە جاقىنداپ كەلىپ،بالاعا ەڭكەيدى. بالانى بۋىندىرىپ ءولتىرىپ،ەدەنگە قۇلاي كەتتى دە،ەندى ۇيىقتاۋعا بولاتىنىنا قۋانىپ كۇلىمسىرەدى،سونان سوڭ ءبىر مينۋتتان كەيىن،بەينە ءبىر ولگەن ادامداي،قاتتى ۇيىقتاپ كەتتى…
 
دايىنداعان-قاجىبەك ايدارقان ۇلى


 
   رەداكتورى: الماگۇل اقاتبەك قىزى
 
   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى.


 
 
powered by IlgharCMS 3.2 www.ilghar.cn