ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

اڭگىمەلەر

جولدانعان ۋاقىتى : 2017/8/21 13:32:46

حوشي شىنيچى   (جاپونيا )
 
   ۇلى جوسپار

   سانلاڭ R كاسىپورىننىڭ قىزمەتكەر قابىلداۋ ەمتيحانىنا قاتىناستى. ەمتيحان ناتيجەسىن اسىعا كۇتىپ جۇرگەن كۇندەردىڭ بىرىندە،R كاسىپورىننىڭ  ديرەكتورى ۇيىنە ىزدەپ كەلدى. بۇلاي بولارىن ويلاماعان سانلاڭ اڭتارىلىپ قالدى.

   -بۇل... بۇ.. قالاي بولعانى؟تولىمدى بولعان بولسام دا،تولىمسىز بولسام دا  ءبىر پارشا ۇقتىرۋ جىبەرسەڭىزدەر  بولمادى ما؟ارنايى كەلەتىندەي...

   -جوق، ەڭ جوعارى ناتيجەمەن   ءوتىپ كەتتىڭ. سول ءۇشىن ساعان ءبىر ايرىقشا تاپسىرما بەرمەكپىز.

    اڭگىمە بۇلاي ماڭىزدى بولا باستاعان سوڭ،سانلاڭ ابىرجي باستادى:

   -نە ءىس ەدى؟شامام كەلەتىندەي بولسا..

   -اقىلداسىپ كورىپ،سەنى قىزمەتكە قابىلداماۋعا بەكىندىك. بارىپ K كاسىپورىننىڭ ەمتيحانىنا قاتىناسسا دەيمىز.    ءسوزسىز وتە الاسىڭ.

    -نە بولدى؟K كاسىپورىن سىزدەردىڭ باسەكەلەستەرىڭىز ەمەس پە؟! ونىڭ ۇستىنە،سىزدەردەن ۇستەم تۇرادى عوي. وسىنداي جاعدايدى وزگەرتۋدىڭ ماڭىزى اسا زور دەپ قاراعاندىقتان سىزدەردىڭ كاسىپورىنعا ەمتيحان بەرىپ وتىرمىن،ءسىرا،مەنىڭ ويلاعانىم...
 ميىعىنان كۇلگەن ديرەكتور اڭگىمەسىن جالعاستىرا ءتۇستى.

   -كورەگەندىكپەن ايتىلعان ءسوز بولدى. وسى ءۇشىن دە ءوزىڭدى مىندەتپەن جىبەرگەلى وتىرمىز. ءوزىڭ ايتقانداي،قانشالىقتى تىربانساق تاKكاسىپورىندى باسىپ وزعاندى قويىپ،ماڭ قاراسىن كورە المادىق. قازىر ءدال    وزىڭدەي ادامنىڭ ىشكى احۋالدى  ۇعىسىپ،اقپار جيناپ كەلۋىنە ءزارۋ  بولىپ وتىرمىز.

   -وھو،تىڭشى بولىپ كىرۋ دەڭىزشى؟!

   -دۇرىس ايتاسىڭ. جاقسى ىستەپ كەتە الاسىڭ. تابىسقا جەتە قالساڭ،مول اقى بەرىپ عانا قويماي،ماڭىزدى ورىنعا وتىرعىزامىن. ۇزاق ۋاقىت جۇمساپ،باسقىش-باسقىش بويىنشا كەلەرسىڭ، ۇساق-تۇيەك ىستەر بولسا،دوكلات قىلماي-اق قوي،ءوزىڭدى قىساپ تا كەتپەيمىن،ۇساق-تۇيەككە بولا كۇمان قالدىرىپ،سەزدىرتىپ الماعايسىڭ.

   -ماعان سەنىپ تاپسىرعان ەكەنسىزدەر...

   سانلاڭ ديرەكتوردىڭ سوزىنە ەلىپ ەتە ءتۇستى،ۇلى جوسپار وسىلايشا باستالىپ تا كەتتى. K كاسىپورىننىڭ ەمتيحانىنا قاتىناسىپ ودان ءساتتى ءوتىپ،قىزمەتكەرلەرىنىڭ  ءبىرى  بولىپ    ورنالاستى. 

   تۇڭعىش قىزمەتكە قاتىناسقان جىلى كاسىپورىنىڭ ماڭىزدى ىستەرىنە جۋىسا المايتىنى ايتپاساق تا بەلگىلى  ەدى.  دەسەدە،سانلاڭ اسىقپاي-ابدىراماي،اقساقتىڭ اياڭىنا باعىپ،قۇلشىنىپ ىستەي بەردى. قىزمەتتى تىڭعىلىقتى ىستەپ،شارۋانى باسشىلار مەن كاسىپتەستەرىنىڭ سەنىمىنە يە بولۋدان باستاماق بولدى.

    كاسىپورىننىڭ سىرتىندا دا ءوزىن پاك ۇستاپ،ادەپ-يبالى بولىپ،باسقالاردىڭ نازارىن اۋدارۋدان ساقتاندى. تىڭشىلىق قىزمەتىن ىستەگەن ادام ەرتەدەن-اق ساقتانىپ ءجۇرۋى كەرەك عوي.

   قاراپايىم قىزمەتكەرلەر جاڭا قىزمەت ورتاسىنا بارعاننىڭ ءۇشىنشى جىلىندا-اق قىزمەتتەن زەرىگىپ،ءيا بولماسا ءوز قابىلەتىنەن كۇماندانىپ،ءيا بولماسا    الاڭ-سەلەڭ بولىپ دەگەندەي،مىج-تىجى شىعاتىن بار. دەسەدە،سانلاڭ قىزمەتكە قىزعىندىلىق تانىتا ءبىلدى. قانشا دەگەنمەن اۋىر مىندەت ارقالاپ ءجۇر ەمەس پە؟! ونىڭ وسىنداي قورقىنىشتى ادام  ەكەندىگىن ماڭىندا جۇرگەندەر سەزبەدى. باسقالارعا ۇقسامايتىنى ونىڭ كوڭىلىندە ۇلكەن قۋانىش بار ەدى. وسىلاي بولعاندىقتان دا قىزمەتتەن    زەرىككەندى قويىپ،قىزمەتتى ءبىر   ءتۇرلى اۋەس رەتىندە قاراپ شابىتتانا ءتۇستى. ول ءارقاشاندا ىشكى قۋانىشىن جاسىرىپ-جابۋعا تىرىسىپ جۇرەتىن.

    وسىنداي قابىلەت يەسى بولعاسىن، K كاسىپورىن ونىڭ ەڭبەگىن دە كورە ءبىلدى،كوپ وتپەي ول ءبولىم باستىعى بولىپ ءوسىرىلىپ،قۇپيالىققا ءبىر قادام تاياي ءتۇستى. ايتسەدە،ەس -اقىلىنان ايرىلىپ قالمادى،قىزمەتىن تاباندىلىقپەن ىستەي بەردى،ءدال وسى شاقتا سەزدىرىپ  الار بولسا،بارلىق قۇلشىنىسى دالاعا كەتەرىن ابدەن بىلگەن ەدى.

   قىزمەتتى بارعان سايىن تياناقتى ىستەيتىن بولدى. ءبىر رەتتە پارا الىپ قۇپيالىقتى اشكەرەلەگەن قول استىنداعى قىزمەتكەردى اشكەرەلەپ،قىزمەتتەن بوساتتى،ەگەر وسىنداي اداممەن بىرگە ىستەي بەرەتىن بولسا،ءوزىنىڭ ۇزاقتان بەرى باس قاتىرا جوبالاعان ۇلى جوسپارى سۋ اياعى قۇردىمعا كەتكەن بولار ەدى.

    ونىڭ بۇل ىستەگەندەرىن كوپشىلىك كورىپ وتىر،سونىمەن سانلاڭنىڭ سەنىمى ەسەلەپ وسە بەردى. ول بارلىعىنىڭ كوڭىلىن تابا بىلەتىن ەدى،ءتىپتى باس القا قىزىن ايتىپ،وزىنە قۇدالىق سويلەسە كەلدى. ەگەر قۇدالىقتان جالتارار بولسا،سەبەبىن قۇتقۋىرلايتىن بولسا،كۇمانىن قوزعاپ قويعان بولار ەدى. سونىمەن،سانلاڭ بۇعان قوسىلا كەتتى. ءوزىنىڭ شىنايى بەت-بەدەلىن جاسىرۋ ءۇشىن بۇدان وتەر بەت پەردە جوق ەدى. تاس باۋىر تىڭشى بولۋ ءۇشىن پايدالانۋعا  ءتيىستىنىڭ ءبارىن پايدالانا ءبىلۋ كەرەك. ونىڭ ۇستىنە،باس القانىڭ قىزى ءۇرىپ اۋىزعا سالعانداي سۇلۋ،بيازى بويجەتكەن ەدى.

   سانلاڭ وتباسىندا جاقسى كۇيەۋ بولا ءبىلدى. جاۋعا سىر الدىرماۋ ءۇشىن   ماڭىنداعىلاردان اباي بولعانى دۇرىس. كەلىنشەگى توركىنىنە بارعاندا كۇيەۋىن اۋىز جاپپاي ماقتايتىن،مىنە مۇنىڭ  ءوزى  وعان قانشالىق جاقسىلىق الا كەلەر ەدى.

   سانلاڭ شارشاپ-شالدىعۋدى بىلمەي جانكەشتىلىكپەن قىزمەت ىستەگەن سوڭدا وسكەن سايىن وسە بەرىپ،K كاسىپورىننىڭ ەڭ ماڭىزدى جەرىنە جەتۋگە  تايادى،ەڭبەگى جانىپ،جاپ-جاس تۇرىپ-اق باس القالار جيىنىنا قاتىناسۋ تولىمدىلىعىن دا قولعا كەلتىرگەن.

   K كاسىپورىننىڭ بارلىق ىشكى جاعدايىن مەڭگەرىپ بولعاندىقتان،ەرتەرەك اياقتاتىپ،دوكلات جازىپ تاپسىرىپ،R كاسىپورنىنا قايتۋدى ويلاي بەرۋشى ەدى. ازەر دەگەندە وسى باسقىشقا كەلگەندە،ەندى از شىداسا ودان دا ۇلكەن ناتيجەگە قول جەتكىزەتىندەي سەزىنە بەرەتىن. سانلاڭ سوڭعى جولمەن ءجۇرۋدى ويلادى.

    اقىرى تابىسقا جەتەر كۇن دە كەلىپ جەتتى،ول K كاسىپورىننىڭ بارلىق قۇپيالىعىن بىلۋگە بولاتىن ورىن،ياعني  كاسىپورىننىڭ ءتوراعاسى بولىپ تاعايىندالدى.

    كاسىپتەستەر اراسىندا ول ءوزىنىڭ ىسكەرلىگىمەن كوزگە تۇسكەن ديرەكتور سانالاتىن. ارينە،ول بارلىق قۇپيالىقتى ءبىلىپ عانا قويماي،باسقارۋدى دا الاقانىنا ويناتاتىن.

    -K كاسىپورىننىڭ گۇلدەنىپ-كوركەيۋى مەنىڭ الاقانىمدا تۇر،ەندى ونى وماقاستىرا سالسام،مىندەتىم ءساتتى    ورىندالعان بولار ەدى.

    ونىڭ كوڭىلىندە وسىنداي ويلار پايدا بولاتىن.

    «ايتكەنمەن،ونى نەگە قۇرتامىن؟ مۇنىڭ بارلىعى سونشا كوپ جىلداردان بەرگى تابان ەت،ماڭداي تەرىمنىڭ جەمىسى ەمەس پە؟! بولماشى ناپاقاعا كوز قىزارتقانىم دۇرىس بولماس،قايتىپ   بارىپ باس القا بولسام دا نەگە تۇرماق، بالكىم،كانديدات ديرەكتور قىلىپ سايلاپ جۇرەر.

    ونىڭ كوكەيىندە وسىنداي مەيىرىمسىز كۇنى ءۇشىن كۇلىك جەيتىن ويلاردا پايدا بولا بەرەتىن.

     ال،ەندى انا جاقتاR كاسىپورىننىڭ باسشىلىعى ونىڭ بۇل تابىسىنا ارقا-جارقا بولىپ قۋانىپ،توسىپ وتىردى. ۋاقىت وتە بەرسە دە،ەشقانداي ناتيجە قولعا كەلمەگەن ەدى. جاسىرىن بايلانىس   جاساپ كورىپ ەدى،اياعىنا وتىرعىزبادى.

     اشۋعا بۋلىققان R كاسىپورىن باسشىلىعى «K كاسىپورىننىڭ ديرەكتورى  ءبىزدىڭ تىڭشىمىز بولاتىن،ناتيجەسى ويلاعانىمىزداي بولمادى» دەگەن وسەكتى كورىنگەن جەردە ايتىپ ءجۇردى.

    K كاسىپورىننىڭ جۇمىسشىلارى بۇل ءسوزدى ەستىپ ايرىقشا ازاپتاندى،جاڭا ديرەكتوردىڭ باسشىلىعىندا، قۇلشىنا قىزمەت ىستەپ،قيان-كەسكى باسەكەدەR كاسىپورنىن وماقاستىرىپ،موينىن وپىردى. 

    تۇندە تۋىلعان ءىس

    بۇل روبورت (قۇلتەمىر) اسا تاماشا جاسالعان-دى. ءوڭى جاپ-جاس، سىرتقى تۇلعاسىنا كوز سالار بولساڭىز، ادام بالاسىمەن ەش ايىرماشىلىعى جوق، اسەم وڭىنەن قاشان كورسەڭىز ءتاپ-ءتاتتى كۇلكى ەسىپ،ادامعا اسا باۋىرمالدىق تانىتىپ تۇراتىن. دەسەدە،ونىڭ ويلاۋ جۇيەسى دامىماعان، تەك عانا وڭاي سوزدەردى سويلەي الادى. ايتسەدە،ول ءۇشىن ايتقاندا،بۇل دا جەتكىلىكتى   بولاتىن،ويتكەنى قالا ماڭىنداعى باقشادا قاقپا قاراۋشى بولىپ ىستەيتىن.

    ول ارادا كۇندىز ۋ-شۋ بولىپ،   ايرىقشا قىزىپ كەتەتىن، قايدا بارساڭىز دا اسەم مۋزيكا ءۇنى مەن ساياحاتتاۋشىلاردىڭ داۋىسى ەستىلەتىن-دى. ءدال سول كەزدەردە روبورت تا قاربالاستاپ كەتەتىن.

    ال، قازىر بولسا ءتۇن،كوشە بويىندا ادام بالاسىنىڭ كولەڭكەسى كورىنبەيدى، ماڭاي قۇلاققا ۇرعان تاناداي جىم-جىرت،تەك  روبورت عانا جاپادان- جالعىز تۇر.

    ءدال وسى كەزدە قالتارىستان بەيتانىس بىرنەشە ادام شىعا كەلدى دە    روبورتتى ەدەمدە قورشاپ الدى. ولاردىڭ بارلىعىنىڭ ءوڭى قوڭىرقاي،كوزدەرى قىپ-قىزىل ەدى،ولاردى كورگەن ادامنىڭ زارەسى ۇشاتىن،بەلدەرىنە قارۋ سياقتى بىردەمە اسىنىپ الىپتى.
-قارسىلاسقاننىڭ ەش پايداسى جوق،ءبىز كيل پلانەتاسىنان كەلدىك.

   الگىنىڭ ءسوزى اياقتاي بەرە روبورت بيازى ۇنمەن جاۋاپ قاتتى: «الىستان كەلىپ قالعاندارىڭىزدى قارسى الامىز،جول بولسىن!»

   -ءۇيتىپ ءدىلمارسىما،ءبىز جەرشارىن بارلاۋ ءۇشىن كەلگەندەرمىز. ەڭ اۋەلى، ۇشپا تالەنكەمىز كەڭىستىكتە تۇرىپ دۇربىمەن باقىلاعان. سونىمەن بىرگە،سەندەردىڭ تەلە نومىرلەرىڭ مەن راديو نومىرلەرىڭدى دە كورگەمىز،تىڭداعانبىز،سول ارقىلى احۋال يەلەدىك. دەسەدە،تولىق ماعلۇمات بەرە الاتىن ءبىر دوكلات جازۋ ءۇشىن جەرشارلارىڭا  تاپتەشتەي وتىرىپ تەكسەرۋ جاساۋىمىز كەرەك. سول ءۇشىن دە وسى اراعا قونىپ وتىرمىز. ايتەۋ ءبىرى ەرتە مە،كەش پە،وسى پلانەتاعا قونارىمىز انىق ەدى.

   -شىن كوڭىلمەن قارسى الامىز.

   -مىناۋ ءبىر عاجاپ بولدى. بايقاعاندا ول ءبىزدى كاپەرىنە ءىلىپ تۇرماپتى. ءبىز اقىماق بولدىق پا،الدە ول ءبىزدى كوزگە ىلمەي تۇر ما. ازداپ قورقىتىپ كورەيىك.

   كيل ادامدارى دەرەۋ وزگەرىپ،ۇزىن  تاياق سياقتى بىردەمەمەن تارس ەتكىزىپ قويىپ كەتتى. دەگەنمەن الگى روبورت جىميعان ءوڭىن بۇزباستان: «راقىمەت!» دەدى.

    -نە بولعانى، ول ءتىپتى شىبىن شاققان قۇرلى كورمەدى عوي. اۋىرسىنعاندى قويىپ،راقىمەت ايتىپ جاتىر. باسقا ءبىر ءادىستى سىناپ كورەلىك،جەرشارى ادامىنىڭ ءالسىز جەرىن تاپپاي قويمايمىز.

    مەيلى كوزدى شاعىلىستىراتىن كۇشتى نۇر،ءيا بولماسا شىداپ تۇرعىسىز ساسىق ءيىس شىعارسا دا ەلەڭ قۇرلى كورمەدى. «راقىمەت!» دەپ قايتالاي بەردى،سونىمەن بىرگە،ادەپپەن ەڭكەيىپ تاعزىم ەتۋدى دە ۇمىتقان جوق. كيلدىكتەردىڭ ەستەرى شىعىپ،ءبىر-بىرىنە اڭىرا قاراپ تۇرىپ قالدى،ەندى ولار اقىلداسا باستادى: امال جوق ەكەن. ەشقانداي ءبىر قارۋدىڭ سەبى تيمەيتىن ءتۇرى بار. 

    -پا، جەرشارى ادامدارى دەپ جۇرگەنىمىز سوعىسۋدى تىپتەن بىلمەيتىن تىرلىك يەسى ۇقسايدى. ونى سونشا   باسىنساق تا ەشقانداي اشۋلانبادى. مۇنداي جانى جايساڭ ادامداردىڭ جەرشارىن باسىپ الاتىن    بولساق ۇيات بولماس پا ەكەن.

   -ونداي بولسا قايتپايمىز با؟

   بارلىعى وسى اقىلعا كەلدى. كيلدىكتەر كەتكەلى جاتقاندا روبورت ولارعا: «قايتساڭىزدار جولدارىڭىز بولسىن جانە    كەلەرسىزدەر!» دەدى.

   كيلدىكتەر ورمان اراسىنا جاسىرىپ قويعان ۇشپا تالەنكەسىنە وتىرىپ ۇشىپ كەتتى. ۇشپا كەمە وتە تەز جىلدامدىقپەن دىبىس شىعارماستان كوزدەن عايىپ بولدى. الىستان كورگەندەر بولسا،ولاردىڭ كوزىنە اقپا جۇلدىزداي بولىپ كورنۋشى ەدى. 

   كوپ وتپەي تامىلجىپ تاڭ اتتى.    ادامدار ۇزدىك-سوزدىق باقشاعا كەلە باستادى. باقىتتى كۇلكىلەر ءار جەردەن ەستىلە باستادى. روبورت ەشتەمە بولماعانداي كەلگەن-كەتكەن قوناقتارعا:     «قارسى الامىز... قارسى الامىن...      راقىمەت،تاعى كەلىپ ويناعايسىزدار» دەپ سالەمدەسىپ تۇردى. 
 
اۋدارعان-قانات جۇماش ۇلى




 
   رەداكتورى: الماگۇل اقاتبەك قىزى
 
   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn