ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

نە ءۇشىن كەدەيلىكتەن قۇتىلۋعا قۇلشىندىم

جولدانعان ۋاقىتى : 2017/8/1 13:15:39

لين زىشۋ

                1

   «كەدەي بولۋىڭ قۇلشىنباۋىڭنان» دەگەن ءسوزدى ءار رەت ەستىگەن سايىن، توبە شاشىم تىك تۇرادى.

   اناۋ، مەنىڭ اكەم سەكىلدى قۇزعىن سارىدەن تۇرىپ، كۇن ۇياسىنا باتقانشا تىرلىك ءۇشىن تىربىنىسپەن تۇمسىعىنان شانشىلىپ جۇرگەن كەدەيدى بىرەۋلەر جەڭىل-جەلپى عانا وسىنداي جالقاۋ، اقىلى از، زەيىنىنىڭ تومەندىگىنەن كورسىن دەپ، قوعامنىڭ تومەن جىگىنە جاتقىزۋمەن قويماي، ولاردى مەيلىنشە مىجىپ،تۇنشىقتىرعىسى كەلەدى دە تۇرادى.

   ەگەر جوقشىلىق كورمەگەن بولساڭىز كەمباعالداردىڭ قانشالىق ەسكەرۋسىز قالاتىنىن، ولاردىڭ قيالىنىڭ قانشاما بەيباس ەكەنىن،كەيدە اۋەلى از پايدا ءۇشىن ءوزىن-ءوزى جوعالتاتىنىن  تۇسىنبەگەن بولار ەدىڭىز.

   بەدەلدى اقپارات قۇرالدارىنىڭ   مالىمەتىنە نەگىزدەلگەندە، اۋىل-قىستاقتاعى كەدەيلەردىڭ % 62.32 ى، اۋىل-قىستاقتا تۇراتىن ورتا جىكتەگىلەردىڭ %37.24 ى بۇل كوزقاراسقا قوسىلسا، جىلدىق كىرىسى 10 مىڭ يۋانعا جەتپەيتىندەردىڭ باسىم كوبى قۇپتايدى ەكەن. قىستاعىمىزداعىلاردىڭ باسىم كوبى مىنە ءدال وسىنداي كەدەيلەر ەدى،ولار،ءتىپتى،تىرشىلىك ءۇشىن بالالارىنىڭ ورلەپ وقۋ ورايىنان دا باس تارتقاندار.

   تولىق ورتانىڭ ءۇشىنىشى جىلدىعىن وقىپ جۇرگەن كەزىم، سول جىلى جازدا كۇن دە كۇيىپ 30 سەلتسي   گرادۋستان تۇسپەي قويدى. بەينە قاسقاندا قاقتالىپ تۇرعاندايمىن، قولىما العان وراعىم بار مەن التىن دانمەن كومگەرىلگەن اتىزعا قانشا قاراپ تۇرسام دا كوڭىلىمنىڭ توياتىن ءتۇرى جوق. ويىم  كوز الداعى ونىمدە      ەمەس، مي قايناعان ىستىقتا ەسەپ جاساپ تۇرمىن. سول جىلى ءبيدايدىڭ باعاسى 9 تيىن، ءبىر مۋ جەردەن 1000 جىڭ استىق تۇسسە، اسىپ كەتسە 900 يۋان بولاتىن،ارينە تىڭايتىقىش، ەگىنشىلىك دارىلەرى مەن ەڭبەككۇشتى ەسەپكە الماعاندا.

   ءبيدايدىڭ وراققا ءىلىنىپ، قيىلىپ تۇسكەن ساباعى پىشاقتىڭ دۇزىندەي، تەرىگە قادالىپ تىرناپ كەتەدى، تۇلا بويىڭىزدى تۇرشىكتىرەدى، بۇل كۇيدى ەندى باسقا سالماسا ەكەن دەيمىن.

   سول جىلعى جاز ونداي ءماز بولمادى. تەپسە تەمىر ۇزەتىن اكەم توسىننان ميىنا قان قۇيىلىپ جىعىلدى، زاردەن قىمبات ەمدەلۋ قاراجاتى بىزگە اۋىر كەلدى.ءوزى موماقان اكەم قىستاقتا ۇساق-تۇيەك ساۋدامەن اينالىساتىن شاعىن عانا دۇكەن اشقان، نەسيە  بولماسا، ءار جىلى 20 مىڭ يۋانداي كىرىس كىرەتىن ەدى. 

   باياعى قۋ تىرلىك ءۇشىن اكەم نەسيە بەرۋگە قارسى ادام ەدى جارىقتىق. مىنە ەندى قىستاقتاعىلار قاجەتتى دۇنيەلەرىن باعاسى ۇقساس بولسا دا بىزدەن    الماي،كوبىندە الىستان الىپ كەلەتىن ەدى. بىزدەن العىسى كەلسە، نەسيەگە دەپ قادالا قالاتىن، وسىلارىن ءبىر تۇسىنبەيتىنمىن سوندا. كەيىن اكەم «ە، بالام ەشكىم دە وزگەنى وزىمنەن وزىپ كەتسە ەكەن دەپ ويلامايدى» دەيتىن دە قوياتىن. 

   جوقشىلىق ءبىزدىڭ كوزىمىزدى كولەگەيلەپ، كوكىرەگىمىزدى تۇمشالادى، تۇمسىعىمىزدىڭ ۇشىنان ارعىنى كورمەيتىن، ءوزىمىزدى قور ساناپ، باسىمىزدى كوتەرمەيتىن بولدىق.

   اكەمدى دە ەمدەتۋ كەرەك،   جوعارى مەكتەپتى دە وقۋ كەرەك. مىنە وسىلارعا ءدوپ كەلگەندە، الدىمدا تۇرعان ەگىس اتىزىنان كوڭىلىم سۋشا سۋىپ، ءدال سول كەزدە دارمەنسىزدىكتىڭ نە ەكەنىن تۇسىنگەندەي  بولدىم.

              2 

   ەداۋىر اۋقاتتى ءبىر كوكەم بار  بولاتىن. وقۋ باستار الدىندا شەشەم سول كىسىگە قارىز سۇراي باردى. سوندا كوكەم «وقىپ نە بىتىرەدى؟ بوسقا اقشانى شاشىپ» دەپ سالقىن قاباق، مىسقىلدى كۇلكىمەن شىعارىپ قويىپتى.

   ول كىسىنىڭ قارىزعا اقشا بەرگەننىڭ ورنىنا كەكەتكەنى شىمبايىما باتتى.    ادامنىڭ بولمىسى وسىنداي-اق بولسا، «توقتا بالەم، ءبىر كۇنى سەنىڭ دە كۇنىڭ ماعان تۇسەر» دەدىم ىشتەي.

   جوقشىلىق ادامدى تۇجىرىمداۋ   قابىلەتىنەن ايىرىپ،كەدەيلىكتەن   قۇتىلۋداي جاقسى ورايدان الشاقتاتادى ەكەن.

   باسقا بالالار جوعارى مەكتەپتەگى التىن داۋىرىنەن راقاتتانا ءلاززات الىپ جاتقاندا، مەن جۇمىس ىستەي ءجۇرىپ، وقۋىمدى جالعاستىردىم. كەشتەرى كوزىمدى جۇمسام بولعانى   كوكەمنىڭ مىسقىلداي كۇلىپ تۇرعان كەسپىرى ەلەستەي بەرەدى. كەرەك بولسا ارا قاتىناسىمىزدى ءۇزىپ-اق كەتكىم كەلەتىن ەدى. بۇل قىستاقتا  تۋىستىقتىڭ دا تايىنى جوق،بولار-بولماس ىستەر ءۇشىن ءجۇز شايىسىپ، ءبىر-بىرىنە شەكشيە قالاتىن.

   قيىن-قىستاۋدا دەم بەرىپ،   سۇيەمەك تۇگىل، «جىعىلعانعا جۇدىرىق» جۇمساپ، بولسا كەلىستىرىپ وتىرىپ اياعىڭنان شالىپ كەتسە سول كەرەمەت سانالاتىنداي. وسىنداي قورقىنىشتى ىستەردى ويلاپ قۇسالانىپ كەتەم، سودان بولار جانىمدى سالىپ وقيتىن ەدىم، «جارلىنىڭ ۇلى وقىپ جارىتپاس» دەيتىن جۇرت، سولايدا قۇلشىنا بەردىم.

   الگى شاعىن دۇكەنىمىز اشۋلى، شاعاننان باسقا كۇندەرى ساۋدا تىم شىركىن-اي ەمەس. شاعاندا جۇرتتىڭ ءبارى تۋىس-تۋعان،كورشى-   قولاڭدارىنىڭ ۇيىنە شاعانشىلايدى. ءداپ سول كەزدە مەن دە ەرتە تۇرىپ زاتتاردى سىرتقا ءتىزىپ، كەش باتا دۇكەنگە كىرگىزىپ ابىگەرلەنەمىن. بۇل جۇمىسىم تۇپ-تۋرا شاعاننىڭ 15 ىنە دەيىن جالعاساتىن. وسى بولار-بولماس پايدا ءۇشىن، بارلىق دەمالىسىمدى  قيامىن عوي شاراسىز.

   گريگوري بەرنارد شوۋ «كەدەيلىك رومانتيكالى ءىس ەمەس، ول وتە قورقىنىشتى، وتە اۋىر قىلمىس» دەپ ايتقان ەكەن.

   كەدەيلىك ءبىزدى ءبىر-بىرىمىزگە بەيتانىس كۇي كەشتىردى، الىستاتتى، ءتىپتى،ءبىر قۇرساقتان شىققان تۋىستار دا ءبىرىن-ءبىرى تانىماس بولىپ   بارادى. ويتكەنى سۇيەككە سىڭگەن تانىم ولاردى كەدەي تۋىسىن مەنسىنبەيتىن دارەجەگە اپارعان ەدى.

               3

   ەگەر جوقشىلىق كورمەگەندە،ءومىر باقي كەدەيلىكتەن جۇرەكتىڭ قان جىلايتىنىن سەزىنبەيسىز. ايتۋعا دارمەنسىزدىك تانىتاتىن سول ءبىر ءتۇرلى تۇڭىلۋدەن بەينە سايتان جابىسقانداي قۇتىلا الماي الەك بولاسىز.

   جوعارى مەكتەپتى بىتىرگەن سوڭ، قىزمەت تابۋ دا قيىنعا سوقتى. سونداعى كوكەمنىڭ ماسايراعانىن ءبىر ايتساڭىزشى؟ ونىڭ وقۋدان تۇك ونبەيدى تەورەماسى كوڭىلىن كونشىتىپ جىبەرگەن. سونداعى كەيپى - اي،شىركىننىڭ،قازىرگە دەيىن ەسىمنەن كوتەرىلەر ەمەس. ول ءوزىنىڭ ەڭ دۇرىس   ىستەگەن جۇمىسى ۇلىن وقىتپاعانىم دەيتىن. مۇنداي توعىشارلىق، تاعىلىق سانا مەنىڭ ۇستانعان قۇن كوزقاراسىمدى بۇرمالاۋعا شاق قالعانى دا بار بولاتىن.

   ءدال وسى كەزدە، اكەمنىڭ ەسكى ناۋقاسى قايتا قوزا قالدى. سونشاما كوپ ەمدەلۋ قاراجاتى، كوز جاسىمدى كول ەتىپ عانا قويعان جوق، جۇرەگىمدى قىسىپ، تەك ءوزىمنىڭ    جارامسىز بولعانىما،كوكەمنىڭ جىعىلىپ جاتقاندا جۇدىرىق سىلتەگەنىنە نالىدىم. مەيلى قانشا قۇسالانسام دا  ودان   وزگەرەتىن دانەڭە جوق ەدى.

   كەدەيلىكتەن قارىزعا بەلشەڭنەن باتقاندا تۇرمىستىڭ سونشالىق ادىلەتسىز ەكەنىن اڭعاراسىڭ. اكەم ەمدەلۋدى توقتاتامىن دەيدى، اپەكەم ەكەۋىمىز قوسىلمايمىز. الايدا وسىنشا كوپ ەمدەلۋ قاراجاتىن قايدان تابارىمىزدى بىلە   الماي، اكەمدى اۋدان قالاشىعىنداعى شاعىن ەمحاناعا جوتكەدىك. اكەمنىڭ سونداعى اۋرۋى جانىنا باتىپ قينالعانىن كورىپ، جۇرەگىم ەزىلىپ-اق    كەتكەنى.

   سول ساتتە، ميىما اقشادان باسقا تۇسپەيتىن. بارلىق نامىس پەن ءجابىر-جاپانى اقشامەن سالىستىرار بولساق، ماعان كىم اقشا بەرسە، نەنى بولسا دا ىستەۋگە پەيىل شىعارمىن، بالكىم، سول كەزدە. پەندە جوقشىلىقتىڭ كەبىنىن كيگەندە ماڭايىڭىز سۇركەيلى  سەزىلىپ، بەينە قارا كولەڭكە قىر سوڭىڭىزدان قالماي قويعانداي تۇيسىك بەرەدى ەكەن.

   قولى قىسقا ادام تاعدىردىڭ بۇعاۋىنان قاشىپ قۇتىلۋى قيىن، ويتكەنى كۇنشىلدىك پەن تاپتالۋ ءبىزدىڭ اناعۇرلىم مول ۋاقىتىمىزدى يەلەپ،  ءومىرىمىزدى وزگەرتۋ جايلى ويلاپ كورمەدىك.

   جاراتقاننىڭ پەندەسىنە بەرەر ىرىزدىعى بار ەكەن-اۋ، اكەمنىڭ ناۋقاسىنىڭ بەتى اقىرىنداپ بەرى قارادى. بۇرىنعىداي دىڭعىراپ كەتپەسەمدە، وسىعان دا شۇكىرشىلىك. مەن دە گازەت مەكەمەسىنەن وزىمە ىلايىق جۇمىس تاپتىم، نەدە بولسا كەدەيلىكتەن قۇتىلىپ، اۋىلدان اتتاپ شىعاتىن بولدىم دەپ ويلاپ ەدىم، امالياتتا ەرتە  قۇرعان ەسەپ بولدى مۇنىم.

   شتات جوق، تەك ۇسىنىس ەتەدى ەكەن، قىلاياعى رەسمي وتىراتىن توقتام دا جوق بولىپ شىقتى، شىرىن ءتۇسىم تاعى دا سەلگە كەتتى. سودان ءبىراز ۋاقىت سۇلكىنسىز كۇي كەشتىم. بارعان سايىن جاعداي كۇردەلىلەسىپ بارادى، ءتىپتى، قارىنىم اسقا، ءيىنىم كيىمگە جارىمايتىن كۇيگە ءتۇستىم، سودان بۇل قىزمەتتەن شەگىنۋ بەكىمىنە كەلدىم.

   سول ۋاقىتتا، مىنا دۇنيە، شىنىندا، ادىلەتسىز ەكەن دەيتىن تۇيىنگە كەلىپ توقتادىم. اقشانىڭ جوقتىعىنان تۋىنداعان ۇرەي بارعان سايىن كۇشەيە ءتۇستى، بۇل مەنىڭ كوڭىلىمنىڭ اپتەر-تاپتەرىن شىعاردى. ۋاقىت ۇزارا كەلە، قيىنشىلىقتىڭ قۇرساۋىنان قۇتىلۋىم، شىنىندا، قيىنداسىپ بارا جاتقانىن بايقادىم.

              4

   قىزمەتتەن شەگىنگەن سوڭ، اۋىلعا قايتىپ ءبىر تولايىم ساتۋ بولىمشەسىن قولىما الدىم، 200 مىڭ يۋان قارىز اقشا الىپ، ءۇش جىلدا ءبولىپ تولەيتىن بولىپ كەلىستىم. مۇمكىن بۇل باسقالار ءۇشىن از عانا اقشا شىعار،  ءبىراق مەن ءۇشىن قول جەتپەس مول اقشا عوي.

   مەن ۇيگە قايتىپ كەلىپتى دەگەن حابار كوپ وتپەي-اق بۇكىل قىستاقتاعىلارعا تارالىپ كەتىپتى. كوكەم «نەتكەن سوراقىلىق، كوپ-كورىم جوعارى مەكتەپ وقۋشىسى، قىستاققا قايتىپ كەلىپتى دەگەن نە سۇمدىق» دەپ داۋرىعىپتى. مۇمكىن بۇل جازمىش شىعار قانشا بۇلقىنسام دا قاشىپ قۇتىلا المايتىن. سونشاما سابىرلى بولعانىما قايرانمىن، تەك قولىمنان كەلەرى قۇلشىنا بەرۋ عانا بولدى.

   ءۇش جىلدان كەيىن قارىزدارىمدى قايتاردىم، تولايىم ساتۋ بولىمشەم بارعان سايىن كولەمدەندى،بىرنەشە   كىتابىم دا ارت-ارتىنان باسپادان شىعا باستادى. سودان ءبىر كۇنى الگى كوكەم ىزدەپ كەلىپتى، پوزيتسياسى مۇلدەم وزگەرگەن، اقشا قارىز سۇراي كەلگەن جايى بار، باسقا ادام دەرلىك. اقشا دەگەن جاقسى نارسە عوي، شىركىن! كەمىندە كورىنىستە كەرەك بەدەلدى ساتىپ الا الاسىڭ.

   ازداپ ناتيجە جاراتا باستاعانىمدا، شاعىن قىستاق ءالى باياعىداي كەدەيلىكتىڭ قۇيىنا بەلشەسىنەن باتىپ     وتىرعان، مەنىڭ ەندى قورقاتىنىم جوقشىلىق ەمەس، قايتا ولاردىڭ    يدەياسى بولدى. تامىردى بويلاپ، تۇلا بويعا دارىعان سول يدەيانى،  تۇبىرىنەن وزگەرتۋ، شىنىندا، قيىن ەدى، مۇمكىن الداعى بىرنەشە ون جىلدا تاعى وسىلاي بولاتىن شىعار.

   باعىما جاراي سول شاعىن قىستاقتان كەتتىم، وتباسىمىزداعىلاردى الىپ دۇنيەنىڭ ءتورت بۇرىشىنا ساپار  شەكتىك، ەندى ءبىزدى ەكونوميكالىق جاعداي الاڭداتپايتىن بولدى، ماڭىزدىسى جاعدايىمىز وزگەردى. ءبىز  بارعان سايىن بەلسەندى، سەرگەك بولا باستادىق، ەسكى داعدىنىڭ شىرماۋىنان شىعا الماي، سول باياعى قىستاقتا  ەشبىر شىعار جولسىز، ساناقسىز قايتالانعان تۇرمىستى باعىپ وتىرمايتىن   بولدىق.

   ەگەر ءسىز جوقشىلىقتان قۇتىلا   الماساڭىز، قاسىرەتتەن قۇتىلۋ دەگەن جاي ءتۇس قانا ەكەن. بەينە پىشاققا ىلىنەر قوي سەكىلدى باۋىزداۋدى عانا توسىپ جاتاتىن، كىم كورىنگەننىڭ اسى بولاتىن، ونداي ءومىردىڭ قاسىرەتتى ءدامىن ءومىر بويى ۇمىتپاسپىن.
بۇرىنعىلاردىڭ «الىس تا جاقىن بولار اقشاڭ بولسا» دەگەن سوزىنە ەندى شۇبالانبايمىن.

              5

    سول كەزدەردە جوقشىلىق ءبىزدى دەل-سال كۇيگە سالدى، تىرشىلىككە بولعان كوركەم ارماندارىمىزدى    تۇمشالادى، ۇرەيلى تۇسشە تىنىشىمىزدى الدى.

   ەكى جىلدىڭ الدىندا، «جارلى  شاڭىراقتان جارق ەتەر ءبىر جۇلدىز» دەيتىن ماقالانى وقىدىم. سول كەزدە قاتتى تەبىرەندىم، ءداۋىر ەكونوميكاسىنىڭ دامۋىنا ىلەسىپ،اۋقاتتىلار    ارىنداي ءتۇسىپ،كۇيى تومەنگىلەرگە ماندىمدى وراي دا قالمايدى ەكەن. ەگەر مەن جانىمدى سالا سول تاۋلى شاعىن اۋىلدان «قاشىپ» شىقپاعاندا، باياعىداي قىستاقتاعى شەكتى تىرلىكتەن ءلاززاتتانىپ، جامباستاپ جاتا بەرگەن بولار ەدىم. بۇل نەدەگەن قورقىنىشتى ءجايت دەسەڭىزشى؟

   ەگەر ءوزىڭىزدى وزگەرتۋگە شاماڭىز جەتپەسە، وندا كەدەيلەسكەنىڭىز   كەدەيلەسكەن،اۋقاتتىلار اۋقاتتانا   تۇسەدى. بايلاردىڭ ۇرپاعىنىڭ باي بولۋ مۇمكىندىگى زور، جارلىنىڭ بالاسى جالعاستى كەدەيلىكتەن قۇتىلمايدى، وندا بۇل اينالىمدى تالقانداۋ قيىن شارۋا بولعانى.

   كەدەيلەر قىلاياعى ناۋقاستانىپ قالۋعا دا ۇقىقتى ەمەس، كىشى-گىرىم   تۇماۋ-سىرقاۋعا كونەدى، ال الدەقايدا سالماقتى ناۋقاسقا شالدىقسا ولگەنى سول.  سول جان تۇرشىگەرلىك ساتتەن ساق بولۋ ءۇشىن، ۇرپاقتارىمىز ءۇشىن قۇلشىنايىق!

   كەدەي ساناسىندا وقۋ تەك كەيىنگى كۇندەرىندە اقشا تاۋىپ، جان باعۋعا قولايلى بولۋ ءۇشىن. قۇلشىنا كۇرەسۋ، تەك كۇندەردىڭ بىرىندە سامعاپ قىران بولىپ،قۇزار شىڭعا كوتەرىلىپ،الدىنداعى ازىعىنا توياتتاپ،ماڭايىنا پاڭدانا قاراۋ ءۇشىن.

   كەدەيلىكتەن قۇتىلامىن دەيدى ەكەنسىز، بايلارشا وي جۇگىرتىڭىز، ءوزىڭىزدى تارتىپكە شاقىرىڭىز،وتباسىنان وزبايتىن يدەيا مەن پايدا، اتاققۇمارلىقتان ساقتانىڭىز،ۇزاق بولاشاقتىق دامۋ جوبا-جوسپارىڭىز بولسىن دەپ وي قورىتتىم ءوز ومىرىمنەن، سوندا عانا ءوزىڭىزدى زاتتە ەتكەن سول شەڭبەردەن شىعاتىن بولاسىز.

 اۋدارعان _ 
        ماحاببات قۇدايبەرگەن قىزى





    رەداكتورى: الماگۇل اقاتبەك قىزى
 
   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn