ەەڭ جاڭا مازمۇندار
شي جينپيڭنىڭ زاڭمەن باسقارۋ يدەياسىن شينجياڭدى جاپپاي زاڭمەن باسقارۋدىڭ جالپى بارىسىندا دايەكتىلەندىرىپ، زاڭمەن باسقارۋ ويى، ءتاسىلى ارقىلى دامۋدى ىلگەرىلەتىپ، قايشىلىقتى شەشىپ، ورنىقتىلىقتى قورعاپ، حاۋىپ - قاتەرگە توتەپ بەرۋ كەرەك
شينجياڭداعى ءار ۇلت، ءار سالا حالىق قاھارماندارىنا قۇرمەتپەن گۇل شارباق قويدى
مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
جاڭاشا بۇكىل مەملەكەتتىك ءتۇزىلىس ابزالدىلىعىن تولىق ساۋلەلەندىرىپ، ەشقاشان بوساڭسىماي، باستان − اياق ءساتتى جۇرگىزىپ، قاجىماي ەڭبەك ەتىپ، ەلىمىزدىڭ وزىق جابدىق جاساۋدا اناعۇرلىم كوپ كەلەلى ناتيجەلەرگە قول جەتكىزۋىن قۇلشىنا جۇزەگە اسىرۋ كەرەك
قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى بەيجيڭدە سالتاناتپەن وتكىزىلدى
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى

ولار ماڭگىلىك ۇيقىدا

جولدانعان ۋاقىتى : 2017/8/7 18:36:13

  ۋاڭ شي
 
 ۋاڭ شي، حانزۋ، تۇڭعىش كەزەكتى باتىس ءوڭىر ادەبيەت سيلىعىنىڭ، اۆتونوميالى رايوندىق 5-كەزەكتى تيانشان ادەبيەت-كوركەمونەر سيلىعىنىڭ، 2-كەزەكتى تارباعاتاي ادەبيەت-كوركەمونەر سيلىعىنىڭ يەگەرى،شينجياڭ جازۋشىلار قوعامىنىڭ مۇشەسى. «شۋە مەي»، «كلارا» قاتارلى  كىتاپتاردىڭ اۆتورى.

   قابىر سىپىرۋ مەرەكەسى تاياپ   قالدى، كۇيەۋىم ەكەۋىمىز باۋىرلارىمىزدى ەرتىپ، شاۋەشەك قالاسىنان 3 كيلومەتر شالعايداعى كونە قابىردا ماڭگىلىك ۇيقىدا جاتقان اتا-اپامىز، اعام مەن ۇلكەن باۋىرىمنىڭ قابىر باسىن سىپىرۋعا باردىق. ودان سوڭ بۇل ارادان ءبىرتالاي شەتكەرى شاۋەشەك  قالاسىنىڭ تاعى ءبىر قابىرستانىنا     بارىپ، وندا جاتقان اكەمىز بەن   شەشەمىزگە تاساتتىق بەردىك.

   بۇگىن كۇن تۇنجىراپ، قوشقىل قارا بۇلت اقىرىن-اقىرىن توبەمىزگە قاراي ويىسىپ،تۇيدەكتەلە باستاعاندا، ءبىز دە اتا-اپامىزدىڭ قابىر باسىنا تاعزىم ەتىپ، ولارعا ارناپ دايىنداعان تاساتتىق اس-ءمازىرىمىزدى قابىر باسىنا قويىپ، ارنايى الا كەلگەن قاعاز اقشانى ورتەپ، ولارمەن قوشتاسىپ، انا ءبىر دۇنيەنىڭ يەسى بولعان تومپەشىكتەردى ارتقا تاستاپ، لاي باتپاق، يرەلەڭدەگەن تار سوقپاقتى بويلاپ، كۇرە جولدى بەتكە الىپ بارامىز. مولشەرمەن ون نەشە مينۋتتاي جۇردىك بىلەم، سودان جول بويىنداعى ءبىر-بىرىنە وتە جاقىن ەكى تومپەشىككە كەلىپ توقتادىق. بۇلارعا قۇلپىتاس قويىلماعان، اتى-ءجونى دە جوق. سازدى توپىراقتىڭ ءيىسى اڭقىپ، ارام ءشوپ قاپتاعان جەر بەتىنەن ءسال عانا دوڭەستەنىپ جاتقان بۇل ەكى كىشكەنە تومپەشىكتەردىڭ استىندا، ەكى قىرشىن جاستىڭ ماڭگىلىك ۇيقىدا جاتقانىن مىنا بىزدەن باسقا ەشكىم دە بىلە بەرمەسە كەرەك. سودان بەرى وتىز نەشە جىل ءوتىپتى، ولار مىناۋ تاستاي سۋىق، سازدى جەر استىندا جاتىر، ارامىزدى تەك قالىڭ توپىراق قاباتى ايىرىپ تۇر، ولار ەندى مىنا الەمدەگى بار داۋىستى ەستۋدەن قالعان. قىرشىنىنان قيىلعان اعام مەن باۋىرىم ەدى بۇل توبەشىكتىڭ يەلەرى، سول كۇنگى قارلى بوران، الاسۇرعان ايازدى تاڭ عوي سەندەردى وسى اراعا قۇلىپتاعان.

   ول ءبىر قاقاعان قىستىڭ سۇرەڭسىز تاڭى ەدى. تاڭ قىلاڭ بەرىپ ۇلگىرمەگەن، اينالا تىپ-تىنىش، كوزگە تۇرتسە كورگىسىز قاراڭعى، قورا-جاي، ورمان، كوشە، ادام جانە تاۋىق، مىسىق، قوراداعى قوي، سيىر سياقتىلاردىڭ بارلىعى مۇلگىپ تۇنگى تىنىش ۇيقىدا جاتقان، سولاي ءبارى ۇيقىدا. كۇيزەلىس ءتونىپ كەلە جاتقان ءبىزدىڭ وتباسىمىزداعىلار دا قاننەن-قاپەرسىز ءتاتتى ۇيقىنىڭ قۇشاعىندا تەربەلىپ جاتقان مەزگىل.

   تاڭ اتۋعا از قالسا دا قاراڭعىلىق باسىپ تۇر، كۇن وتە سۋىق بولاتىن. ەسكى اۋلانى ءبىر قابات جۇقا قار باسقان، ءۇي توبەسىنەن ەرىگەن  قاردان ادەيىلەپ ءىلىپ قويعانداي   قاتار-قاتار وقتاۋداي بىلەۋلەنگەن مۇز سۇڭگىلەرى تۇر اۋىلدى كۇزەتكەن سالداتتارداي. ءۇيدىڭ تەرەزە اينەگىنە ادەمى ءارى قالىڭ قىراۋ ورنەك سالىپ تاستاپتى. اۋىزعى ۇيدەگى دىمقىل    ىدىس جۋاتىن شۇپەرەك وشاق باسىندا، الدەقاشان قوقيىپ قاتىپ قالعان، اسادالدىڭ ىشىندەگى ىدىس-اياق بىتكەن مۇز بوپ سىرەسىپ،ءبىر-بىرىنەن اجىراتۋدىڭ ءوزى مۇڭ. تۇزداعان كوكونىس سالىنعان كۇبىنىڭ ىشىندەگى كوكونىستىڭ بەتىنە دە ءبىر قابات مۇز قاتىپتى. ودان بىلاي دا سۋ قۇيعان شەلەكتىڭ ءىشىن قالىڭ مۇز كەرىپ سىزداپ تۇر. ەجەلدەن ەرتە وياناتىن شەشەم پىشاقتىڭ سابىمەن شەلەكتىڭ بەتىندەگى مۇزدى ۇرىپ، ەپتەپ ساڭلاۋ اشىپ، استىنداعى سۋدان قۇيىپ الىپ، وت جاعىپ،تاڭعى استىڭ قامىنا كىرىستى.

   وسى كەزدە،ىزعارلى جەل ىشقىنىپ، تەرەزە-ەسىكتى ەسسىز سابالادى. اكەم اۋلاعا شىعىپ، تام جىگىنە سۇيەنە،بەتىن تۇمان باسىپ جاتقان ۇلاستاي وزەنىنە ءبىر قاراپ قويىپ، قولىنا سىبىرتكىنى الىپ، اۋلانىڭ   تۇنىمەن جاۋعان جۇقا قارىن سىپىرىپ، جالعىز اياق جول اشتى دا، قامىس تارتاتىن اربا مەن ارقاندى الىپ اقسۋعا بارۋعا دايىندالدى. مال قوراعا بارىپ، سيىر قورانىڭ الدىنداعى اعاش وقىرعا ءشوپ، تۇز سالدى. وگىزگە جەم بەرگەن سوڭ، باسىن كوتەرىپ، دەنەسىن تىك ۇستاپ، وگىزدىڭ كۇيسەگەنىنە قاراپ از تۇردى دا كيىمىنە جابىسقان ءشوپ-شالاڭدى جەڭىل قاعىپ، قولدارىن ۋقالاپ،سىرتتاعى سۋىق   اۋانى ەرتە ۇيگە كىردى. 

   -قار مىناۋ جاۋىپ تاستاعان،انا ۇيدەگى ەكى ۇلدى ويات، اۋلاداعى قاردى سىپىرسىن،- دەدى وشاق  باسىندا كۇيبەڭدەپ جۇرگەن شەشەم. اكەم ەسىكتى اشىپ، دەنەسىن سىرتقا جارتىلاي شىعارىپ، شىعىس قۇجىرانىڭ قارا كولەڭكە تەرەزەسىنە قاراپ ەدى، كوزىنە تۇك كورىنبەدى بىلەم،دالا قاپ-قاراڭعى بولاتىن. ءبۇرىسىپ   باسىن جاعاسىنا قاراي قۇنجيتا، ەسىكتى جاۋىپ شەشەمە بۇرىلىپ: 

   - تاڭ ءالى اتقان جوق، وياتىپ قايتەسىڭ، ۇيىقتاسىن،- دەدى.  شەشەم ۇندەمەي مەشكە ءبىر كەسەك كومىر سالدى دا اكەمنىڭ الدىنا داستارقان جايىپ، قايماقتاپ وتىرىپ   ءسۇتتى شاي،ءمانتى،مايعا ءبىر توعىتىپ العان تۇزدالعان كوكونىستەن ءبىر تالەڭكە جانە جاڭا عانا قازانعا قارىپ، سارى ماي قوسىپ پىسىرعان شەلپەگىن دە اكەلىپ اكەمنىڭ الدىنا قويدى. ونىسى اكەم جولدا اۋجال ەتسىن دەپ دايىنداعانى بولاتىن. اكەم وسىلاي وتىرىپ تەز-تەز تاماقتانىپ، ورنىنان جىلدام تۇرىپ، تەرى مالاقايى مەن ىشىگىن كيىپ اۋلاعا شىقتى،وگىزگە نوقتا سالىپ، زىل-باتپان وگىز ارباسىن جەگىپ، سىقىرلاتا جول تارتتى. ول قاقپادان شىعار الدىندا، ادەيى ەكى ۇلى جاتقان قۇجىرانىڭ قاپ-قاراڭعى تەرەزەسىنە قاراپ قويدى دا «جاقسىلاپ ۇيىقتاڭدار، قۇلىندارىم» دەدى ىشىنەن سۇيىنە. 

   سول كۇنگى تاڭعى زوبالاڭ بەينە سۇركەيلى سۋىقتاي ءبىزدىڭ ۇيگە   ءتونىپ كەلە جاتقان ەكەن. اياز بىرنەشە جىلعى قىستىڭ بار ىزعارىن بويىنا   جيعانداي قاھارلى، ادۋىندى. اعام مەن باۋىرىمنىڭ قىرشىن عۇمىرىنا ءتىسىن باتىرىپ، اۋىز سالعان دا سول كۇنگى اياز ەدى. سول جىلى اعام 15 جاستا، ۇلكەن باۋىرىم 11 جاسقا جاڭا شىققان. ويلاماعان جەردەن ولار كومىر ىسىنا ۋلانىپ قايتىس بولدى.

   ەسەيگەن سايىن، سول قىس اياعى سوزىلماعاندا؛ اعام مەن باۋىرىم جاتقان قۇجىرانىڭ مەشىندەگى وت جاقسى جانىپ كەتكەندە؛ ەگەر اكەم شەشەمنىڭ ءتىلىن الىپ، ەكەۋىن وياتىپ كەتكەندە مۇمكىن، سول تراگەديا تۋىلماس پا ەدى دەپ ويلايمىن. تەك ارمان عوي ءبارى.

   ويلاساڭ ءبارى الدەبىر سۇمدىقتىڭ بولارىنان حابار بەرگەندەي،ءبىزدىڭ ءۇيدى توڭىرەكتەپ العان ەكەن. وقيعا تۋىلۋدان ىلگەرى ءبىزدىڭ ارتقى اۋلادا ۇنەمى ەل شىرت ۇيقىدا جاتقان ءتۇن ىشىندە ءيت ۇليتىندى شىعارعان. سونداعى داۋىس سونشاما زارلى ەستىلۋشى ەدى، سول ۇلىعان دىبىستان ساي سۇيەگىڭ سىرقىراپ، ۇيىقتاي الماي مازاڭ كەتىپ، قارا تەرگە تۇسەسىڭ دەيتىن اكەمدەر.

   العاشقى كۇنى اكەم الگى داۋىستان مازاسىزدانىپ، جارىم تۇندە تۇرىپ، ىشىگىن يىعىنا ىلە سالىپ، كوزگە تۇرتسە كورمەيتىن قاراڭعىدا، قولىنا وقتاۋدىڭ جۋاندىعىنداي سويىل الىپ، ەپتەپ باسىپ ارتقى اۋلاعا شىققاندا، اعاشتىڭ تۇبىندە ءبىر ءيتتىڭ اسپانعا قاراپ ۇلىپ تۇرعانىن كورەدى. ول باسىن ءبىزدىڭ ءۇيدىڭ شىعىس قۇجىراسىنا قاراتىپ ۇلىپ تۇرعان. اكەم      «جوعال، مالعۇن، جارىم تۇندە نە جامان ىرىم باستاپ تۇرسىڭ» دەپ قاتتىراق زەكىپ قالعان سوڭ،ءيت   اكەمە قاراپ ءسال-كەم تۇرادى دا قۇيرىعىن بۇتىنا قىسىپ تايىپ بەرگەن. ەرتەسى، ونىڭ ەرتەسى ءيتتىڭ ۇلىعانىن ەستىمەگەن اكەم شەشەمە «ءيت  ەكەن، قۋىپ جىبەردىم، ەندى كەلمەيدى» دەيدى. الايدا ءتورتىنشى كۇنى تۇندە  ارتقى اۋلادان الگى ءيتتىڭ داۋىسى تاعى ەستىلگەن. داۋىس،ءتىپتى، الدىڭعى كۇندەگىدەن دە كۇشتىلەۋ، اشتىلاۋ شىعىپتى. ىزادان دەنەسى قالشىلداعان اكەم اشۋىن باسا الماي،   اسىعىس- ۇسىگىس كيىنىپ، قولىنا باياعى سويىلدى سۇيرەپ ارتقى اۋلاعا تاعى بارسا، ءبىر ەمەس، ەكى ءيت تۇر. ايدىڭ جارىعىندا اكەم بىرەۋىنىڭ قارا، ەندى بىرەۋىنىڭ سارى ءيت  ەكەنىن انىق كورگەن. ولار اكەمە قاراپ ءبىراز ۇرەدى، بەينە بىردەمە ايتپاق بولعان كىسىدەي. تۇنگى ۇيقىنىڭ بەرەكەسىن العان يتتەردى اشۋلى ادام قاي ءبىر وڭدىرسىن،سويىلدى ولارعا قاراتىپ سىلتەپ قالادى. جابىرگە ۇشىراپ ۇلاستايدى بويلاپ قاشا جونەلگەن يتتەر لەزدە قارا تۇنەككە ەنىپ عايىپ بولادى.

   ىزالانعان اكەم ۇيگە كىرسە دە، جۇرەگى اتقالاقتاپ، بىرەر ويلاماعان ءىس تۋىلاتىنداي تىنىمى كەتە بەرەدى. كەيىنگى ەكى كەش تاعى سول يتتەردىڭ داۋىسى، بارعان سايىن قۇلاق تۇبىنەن شىققانداي ەستىلىپ تۇرىپ العان. وتباسىمىزدا تۋىلعان سول پالەدەن كەيىن يتتەردىڭ ۇرگەنى قايتا ەستىلمەگەن.

   ءبىزدىڭ ءۇيدىڭ ونى-مۇنى قوياتىن قويماسى بولاتىن. ىشىندە اكەم ءۇي سالامىن دەپ قيىپ دايىنداعان التى تال اق قايىڭ بار ەدى. بۇرىشقا رەتتەپ تىزىپ قويعان، ۇستىندە كەپتىرىلگەن قىزىل بۇرىش،سارىمساق،الما،ورىك قاعى جانە قىستىق ءسۇرى ەت بار  بولاتىن جايىپ قويعان. شەشەم ءار كۇنى دەرلىك وسى قويمادان اس ازىرلىگىنە كەرەك-جاراق الاتىن. نە بولعانى بەلگىسىز سول كۇندەرى شەشەمنىڭ بويىن ءبىر قورقىنىش بيلەپ، سول قويماعا كىرۋگە باتىنبايتىن بولىپتى. قويمانىڭ الدىنا بارعاندا بويىن بيلەگەن قورقىنىشتان اۋزى جىبىرلاپ، نەنى الىپ، نەنى قويارىن بىلمەي جاڭىلا بەرگەن،ەرىكسىز بيلەگەن ۇرەيدەن شوشىنعانىن شەشەم اكەمە ايتقان ەكەن، اكەم «قارتايعاندا نەمەنە ەركەلەيىن دەدىڭ بە؟ بولدى كەرەك-جاراعىڭدى مەن-اق اكەلىپ بەرەيىن دەپ» انتەك ەزۋ   تارتىپ، جانتايىپ جاتا كەتەتىن.

   وسى ارالىقتا شەشەم  عاجايىپءبىر ءتۇس كورىپتى، قارلى بوران بوراعان تاڭعى مەزگىل ەكەن، ءبىزدىڭ الگى قويما قۇلاپ ءتۇسىپتى... سودان شەشەم ءۇرتىس بىرنەشە كۇن ۇيىقتاي الماي الا قىزىپ، القىنىپ ءجۇردى دە، دۇكەننەن قاعاز اقشا ساتىپ اكەلىپ، قويمانىڭ الدىنا كەلىپ، تاڭىرگە جالبارىنا سيىنىپ،قاعاز اقشانى ورتەپ،سۋماڭداعان جىن-ءىبىلىستى الاستاعان    بولىپ، كوڭىلىنە مەدەت تۇتادى. 

   وسىلايدا قيۋى كەلەدى ەكەن-اۋ، اعام مەن باۋىرىم قايتىس بولعان سوڭ، اكەم الگى قويماداعى اعاشتاردان ولارعا تابىت جاساتتى. شەشەم سوندا: 

   - باسە، نەگە وسى ۇيگە بەتتەي المادىم دەسەم، وندا ۇلدارىمنىڭ تابىتى تۇر ەكەن عوي،- دەپ جۇرەگى قارس ايرىلىپ ەڭىرەدى.

   كوپ جىلدان بەرى تالاي-تالاي تۇندەر وتسە دە، انە سول كۇنگى   ايانىشتى جاعداي ءالى كۇنگە دەيىن كوز الدىمدا اپ-انىق. سول جىلى مەن 13 جاستا بولاتىنمىن، ورتالاۋ مەكتەپ  وقىپ جاتقان كەزىم. اكەم كەتكەن سوڭ، شەشەم مەنى وياتتى، كىشى باۋىرىم ۇيىقتاپ جاتقان، تاڭعى ءتاتتى ۇيقىمدى، ىستىق كورپەنى قيماي ەرىنە كورپەنى قايىرىپ، كيىمدەرىمدى كيىدىم، تاڭ ەندى قىلاڭ بەرىپ كەلە جاتقان ەكەن. شەشەم: 

   - شياۋ شيىر، تۇر بالام، شىعىس قۇجىراعا بارىپ انا ەكى ماۋباستى    ويات،- دەدى. مەن قوس قولىمدى جەڭىمە تىعىپ، ەرىنە باسىپ اۋلاعا شىقتىم، قالتىراعان دەنەمدى زورعا بيلەپ، ۇلپا قاردى باسىپ، ولار جاتقان شىعىس قۇجىرانىڭ تەرەزە الدىنا كەلىپ: 

   -اعا، تۇر، تۇرساڭدارشى! اعا، تەز تۇر،- دەپ ايعايلاپ ەدىم،ولاردان ءۇن شىقپادى. سودان تەرەزەنى قاعىپ تاعى ايعايلادىم، ۇندەمەدى. ساسىپ قالدىم دا جىلدام باسىپ شەشەمە جەتتىم: 

   - شەشە، ولار ۇندەمەدى، تۇراتىن تۇرلەرى جوق،- دەپ ەم:

   -بار، قايتا ويات،-دەدى،   ارتىمنان ءوزى دە ىلەسە جەتتى.   شەشەم: 

   - گو حۇي، گو چاڭ، تۇرىڭدار، قاراقتارىم، سونشا ۇيىقتاعاندارىڭ نە؟-دەپ تەرەزەنىڭ اينەگىن جۇلقىلاپ، قاعا بەردى. ءالى دىبىس جوق. ىشتەن ءۇن شىقپادى، تىم-تىرىس. كەنەت شەشەم الدەنەدەن سەكەم الىپ،   شوشىپ كەتتى. ول «سۇمدىق -اي» دەدى دە جىلدام باسىپ اعاش ساتىنى اكەلىپ تەرەزەنىڭ اينەگىن شاعىپ  جىبەرىپ، ماعان «ىشكە كىرىپ،   ەسىكتىڭ ىلگەگىن اعىت» دەدى. ىشكە كىرىپ ەسىكتى اشىپ، شەشەمە ىلەسىپ ۇيگە كىردىم، اڭىردىق تا قالدىق. ۇلكەن باۋىرىمنىڭ اۋزىنان اق كوبىك اعىپ، ەسىككە قاراي ورمەلەگەن  كۇيىندە سۇلىق جاتىر، ال اعام كوزى جۇمۋلى ۇيىقتاعان ورنىندا ەش قىبىرسىز، ونىڭ دا ەزۋىنەن كوبىرشىك   اعىپ جاتىر. شەشەم ەسى كەتىپ،  سانىن سابالاپ: 

   -ءتاڭىرىم-اي! -دەپ اششى شىڭعىرىپ جىبەرىپ، تالىقسىپ بارىپ،تۇرعان ورنىندا قۇلادى.

   شەشەم قايتا ەسىن جيعاندا، جەرگە جارىق ءتۇسىپ،قار قايتا قىلاۋلاپ تۇسە باستاعان ەدى. ءۇيدىڭ ءىشى، اۋلا تولعان قاراڭداعان كىسى. ولار اقسۋدان تۇلا بويىن قىراۋ شالعان اكەمدى شاقىرتىپ كەلگەندە،اعام مەن ۇلكەن باۋىرىمدى تىپ-تىنىش ۇيىقتاپ جاتقان قالپى قار استىنا كومىپ قويعان. بۇل اۋىل اقساقالىنىڭ اقىلى بولاتىن، ىسقا ۋلانعان ادامدى ەگەر قار استىنا 24 ساعات كومىپ قويسا، ەسىن جيادى دەيدى ەكەن. الايدا،بولجاۋسىز    ءولىمدى كىم توسا العان، ونىمەن قارسىلاسۋعا دا شاراسىز عوي پەندە. 

    قار ءالى جاۋىپ تۇر، ولار قايتا ويانبادى.

   كەلەسى كۇنى اكەم كىسى شاقىرتىپ ءۇي سالۋعا ارناپ جيىپ قويعان الگى اعاشتاردان اعالى-ءىنىلى ەكەۋىنە تابىت جاساتتى. ارشىعان جاۋقازىنداي ەكى اپپاق كىشكەنە تابىت اۋلاداعى ۋاقىتشا تىگىلگەن شاتىرعا قويىلدى. ءمايىتتىڭ ماڭىندا بىرەۋ وكسىپ، بىرەۋ ءۇنسىز، تاعى بىرەۋلەر جىلاپ تۇر، ال شەشەم ازان-قازان، ءىشى-باۋىرى ەزىلىپ، قۇلاپ جاتتى. قابىرعامىزدى سوگىپ، كوكىرەگىمىزدى قارس ايىرا توسىن كەلگەن قازالى قايعىمىزدى بولىسكەندەي، قىزىل شۇناق اياز ونى قاعىپ الىپ كوككە كوتەرىپ بارادى...

   ولاردى اقتىق ساپارعا اتتاندىرىپ سالعان سوڭ، وتباسىمىزدى مۇڭلى تىنىشتىق، جاندى قارىتار سۋىق بارعان سايىن ءبۇرىپ، قارا تۇنەك تورلاپ، ۇزاق تۇردى،اسىرەسە شەشەم ەسىنەن ايرىلۋعا شاق قالعان، كوزى جاستان قۇرعامايتىن بولعان. ءتۇن پەردەسىن تۇسىرىسىمەن مەن دە تۇسىنەن    شوشىنعان ادامداي سەرگەك بولىپ كەتتىم، تىڭشىداي شەشەمنىڭ ارەكەتىن باعامىن دا جۇرەمىن، ءتىپتى، ول كىسى دۇزگە شىقسا دا قىر سوڭىنان قالمايتىن بولدىم. كۇندىزى ول كىسى ارتقى اۋلاعا وتىن العالى بارعاندا، تاۋ توبە بولىپ ۇيىلگەن وتىندى قۇشىپ جىلايتىنىن، بۇل اعام مەن ۇلكەن   باۋىرىم قىستىق دەمالىستا اناۋ الىس تاۋدان جانە قۇمدى شولدەن تەرىپ  اكەلگەن اعاش بۇتاعى مەن سەكسەۋىل ەدى. مىنە بۇگىن، ءاربىر تال قۋراعان اعاش بۇتاعى ينەدەيىن شەشەمنىڭ  دەنەسىنە شانشىلىپ تۇرسا، سەكسەۋىل شەشەمنىڭ جۇرەگىنە قانجارداي قادالعانى انىق. ول وتىندى قۇشاقتاپ، بار داۋىسىمەن شەرلەنە جىلاپ جاتىر. ەكى قولى وتىندى تىنىمسىز سابالايدى، جىلاي-جىلاي تاماعى دا الدەقاشان قارلىققان: 

   - قۇلىندارىم-اي، نەگە ءبىزدى تاستاپ كەتتىڭدەر،قوس قۇلىنىم-اي!-دەگەن ونىڭ اششى داۋىسىن مىنا   مەڭىرەۋ دالا ءۇنسىز، قىبىرسىز تىڭداپ تۇرا بەردى. ەكى بىردەي باۋىر ەتى بالاسىنان ايرىلعان انانىڭ جان جاراسىن بىردەن جازۋعا تابيعات تا شاراسىز. شەشەم ەندىگى ومىرىندە شەر جۇتىپ وتەرى داۋسىز ەدى.

   ءۇيىمىز قاتتى كۇيزەلدى. ازامات  بولىپ قالعان ەكى بىردەي بالاسى اياق-استىنان زىم-زيا عايىپ بولدى، ەندى ولاردى تابۋ مۇمكىن ەمەس-تىن.

   تۇتقيىل تيگەن سوققى بىزگە قايدان جەڭىل بولسىن، وسىدان سوڭ مۇڭ -قايعى ءبىزدىڭ ءۇيدىڭ ەڭسەسىن كوپكە دەيىن كوتەرتپەدى. داستارقان باسىنان ۇڭىرەيىپ ولاردىڭ ورنى بوس قالدى، تاماق ۋاقىتىندا، شەشەم ولارعا تاماق سالىپ، كەسەلەرىن كوزدەرى تىرىسىندە وتىراتىن ورىندارىنا بوي بەرمەي قوياتىن بولدى. الايدا ەكى كەسە تاماق جەلىنبەي يەسىز قالا بەرەتىن. وسىندايدا شەشەم باسىن كوتەرمەي جىلايتىن كەلىپ، كوزجاسى يەگىنەن كەسەسىنە تامىپ جاتاتىن. جىلاي-جىلاي شەشەمىز جارىمجان بولدى،كوزى دە كورمەسكە تايادى. مەن تالايعا دەيىن وسى قىستى ويلاسام بولدى، سول كەزدەگى جاعداي كينو فيلمىندەگى كورىنىستەردەي كوز الدىمدا تۇرادى دا الادى. سودان ايتىپ جەتكىزگىسىز قايعى تۇلا بويىمدى شانشىپ، قۇرساۋلاپ، ءبۇرىپ، قويا بەرمەيتىن. قايعىنىڭ نە ەكەنىن ءدال سول كەزدەن باستاپ  ءبىلدىم دەسەم بولاتىن ەدى.

   اعام مەن ۇلكەن باۋىرىم قايتىس بولعان سوڭ، اكە-شەشەم بىزگە بىلدىرمەي ولاردىڭ قابىرعادا ءىلۋلى تۇراتىن سۋرەتتەرىن الىپ، كىشكەنە ساندىقتىڭ تۇبىنە سالدى، كيىم-كەشەكتەرىن، بارلىق زاتتارىن ولاردىڭ قابىرىنا اپارىپ ورتەدى. ولار اكەلگەن الگى وتىنداردى دا كورشى-قولاڭعا تاراتىپ بەردى... مەن اكەمنىڭ بۇلاي ىستەگەنىن كەيىن ءبىر-اق ءتۇسىندىم، ۇلدارىنان    ايرىلعان اكەنىڭ ۇلدارىمەن سوڭعى قوشتاسۋى ەكەن عوي بۇل.

   سودان قانشا قىس وتكەنى بەلگىسىز، شەشەم اقىرىن-اقىرىن قايعىدان ارىلىپ، ەسىن جيا باستادى. ويتكەنى ونىڭ تاعى قابىرعاسى قاتا قويماعان شىناشاقتاي بەس بالاسى بار عوي،ولار دا ونىڭ ىستىق الاقانىن، ماپەلەۋىن، باعىپ-قاعۋىن قاجەت ەتەدى. ول ەندى بالالارىنىڭ قىستا سۋىققا توڭۋىن قالامايتىن. كەيىنگى جىلدارى شەشەم كوزجاسىن تيىپ، قايعىنى قايراتقا ايلاندىرىپ، بىزبەن بىرگە مەشتى قورالاي وتىرىپ قاقتالىپ، جۇگەرى كوجەسىن ىشەتىن بولدىق. مەشتەن شىققان جىلۋدان ءجۇزىمىز الاۋلاپ،ءبىر جىلىلىق ءۇي ىشىنە ەندەي قالعان كەزدەردە «وسىنداي بەرەكەلى كۇندەر ۇزاعىنان ءسۇيىندىر» دەپ تىلەك تىلەيتىن بولدى ول كىسى دە.

   «وتكەن كۇندە بەلگى جوق» دەگەن، مىنە بۇگىن، ولاردىڭ ارامىزدان اتتانعانىنا 30 نەشە جىل بولىپتى. اكە-شەشەمىز دە و دۇنيەلىك بولعانىنا 15 جىلدىڭ ءجۇزى تولدى. مەنشە ولار بەيىشتە باس قوسقان شىعار، ەندى ءبىر-ءبىرىن ىزدەپ ساندالمايتىن شىعار. باسىمدى كوتەرسەم، اسپانداعى كۇلتە بۇلتتار ءبىر اراعا جينالىپ، قويۋلانا ءتۇسىپتى. تىنا قالعان كوك اسپانعا بوياۋلى سىزبا سىزىپ جاتقانداي. اناۋ الىستا، كوز سۇرىندىرەر اسەم شۇعىلا ۇزاق ساپارعا اتتانعان كەرۋەن اترەتى سياقتى كوكجيەكتى بويلاپ كەلەدى ەكەن. ال ودان ارى قاراساڭىز،قول جەتكىسىز شەكسىز الەم جيەگىنە اسىعاسىز.

   ەكى قابىردىڭ بەتىندەگى ارام شوپتەردى وتاپ، توپىراعىن جاڭالاپ،  جاۋىن-شاشىن شايىپ كەتپەسىن دەپ كۇرەكپەن جەڭىل باتتاپ قويدىق. سودان ولارعا الا كەلگەن قاعاز اقشامىزدى ورتەپ،شىلىم تۇتاتىپ،ولار ءسۇيىپ جەيتىن ورىس بولكاسى،پراندىك، سۇرلەنگەن ەت، كامپيت جانە ولار بۇرىن جەپ كورمەگەن بانان، ماندارين، تسيترۋس جانە ليجى سياقتى جەمىستەر مەن قاراقات شىرىنىنان جاسالعان سۋسىندىق سياقتىلاردى الا بارىپ، ولاردىڭ باسىنا قويدىق. قوس قابىردىڭ الدىندا ءتىزىلىپ تۇرىپ، ولارعا ءۇنسىز ءۇش رەت تاعزىم ەتتىك. ەندى اتتانعالى تۇرعانىمىزدا سارى بۇرشاقتىڭ ۇلكەندىگىندەي جاڭبىر تامشىلارى اۆتوكولىكتىڭ تەرەزەسىن ەسەرلەنە سوققىلادى. مونشاقتاپ تۇرعان جاۋىنعا قاراپ، ءتاڭىر دە ومىردەن ەرتە اتتانعان قىرشىن عۇمىرلاردى ەسكە الىپ، ەڭىرەپ تۇر ما دەپ ويلادىم.
اۋدارعان _
                                                 ماحاببات قۇدايبەرگەن قىزى


 

رەداكتورى: الماگۇل اقاتبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز. 

مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn