ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

قۇرىش ارميا قۇتتى بولسىن مەرەكەڭ

جولدانعان ۋاقىتى : 2017/8/1 16:03:05

ەرمەك سارسەنباي ۇلى   (شالقىما)

 
   ۇلى وتانىمىزدىڭ ۇشى-قيىرسىز كەڭ  بايتاق دالاسى، كوگىندە كۇن كۇلگەن شەكسىز كەڭىستىگى،ارىستان جال تولقىندى تەلەگەي تەڭىزى جۇڭحۋا توپىراعىنداعى ۇلتتاردىڭ كىندىك كەسىپ، كىر جۋعان، ءوسىپ-  ونگەن كيەلى دە ىرىستى مەكەنى.

   وسىناۋ قويىن-قونىشى مول بايلىققا تولى اتا مەكەنىمىزدە  پارتيانىڭ شۇعىلالى ساياساتىنىڭ جەتەكشىلىگىندە، قامقورلىعى مەن   قاناتتاندىرۋىندا، تىرلىگى مەن بىرلىگى    توعىسقان 56 ۇلت  جۇرەگىنە جۇڭگو ارمانىن تەرەڭ ۇيالاتىپ، اناردىڭ دانىندەي ۇيىسىپ، ورتاق ءبىر تىلەككە توعىسىپ، «ءار ۇلت حالقى ءبىر   وتباسىنىڭ ادامىنداي» دەگەن  ۇلاعاتتى ۇندەۋگە ءۇن قوسىپ، ورتاق   قۇلشىنىپ، بىرلىكتە يگىلىك جاراتىپ، بەيبىت ءومىر ءسۇرىپ،بەرەكەلى تۇرمىس      كەشىرۋدە. 

   جۇڭگو كوممۋنيستىك پارتياسىنىڭ تۋرا باسشىلىعىندا، ءار ۇلت حالقىنىڭ ارمانىن ارقالاپ،قايسار دا قاجىرلى قىزىل ارميا تاسقىنداعان ارىنمەن، وتتاي جالىنمەن بوگەتتەردى كوكتەي ءوتىپ، ەزگى مەن وتارلىقتىڭ تامىرىنا بالتا شاۋىپ، قانىمەن دە، ارىمەن دە بايتاق وتاندى قورعاپ،بۇكىل ەل حالقىن ازات    ەتىپ، ۇلى جەڭىستىڭ اسقار شىڭىنان بەس جۇلدىزدى قىزىل تۋدى جەلبىرەتتى. وتانىمىزدىڭ تۇتاستىعىنا، ءار ۇلت حالقىنىڭ بەرەكە-بىرلىگىنە ەرشىمدى ەڭبەگىن قوسىپ، ىزگى نيەتتى، دوستىقتى تۋ ەتىپ، قايرات-جىگەرىن ارناپ، جۇرەك قانىن سارقا    جۇمساپ، ەل بىرلىگىن ساقتاۋعا ەسەلى ۇلەس قوسىپ جاتقان جاندار از ەمەس. وتانىن  جاۋعا، ەل-جۇرتىن داۋعا بەرمەي، سۇيەم جەرىن قانىمەن دە، ارىمەن دە قورعايتىن وتان مەن حالىقتىڭ جاۋىنگەرلەرى.

   ولار رۋحى اسقاق تيانشان تاۋىنداي   مىزعىماس، قايرات-جىگەرى مۇقالماس  قۇرىش جاندار. وتانىمىزدىڭ بايتاق دالاسىن، وزەگىڭدى تالدىرماس وزەن-كولدەرىن، قۇس قاناتىن تالدىرار اسقار تاۋلارىن، كوز جەتكىسىز زەڭگىرىن،ۇزىننان-ۇزاق شەكاراسىن قورعاپ، وتانىمىزدىڭ قاجىرلى دا    ەڭبەكشىل حالقى الاڭسىز تۇرمىس كەشىرسىن،باي-باقىتتى كۇندەردىڭ ءلاززاتىن كورىپ، تىنىشتىقتىڭ  ارايلى تاڭدارىنا شۋاقتاسىن دەگەن بورىشتى سەزىممەن، وتان الدىنداعى ادال جاۋاپكەرشىلىكپەن، قىراعىلىقپەن كىرپىك  قاقپاي،   قيىردى شالعان قىلىش قانات    قىرانداي،ەلدىڭ، جەردىڭ اماندىعىن كوز قاراشىعىنداي قورعاپ، وتانىن، حالقىن  شەكسىز سۇيگەن شەبىنەن  شەگىنبەس،جولىندا جۇك قالدىرماعان قارانارداي،جىگەر-تالابى تاۋداي جاۋىنگەرلەر. سىزدەر وتاننىڭ ادال پەرزەنتتەرىسىزدەر، وتان مەن حالىقتىڭ  سەنىمى، وتاننىڭ تىنىشتىعىن،بەيبىت ءومىردىڭ بەرەكەسىن قان-تەرلەرىڭىزبەن قورعاعان جاندارسىزدار. 

   تارلان تاريحقا كوز جىبەرسەك، قاتال تابيعاتتىڭ، قاھارلى جاۋدىڭ، بوراعان    وقتىڭ، لاۋلاعان ءورتتىڭ قىسپاعىنان دا  تايسالماعان كومپارتيانىڭ كورەگەندىگىمەن جەڭىس ساپارىنا اتتانىپ،25 مىڭ شاقىرىم ۇزاق جورىقتا قۇس قاناتى تالار قۇزدان، جان پەندەسى باسپاعان سازدان، بۋىرقانعان دولى داريادان كوكتەي ءوتىپ،جاۋدىڭ قات- قابات قورشاۋىن بۇزىپ، تاريحتا تاڭ قالارلىقتاي ۇلى جەڭىستىڭ ماڭگى وشپەس ءىزىن قالدىردى. ۇزاق جورىقتا شىڭدالىپ، ەرەن ەرلىگىمەن، قاجىماس قايراتىمەن حالقىن  شۇعىلالى كۇنگە، تەڭدىككە جەتكىزگەن، جەڭىستىڭ ماڭگى سونبەس الاۋىن جاققان، قىزىل ارميا جاۋىنگەرلەرىنىڭ ءىزباسارى ءارى بويىنا رۋحىن سىڭىرگەن ادال پەرزەنتتەرىسىزدەر. 

   ءدال قازىر سىزدەر وتاننىڭ ءار قيىرىندا  شي جينپيڭ باس شۋجيدى ۇيتقى ەتكەن ەلىمىزدىڭ تۇتاستىعىن، جۇڭحۋانىڭ ءاربىر سۇيەم جەرىن، حالىقتىڭ قامىن ويلاپ، شەكارا   تىنىشتىعىن قورعاپ، جاپا-ماشاقاتتى ەلەڭ قۇرلى كورمەي شەپتە تۇرسىزدار.

   شي جينپيڭ جولداستىڭ كورەگەن كوشباسشىلىعىندا جات نيەتتىلەرگە قاتاڭ سوققى    بەرىپ، حالىقتىڭ اماندىعىن،مال-مۇلكىن كەۋدەلەرىڭىزدى وققا توسىپ قورعاپ،  قورعان بولدىڭىزدار ءارى جات نيەتتىلەردىڭ اپتىعىن باسىپ، اپانىن تالقانداپ، ارام پيعىلىنا ەشقاشان جول بەرمەي، ەلىن-جەرىن قورعاعان ەگەيلەرسىزدەر. سوندىقتان دا حالقىمىز بەيبىتشىلىك سيمۆولىنداي ءار اتقان قىزىل شاپاقتى تاڭىن شاتتانا قارسى الىپ، الاڭسىز ءومىر ءسۇرىپ، شارۋاشىلىعى كۇننەن-كۇنگە جاندانىپ، ءال-اۋقاتى ارلەنىپ، بولاشاعى نۇرلانىپ، تىڭ قاداممەن العا باسىپ كەلەدى.

   جاۋىنگەرلەر قايتپاس جىگەردىڭ، اسقاق رۋحتىڭ ۇلگىسى. سىزدەر وتاننىڭ، حالىقتىڭ ماقتانىشى، بەيبىتشىلىك پەن تىنىشتىقتىڭ،ەل-جۇرتتىڭ ادال قورعاۋشىلارى. جۇڭحۋانىڭ قاھارماندار قانىمەن بويالعان نارتتاي  قىزىل بەس جۇلدىزدى تۋىن اسقاقتاتا كوتەرىپ، پارتيا، حالىققا بەرگەن سەرتتەرىڭىزدى ادال اتقارىپ، ءارقانداي قيىندىقتان قايتپاي، جاپا-ماشاقاتتان قورىقپاي، ارشىندى قاداممەن، اسقاق مۇراتپەن، وتانعا دەگەن ادال جۇرەكپەن، ءبىر نيەت، ءبىر تىلەكپەن شەپتەرىڭىزدى بەرىك ساقتاپ، وتان مەن حالىقتىڭ ءۇمىتىن اقتاپ، قاجىماي-تالماي قارۋلارىڭىزدى سەرت ۇستاپ، ءتۇندى ءتۇرىپ،تاڭمەن تالاسىپ، بەيبىتشىلىكتى قورعادىڭىزدار. ەل بىرلىگىن، وتان تۇتاستىعىن قورعاۋدا، الىنباس قامال، جەل-نوسەردەن قورعار ورمان، قۇرىش قورعان بولعان جۇڭحۋانىڭ باتىر ۇلاندارى. ايبىنى اسقاق، وتاندى، پارتيانى، حالىقتى جۇرەگىمەن سۇيە بىلگەن ارداقتى، جاۋىنگەرلەر،وتان الدىنداعى ادالدىقتارىڭىز، حالىق الدىنداعى وتەگەن  پەرزەنتتىك بورىشتارىڭىز تاريحقا التىن ارىپپەن جازىلارى حاق.

   حالىق ازاتتىق ارمياسىنىڭ قۇرىلعانىنا 90 جىل، 90 جىلدىق ۇزاق بارىستا، ارميامىز ءتۇرلى قيىندىقتاردى جەڭىپ،سان تۇلەپ، ءتىپتى دە تولىسىپ، كەمەلدەنىپ،سۇراپىل سوعىس جىلدارىنداعى قاھارماندار رۋحىن قاستەرلەپ،ۇلگى تۇتىپ،اعا بۋىندارعا وسكەلەڭ قۇرمەت ەتىپ، جاۋىنگەرلىك رۋحتى ساۋلەلەندىرىپ، ارشىندى قادام باسىپ، كۇش-قۋات جاعىنان بولسىن،تەحنيكا جاعىنان بولسىن تىڭ تابىستارعا جەتۋدە ءارى قايسار دا باتىلدىقتارىمەن،وتانعا دەگەن ادالدىقتارىمەن ايگىلەۋدە، ولار حالىقتىڭ ناعىز جاناشىرى. وتانىنا،حالقىنا، سۇيەم جەرىنە قىلداي قيانات  ەتكىزبەي شارلاپ جۇرگەن، قىلىپ ەتكەندى قاعىپ تۇسەر قىلىش قانات قىراندار.  قۇرىشتاي بەرىك،ايباتتى،بەس قارۋى ساي وتاننىڭ ۇلاندارى، قىلىش قانات قىراندارى، حالىقتىڭ قورعانى بولعان قىزىل ارميانىڭ قۇرىلعانىنا مىنە بۇگىن 90 جىل. 90 جىلدىق ۇزاق بارىس، 90 جىلدىق كەمەلدى ارميا، قۇرىش جاۋىنگەرلەر، جۇڭگو حالىق ازاتتىق ارمياسى قۇرىلعان كۇنىمەن قۇتتىقتايمىز!





   رەداكتورى: الماگۇل اقاتبەك قىزى
 
   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn