ەەڭ جاڭا مازمۇندار
چىن چۋانگو اۆتونوميالى رايوندىق وقۋ-اعارتۋ ماجىلىسىندە بىلاي دەپ باسا دارىپتەدى
ورتالىق كوميتەت كەڭسەسى،مەملەكەتتىك كەڭەس كەڭسەسى «حابارلاندىرۋ» باسىپ تاراتتى
قىستاق قونىس ورتاسىندا زور وزگەرىس بولدى
ساۋان اۋدانى جۇڭگو ساياحات كۇنى ۇگىت قيمىلىن ورىستەتتى
ايماق لياۋنيڭ ولكەسىنىڭ «ۇيىرمە ۇلگىسىندە» تارباعاتايعا كومەكتەسەتىن ەمدەۋ دارىندىلارىنىڭ كەزەك الماستىرۋ،قورىتىندىلاۋ،ماداقتاۋ-سيلاۋ جانە قارسى الۋ،اتتاندىرۋ جينالىسىن وتكىزدى
تاۋ گۇلى جايقالا اشىلىپ،ساياحاتشىلاردى وزىنە باۋرادى
الەۋمەتتىك اۋماقتىڭ باسقارۋشىسى،تۇرعىنداردىڭ جاناشىرى
كونە سۋرەتتەگى ەستەمە
قازىنالىق باقىلاۋدىڭ باقىلاۋىن زاڭ بويىنشا جاپپاي كۇشەيتىپ،قوعام ورنىقتىلىعى مەن باياندى تىنىشتىق باس نىساناسىنىڭ جۇزەگە اسۋىن پارمەندى كەپىلدىكپەن قامدايىق
قازىنالىق باقىلاۋدىڭ باقىلاۋىن زاڭ بويىنشا جاپپاي كۇشەيتىپ،قوعام ورنىقتىلىعى مەن باياندى تىنىشتىق باس نىساناسىنىڭ جۇزەگە اسۋىن پارمەندى كەپىلدىكپەن قامدايىق
ورنىقتىلىق بارىسىندا ىلگەرىلەۋ جالپى قىزمەت ارناسىنان جازباي، جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتەيىك
جاڭا اس سۇتتىگەن بازارعا سالىندى
مۇگەدەكتەرگە كومەكتەسىپ جانىن جادىراتتى
كەدەيلىكتەن ارىلتىپ، اۋقاتتاندىرۋ جولىندا بىردە -بىرەۋىن قاتاردان قالدىرمادى
2019-جىلى 5-ايدىڭ 21-كۇنى 118-سان
ءماجىلىس رۋحىن جەتكىزىپ، ۇيرەنىپ، دايەكتىلەندىرۋ، تياناقتاندىرۋ پىكىرىن اقىلداستى
اقىسىز دەنساۋلىق تەكسەرۋ سالاماتتىق جاقتان كەدەيلەردى سۇيەمەلدەۋدى ىلگەرىلەتتى
قارا كۇشتەردى الاستاۋ، سۇرقيا كۇشتەردى جويۋ ۇگىتىن جۇرت جۇرەگىنە ۇيالاتتى
كەشىگىپ وتكىزىلگەن مەرەكەلىك «قوناعاسى»
اپپارات كوزىن نەگىزگى ساتىعا تۋرالاپ، بۇقارانى باس كەيىپكەر ەتىپ جازدى
اكىمشىلىك مەكەمەسى پارتيا باسشىلىق گرۋپپاسى نازاريا ۇيرەنۋ وزەكتى گرۋپپاسىنىڭ كوللەكتيۆ ۇيرەنۋىن وتكىزدى
وقۋشىلارعا لازي شىعىرىنىڭ سىرىن تۇسىندىرۋدە
ساباقحانانى ۋي دى-يۋدىڭ وتباسىنا كوشىردى
ورتتەن كۇنى بۇرىن ساقتانۋ
عىلىمي تۇردە يود تولىقتاۋ ۇگىتىن جۇرگىزدى
2019-جىلى 5-ايدىڭ 20-كۇنى 117-سان
جاڭ شۋجۇننىڭ قىستاققا دەگەن ماحابباتى
اكىمشىلىك مەكەمەسى 2019-جىلعى قارا كۇشتەردى الاستاۋ،سۇرقيا كۇشتەردى جويۋ ارناۋلى كۇرەسىنىڭ 2-رەتكى ارناۋلى تاقىرىپتىق ءماجىلىسىن اشتى
2019-جىلى 5-ايدىڭ 18-كۇنى 116-سان
ليۋ شيۋفاڭنىڭ تۇرعىن ۇيىندەگى وزگەرىستەر جايلى

ۇلارلى تاۋدىڭ ۇلانى

جولدانعان ۋاقىتى : 2017/8/11 20:48:25

ەرمەك سارسەنباي ۇلى

 

     تاريح پاراعىن اقتارىپ،وتكەنگە كوز  جۇگىرتىپ، ارحيۆتوردىڭ ايتارىنا بويلاساڭ،ادەبيەتىمەن،مادەنيەتىمەن ماقتانار تابىس پەن ەڭبەك ايشىقتالا جازىلعان قاسيەتتى مەكەن قاراعايباستاۋدا 2017-جىلى 6-تامىزدا تاعى ءبىر ءدۇبىرلى توي ءوتتى. 

    تولى اۋداندىق ۇگىت ءبولىمى،ادەبيەت-كوركەمونەرشىلەر بىرلەستىگى جاۋاپتى   بولىپ،«شۇعىلا جۋرنالى» مەكەمەسى،تارباعاتاي ايماقتىق ادەبيەت-كوركەمونەرشىلەر بىرلەستىگى قاتارلى ورىنداردىڭ سايكەۋىمەن تولى توپىراعىنىڭ ءتول تۋماسى، جاس اقىن ەسقات قابيدوللا ۇلىنىڭ «ۇلارلى تاۋ» اتتى كىتاپ تاراتۋ سالتى جانە اۆتوردىڭ ولەڭنە جازىلعان اندەردى ارقاۋ ەتكەن «ماحابباتپەن كۇن كەشەم» اتتى كونسەرت كەشى ءوتتى. قيمىلدىڭ شىمىلدىعى الىس-جۋىقتان كەلگەن ەل-جۇرتتىڭ،اقىن-جازۋشىلاردىڭ اقىنعا دەگەن جالىن سيلارداي شابىتتى شاپالاق ۇنىمەن اشىلدى.

   كىتاپ تاراتۋ سالتىن اقىن،اۋدارماشى مادەنيەت مۇقاتاي ۇلى باسقاردى،جاس   اقىننىڭ ونەر تويىنا قۇتتى بولسىن ايتىپ،اق تىلەگىن ارناپ،سۇبەلى ويلارىمەن جينالعان ونەر سۇيەر قاۋىمعا رۋحاني وركەنيەت پەن اقىن-جازۋشىلاردىڭ حالىق    الدىنداعى جاۋاپكەرشىلىگى تۋرالى ءسوز  تيەگىن اعىتا كەلىپ،«شي جينپيىڭ باس شۋجيدىڭ ماڭىزدى سوزدەرىن ۇيرەنىپ،قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا قۇلشىنىپ جاتىرمىز. باس نىسانانى جۇزەگە اسىرۋدا اقىن-جازۋشىلاردىڭ،ونەرپازداردىڭ   جاۋاپكەرشىلىگى زور،مىندەتى اۋىر،حالىقتى ۇزدىك ونەر تۋىندىلارىمەن سۋسىنداتىپ،رۋحاني دۇنيەسىن دامىتۋ اسا داڭقتى مىندەت. وسى قيمىلدىڭ ءوزى  ايماعىمىزدىڭ،جۇيەدەن تولى اۋدانىنىڭ رۋحاني   ىسىنە قوسىلعان ۇلەس،اقىن-جازۋشىلار ءۇشىن العاندا ۇلكەن قولداۋ ىسپەتتى،سول ءۇشىن پارتيانىڭ ءادىل دە پاراساتتى ساياساتىن قادىرلەپ،ءوز بورىشىمىزدى ادا  ەتۋىمىز كەرەك» ەكەنىن باسا دارىپتەدى. 

    اۋەلى،تولى اۋداندىق جازۋشىلار    وداعىنىڭ باس حاتشىسى ريشات سابىرباي ۇلى اۋداندىق ادەبيەت-كوركەمونەشىلەر بىرلەستىگى اتىنان الىس-جۋىقتان كەلگەن   اقىن-جازۋشىلاردى قارسى الۋ ءسوزىن سويلەدى ءارى ەسقات قابيدوللا ۇلىنىڭ ءومىر جولىن،ولەڭدەگى ورەسىن ايتا   كەلىپ،تەبىرەنىستى كوڭىل كۇيىن ولەڭمەن ورنەكتەپ:

«جىر ەلىنىڭ تەبىنىپ ارعىماعىن،
باۋىرىم ونەردە جاندى باعىڭ.
 ەل ريزا،مىنەكي،
 ءجۇرۋشى ەدىڭ،
جاستىعىڭا ءبىر تيمەي جار قۇلاعىڭ.
.................
ماحابباتپەن كۇن كەشتىڭ ولەڭگە شىن،
وي شۇڭەتىڭ تەڭىزدەي تەرەڭدەسىن.
ەل-جۇرتىڭا جىرىڭنان ەسەپ بەرەر،
قۇتتى بولسىن،باۋىرىم،ونەر كەشىڭ!» دەپ اق تىلەگىن بىلدىرسە،كەزەگى كەلىپ،ءسوزدىڭ تىزگىنىن قولىنا العان شينجياڭ حالىق باس باسپاسى پارتكومىنىڭ مۇشەسى،باس رەداكتوردىڭ ورىنباسارى اسان ابەۋ ۇلى جاس اقىن ەسقات قابيدوللا ۇلىنىڭ ولەڭدەرى ساراپتاۋدان ءوتىپ،پارتيانىڭ ۇندەۋىمەن،قاتىستى ورىنداردىڭ قولداپ-قۋاتتاۋىمەن،ۇلت مادەنيەتىن،از ۇلت جازۋىنداعى باسىلىمداردى شىعارۋعا ارنالعان جوبامەن جارىق كورىپ وتىر. ەسقاتتاي جاس اقىنعا ارتار ءۇمىتىمىز زور،جاۋىنگەر اقىننىڭ ولەڭىندە ورلىك،سەزىمىندە سەرگەكتىك،ويىندا ۇشقىرلىق بار. ارىندى دا،جالىندى  جىرلار كۇتەمىز» دەگەن اقجارما تىلەگىن  ايتىپ،سىنشىلىق كورەگەندىكپەن كوڭىل كوكجيەگىن كەڭەيتەر سۇبەلى ويلاردى ورتاعا تاستادى. 

   شينجياڭ حالىق باس باسپاسى قازاق رەداكسياسىنان اقىن اقبوكەن يمانبەك ۇلى اعالىق،اقىندىق تۇرعىدان ويلى دا،ويلامدى لەبىز ءبىلدىردى جانە دە شينجياڭ جازۋشىلار وداعىنىڭ كادرى قاناتگۇل   مۇقاش قىزى شينجياڭ جازۋشىلار وداعى مەن «شۇعىلا» جۋرنالى مەكەمەسى اتىنان جاس اقىننىڭ كىتاپ تاراتۋ سالتىنا قۇتتى بولسىن ايتسا،ودان ارى ايگىلى اقىن ءابىلقايىر اقبايەۆ،جازۋشى ءماۋلىتقان ءابىلعازى ۇلى،جاس اقىن ۆەنارا قايىرعالي قىزى قاتارلى اقىن-جازۋشىلار اقىننىڭ شىعارمالارى   تۋرالى ساراپتى سىندارىن،اعالىق اقىلدارىن،كوزقاراستارىن كوپشىلىكپەن ورتاقتاسىپ،ەسقاتتىڭ الداعى شىعارماشىلىق جولىنا ءسات ساپار تىلەدى. وسىدان كەيىن اقىن،سىنشى اسان ابەۋ ۇلى مەن تولى اۋداندىق قوعام حاۋىپسىزدىگى مەكەمەسىنىڭ ساياسي كوميسسارى ءادىل بۇگىنگى قيمىلعا مۇرىندىق بولىپ وتىرعان «ۇلارلى تاۋ» اتتى كىتاپتىڭ «تۇساۋىن كەستى». 

    كىتاپ تاراتۋ سالتىنىڭ سوڭىندا تولىداعى ونەرپازدار تاراتۋ سالتىنا كەلگەن حالىققا ەسقات قابيدوللا ۇلىنىڭ ولەڭىنە جازىلعان اندەردەن شاشۋ شاشىپ،كىتاپ تاراتۋ  سالتىنىڭ مەرەيىن اسىردى. 







رەداكتورى: الماگۇل اقاتبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مسالى: «تارباعاتاي اقپارات تورابىنان» الىندى.