ۇسىنىس ەتىلگەن ءتىلشى ەرمۇرات قابىل ۇلى حابارلايدى. جاس وسپىرىمدەر - وتاننىڭ بولاشاعى، ولاردىڭ ساۋ دەنەلى، اقاۋسىز ەسەيىپ - ەرجەتۋى مەملەكەتتىڭ، ۇلتتىڭ بولاشاعىنا ساياتىن كەلەلى ءىس، وسىنداي ۇرپاق قامىن ويلاعان، دوستىق پەن ىنتىماقتىڭ جىرىن جىرلاعان كەلەلى شارانىڭ ءبىرى 2017 -جىلعى «مەن فۋتبولدى سۇيەمىن» اتىنداعى اۆتونوميالى رايوندىق جاستارمەن جاس وسپىرىمدەردىڭ جىلدىق فۋتبول بىرلەسپە جارىسى ءدوربىلجىن اۋدانىندا سالتاناتتى باستالدى. بۇل رەتكى جارىسقا رايونىمىز كولەمىنەن ءۇرىمجى، قاشقار، حوتان، التاي، تارباعاتاي، قۇمىل سياقتى 15 ايماق وبلىستان كەلگەن فۋتبول كوماندالارى بولىپ،631 سپورتشى، 81 جاتتىقتىرۋشى، 33 جەتەكشى قاتىناسىپ، سپورت ونەرىنىڭ تورەسى بولعان الا دوپتىڭ الامان مايدانىن دۋمانعا بولەدى.
ۇعىسۋعا قاراعاندا، جارىستىڭ ورنالاستىرىلۋى بويىنشا 14 جاستان تومەن ۇلدار گرۋپپاسى مەن قىزدار گرۋپپاسىنىڭ فۋتبول جارىسى شىلدەنىڭ 29 - كۇنى باستالىپ 4 - تامىز كۇنىنە دەيىن، 16 جاستان تومەن ۇلدار گرۋپپاسىنىڭ جارىسى تامىزدىڭ 18 -كۇنىنەن 25 - كۇنىنە دەيىن جالعاسىپ، دوربىلجىندەگى فۋتبول سۇيەر جان كۇيەرلەرگە جارىستىڭ تاماشا ساتتەرىنە كۋا بولۋعا وراي جاراتادى. شىلدەنىڭ شىلىڭگىر ىستىعىنا قاراماي، وسكەلەڭ سپورت رۋحىن ايگىلەپ،«دوستىق ءبىرىنشى، جارىس ەكىنشى» دەگەن ۇعىمدى جۇرەكتەرىنە تەرەڭ ۇيالاتقان جاس وسپىرىمدەردىڭ جىگەرى مەن تەحنيكالىق ورەسى، مادەنيەتتى، جوعارى ورەلى سپورتشى بولۋعا كىشكەنتايلارىنان باستاپ نەگىز قالاپ، رايونىمىزدىڭ فۋتبول ىستەرىنىڭ دامۋىنان زور ءۇمىت بايقاتتى.
سۋرەتتە: جاس وسپىرىمدەر جارىس مايدانىندا.
رەداكتورى: گۇلنۇر حۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.