ەەڭ جاڭا مازمۇندار
2017-جىلى 20-قىركۇيەك 208-سان
2017-جىلى 19-قىركۇيەك 207-سان
2017-جىلى 18-قىركۇيەك 206-سان
2017-جىلى 16-قىركۇيەك 205-سان
قىزمەت اترەتى پارتيانىڭ تيىمدى ساياساتتارىن مالشىلار وتباسىنا جەتكىزدى
حاۋىپسىز ءوندىرىس قىزمەتىن مىقتى ۇستادى
عىلىم-تەحنيكا ىستەرى قارىشتاپ دامىدى
«اقىن بولۋ ءوز ەركىڭ...»
ايماعىمىز اۆتونوميالى رايوننىڭ حاۋىپسىز ءوندىرىس جۇرگىزۋدى ارالاپ تەكسەرۋىن قارسى الۋ قىزمەتى ءماجىلىسىن اشتى
اۆتونوميالى رايوننىڭ «ۇكىمەت قىزمەتىنەن بايانداماداعى» ءتۇيىندى مىندەتتەردىڭ تياناقتانۋ جاعدايىن باقىلاۋ-تەكسەرۋ گرۋپپاسىنىڭ باقىلاۋ-تەكسەرۋ قىزمەتىنەن جاۋاپ قايتارۋ ءماجىلىسى اشىلدى
شاعانتوعاي اۋدانىنداعى ءار ۇلت جۇرتشىلىعى قورشاعان ورتانى قورعاۋدى باقىلاۋ - تەكسەرۋ قىزمەتىن القادى
باس نىسانانى جۇزەگە اسىرۋعا قۇدىرەتتى وڭ ەنەرگيا ۇيىستىردى
2017-جىلى 15-قىركۇيەك 204-سان
اۆتونوميالى رايوننىڭ « ۇكىمەت قىزمەتىنەن بايانداماداعى» ءتۇيىندى مىندەتتەردىڭ تياناقتانۋ جاعدايىن باقىلاۋ-تەكسەرۋ گرۋپپاسى ايماعىمىزعا كەلدى
مەيربان انالار قيىنشىلىعى بار وقۋشىلاردان قال سۇرادى
قىزمەت اترەتىنىڭ كومەگى بۇقارانىڭ جۇرەگىندە
قىزمەت اترەتى مالشىلاردىڭ شىعىنسىز ءتول الۋىنا تاماشا شارت جاعداي ازىرلەدى
اۋەلگى ماقساتتى ۇمىتپاي، پارتياعا ىلەسىپ، ايقىن تۋ ۇستاپ، بولشەكتەۋشىلىككە قارسى تۇرامىن
بۇگىنگى شينجياڭدى بۇلدىرۋگە استە جول بەرمەيمىز
قانجاردى «ءۇش ءتۇرلى كۇش» پەن «ەكىبەتكەيلەرگە» قادايىق
ايماعىمىزداعى ءار دارەجەلى ساياسي كەڭەس مۇشەلەرى «ءۇش ءتۇرلى كۇشكە» باتىل ءۇن قاتىپ، ايقىن پوزيتسيا ءبىلدىردى
شيحۋ قالاسىنىڭ ەكولوگيالىق ورتاسى جاقسارا ءتۇستى
جاپون شاپقىنشىلارىنا قارسى سوعىستى ەسكە ءتۇسىرۋ كۇنىندە ءتۇرلى فورماداعى قيمىلدار ورىستەتتى
ماڭىزدى ءسوز رۋحىن مالشىلارعا جەتكىزدى
2017-جىلى 14-قىركۇيەك 203-سان
«تارباعاتاي گازەتى» مەكەمەسى جۇمىسشى -قىزمەتشىلەردىڭ مادەني تۇرمىسىن جاقسارتتى
ارتىق ەڭبەككۇشتەردىڭ كاسىپتەنۋىن جەبەدى
قامقور جاندارعا العىس ايتتى
قىزمەت اترەتى ءورت وشىرۋ بىلىمدەرىن ۇگىتتەدى
ساياحات،سەرۋەن قالاسىن قۇرۋعا بەرىك نەگىز قالادى

ايتىس مەرەكەسى-ساحارا سالتاناتى

جولدانعان ۋاقىتى : 2017/7/24 18:38:46

تارباعاتاي ايماقتىق 21-كەزەكتى اقىندار ايتىسى،مادەنيەت-ساياحات مەرەكەسىنەن اسەر

مادەنيەت مۇقاتاي ۇلى


 
   ۋاقىتتا ايالى بولعان با،ايماقتىق 21- كەزەكتى اقىندار ايتىسى،مادەنيەت-ساياحات مەرەكەسىنىڭ وتكەنىنە دە ايدىڭ ءجۇزى بولدى. وسى ءبىر دابىرالى قيمىلدى راديودان ەستىپ،تەلەۆيزوردان،ۋيچاتتان،گازەت-جۋرنالدان كورگەندە بارىپ،كوپ دۇنيەنى اڭعاردىق. بۇرىن-سوڭدى وتكەن اقىندار  ايتىسىمەن سالىستىرعاندا ءوز جاڭالىعى مەن دارالىعى بار،زامان تالابىنا سايكەسكەن سالتاناتتى مەرەكە،ساليقالى ونەر بايقاۋى ەكەن. 

    بۇل رەتكى ايتىس مەرەكەسىنىڭ باستالۋ جيىنىندا ون مىڭنان اسا ادام مەملەكەت ءانىن شىرقاپ،مەملەكەت تۋىن شىعارۋ سالتىنا قاتىناسىپ،پارتياعا،وتانعا شەكسىز العىس  ايتىپ،پارتياعا تىعىز ىلەسەتىندىكتەرىن ءبىلدىردى. مۇقيات ۋالي: «بۇل رەتكى اقىندار ايتىسى،مادەنيەت-ساياحات مەرەكەسىنىڭ باستى تاقىرىبى _ كورىكتى اتا مەكەندى گۇلدەندىرىپ،باي-باقىتتى تارباعاتايدى جىرلاپ،وتان ارمانىن جۇزەگە اسىرۋ،ال ماقساتى _ تاياۋ جىلدان بەرگى،اسىرەسە  ورتالىقتىڭ شينجياڭ قىزمەتى جونىندەگى 2-رەتكى اڭگىمە جيىنىنان بەرگى ايماعىمىزدىڭ شارۋاشىلىعى مەن قوعامدىق ىستەرىندەگى  تابىستاردى ايگىلەۋ،پارتيانىڭ حالىققا تيىمدىلىك جاساۋ ساياساتى مەن ۇلت مادەنيەتىن  دامىتۋ جونىندەگى قولداپ-قۋاتتاۋىن تىلگە تيەك  ەتىپ،ءار ۇلت جۇرتشىلىعىنىڭ ءبىر نيەت،ءبىر تىلەكپەن قوعام ورنىقتىلىعى مەن باياندى   تىنىشتىقتى قورعاۋعا جەبەپ،ۇزدىك ناتيجە جانە تاماشا رۋحاني بەت-بەينەمەن پارتيا 19-قۇرىلتايىنىڭ جەڭىسپەن اشىلۋىن قىزۋ قارسى الۋ» دەپ اتاپ ايتتى.  

    ءيا،«ەشتەن كەش جاقسى» دەگەندەي،مۇنداي دابىرالى قيمىلداردىڭ قادىر-قاسيەتىن ۋاقىت وتكەن سايىن جاقسىلاپ سەزىنە جاتامىز. دەسەدە،حالقىمىزدىڭ رۋحاني ومىرىندەگى  ەلەۋلى ىستەردى دۇرىس باعامداپ،باعالاپ    وتىرۋ وتە ماڭىزدى ءىس. 

   اقىندار ايتىسى بۇل كۇندەرى دۇنيە جۇزىلىك اۋىز ادەبيەتى جانە بەيزاتتىق مادەني  مۇرالار تىزىمدىگىنە ەنىپ،الەم حالىقتارى  مويىنداعان «مادەنيەت ماركامىزدىڭ» بىرىنە   اينالدى. ءداستۇرلى مادەنيەتىمىزدىڭ تاڭداۋلى ۇلگىلەرى ايتىس مەرەكەسىنەن كورىنىس تاپتى.  

   تارباعاتاي ايماعىنىڭ 21-كەزەكتى  اقىندار ايتىسى،مادەنيەت-ساياحات مەرەكەسى دە ءوز جاڭالىعى مەن ەرەكشەلىگى ارقىلى ەل  ەسىندە قالارى حاق. ال،مۇنى جيناقتاۋ،قورىتىندىلاۋ مىندەتىمىز دەپ بىلەم. 

   وسى جولعى اقىندار ايتىسى،مادەنيەت-ساياحات مەرەكەسىنىڭ ەرەكشەلىكتەرى:

   ءبىرىنشى،وسى جولعى ايتىس مەرەكەسىنىڭ قوڭىروبا سازىندا وتكىزىلۋى تەرەڭ تاريحي، مادەني ءمان الادى. جايلاۋ دەگەنىمىز جالپى تۇسىنىكتە مالدىڭ جازعى الىس جايىلىمى،جانعا جايلى كەڭ قونىس. ال،«جاز جازىل» دەمەكشى،كوشپەلى حالىقتىڭ قوعامدىق ءومىرى مەن ساناسىندا جايلاۋدىڭ ورنى بولەك.     ەرەكشە قۇرمەتپەن،ساعىنىشپەن تىلگە الادى. بايتاق ساحارادا ارعى تاريحتان بەرى ۇلكەن اس-تويلار،مادەني قيمىلدار ۇزبەي  ءوتىپ كەلە جاتقان ايگىلى جايلاۋلار ساناۋلى. سونىڭ ءبىرى _ قوڭىروبا سازى. مايلى مەن بارلىقتىڭ اراسىنداعى وسى ءبىر سازدى القاپتاعى الىپ وبالاردىڭ ارعى تاريحىمىزدىڭ ايعاعى،كۇلتەلى مادەنيەتىمىزدىڭ كۋاسى سياقتى كوزگە وتتاي باسىلادى. ارىسىن ايتپاعاندا،سوڭعى 200 نەشە جىلدىق تاريحتا وسى قوڭىروبا سازىندا ۇلكەن تۇسەلدەر ءتۇسىپ،ساليقالى كەڭەستەر،دابىرالى اس-تويلار،الامان بايگەلەر وتكەن.   ازاتتىقتان كەيىنگى تارباعاتاي ايماعىنىڭ ءتورت كەزەكتى اقىندار ايتىسى دا وسى سازدا مارەسىنە جەتكەن. قوڭىروبا سازى جاي عانا جايلاۋ  ەمەس،الۋان ونەردىڭ التىن بەسىگى،مادەنيەتتىڭ شەتتىگى ۇزىلمەگەن التىن تۇعىرى.   الامان ايتىستىڭ مايدانى. وسى ولكەنىڭ مادەنيەت-كوركەمونەرىنىڭ دامۋىندا ۇلكەن رول اتقارعان قاسيەتتى جەر. بيىلعى جىلى سازداعى شاعىن كولدىڭ سۋى مولايىپ،قاز-ۇيرەگى كوبەيىپ،سارالا قازى ءورلى-قىرلى ساڭقىلداپ ۇشقان ماۋسىمنىڭ مامىراجاي شاعىندا  ايماعىمىزدىڭ ايتىس مەرەكەسىنىڭ ءوتۋى ەل ءۇشىن ۇلكەن مەرەي. اعا بۋىنداردان جالعاسقان ءداستۇردىڭ وسى قوڭىروبادا جالعاسىمىن تابۋى ەرەكشە تاريحي ءمان الادى. اقىن-  ونەرپازدارىمىز وسى كيەلى ونەر ساحناسىندا ونەر كورسەتۋىنىڭ ءوزى ۇلكەن مەرەي. اعا بۋىنداردىڭ رۋحىن جالعاپ،وسى ونەر مايدانىندا مۇنان كەيىن دە سان رەت اشىق باسەكەگە ءتۇسىپ،قازاقتىڭ ءداستۇرلى مادەنيەتىن زامانعا ساي دامىتا تۇسەتىندىگىنە كامىل سەنەمىز.

   ەكىنشى، دارقان تابيعاتتى ارتقى كورىنىس ەتكەن ايتىس ساحناسى وزگەشە ەستەتيكالىق ءلاززات باعىشتادى. بۇرىنعى ساحارادا،ياكي قالادا وتكەن اقىندار ايتىسى بولسىن،الدىمەن الەم-جالەم ادەمى ساحنا جاسالاتىن،بۇل جولعى ايتىس مەرەكەسىندە ارناۋلى ساحنا  جاسالمادى،العاشىندا تۇسىنبەي اڭ-تاڭ  بولىپ،ايتىس ساحناسى ءالى جاسالماپتى،  ايتىس وتە مە،وتپەي مە دەپ سۇراعاندار دا بولدى. بار بولعانى 600 شارشى مەترلىك سۇپى جاسالدى،ال،ونىڭ ارتقى كورىنىسى اققۋ-قازى ۇشىپ-قونىپ،سىڭسىعان سازدى القاپ،اق باس شىڭىن كۇن سۇيگەن بارلىق تاۋى،جايلاۋعا ەندى كەپ ىرگە تەپكەن مالدى اۋىل،مالشى تىرلىگى... ءبارى قوسىلا كەلە ۇلكەن ساحنانى قۇراعان. ادام مەن تابيعاتتىڭ جاراسىمدىلىعى دەپ وسىنى ايت،ۇلى تابيعاتتىڭ اياسىندا ۇلتتىق ونەر ءوز تەگىنە قايتىپ،بايىرعى ۇلگىسىمەن كورىنىس بەردى. كورگەن  ادامعا ءبىر ءتۇرلى كەڭدىك،ەركىندىك،ادەمىلىك سيلايدى. تابيعاتپەن ەتەنە وسكەن   قازاق حالقىنىڭ جاساعان ورتاسى،شىنايى تۇرمىس-تىرشىلىگى،ءداستۇرلى ونەرى ءوزارا تىعىز سايكەسىپ،جاراستىق تاۋىپ،ساحارا مادەنيەتى تۋرالى جاڭا تۇرعىدان ويلاۋعا باستايدى.

   ءۇشىنشى، كولەمدى «تابيعي كورىنىستى ساحنالىق تەاتر» ءتۇسىن العان اشىلۋ مۇراسىمى ايتىس مەرەكەسىنىڭ مەرەيىن اسىردى. بۇل رەتكى اقىندار ايتىسى،مادەنيەت-ساياحات مەرەكەسىنىڭ اشىلۋ مۇراسىمى بۇرىنعى كەزەكتى اقىندار ايتىسىنىڭ باستالۋ مۇراسىمىنان وزگەشە،ۇلكەن جاقتان سەگىز ءبولىمدى «كورىنىستى تەاتر» ىسپەتتى،ءار ءبولىمىنىڭ  اراسى دا ۇزىلمەي جالعاسىمىن تاپقان،بۇرىن-سوڭدى بولىپ كورمەگەن وزگەشە ساحنالىق شىعارما. ءاۋ باستا اۋىل ادامدارىنىڭ ايتىستىڭ دابىراسى تۋرالى اڭگىمەسىمەن باستادى،سونان ۇلاسپالى ءان-بيگە ۇلاسادى،بۇل اشىلۋ  مۇراسىمىنىڭ كىرىسپەسى. بۇل بىتە سالا ساحناعا ءبىر ەر،ءبىر ايەل ەكى جۇرگىزۋشى قولدارىنا دومبىراسىن الىپ،اسقاقتاتا اندەتىپ،ايتىس ۇلگىسىندە جاۋاپتاسىپ،بەتاشار ولەڭىن كەزەكپەن ايتتى. مىنە،بۇل ايتىس مەرەكەسىن ايتىس فورماسىندا جۇرگىزۋ،بۇرىنعى اقىندار ايتىسىندا كوپ جولىقپاعان،ساحناداعى ەكى  اقىن جۇرگىزۋشىنىڭ ولەڭى كورەرمەندەردى وزىنە ەرەكشە باۋرادى،بۇل بىتە بەرە تايعا مىنگەن،باسىنا اق شىت تارتقان اۋىلدىڭ قارا دومالاق بالاسى ساحنانىڭ الدىنا كەلىپ: ءشۇيىنشى،ءشۇيىنشى،ەركە ەمىلدىڭ ايگىلى اقىنى جامالقان اپا باستاتقان،سال-سەرى اقىندارى كەلە جاتىر ەكەن دەدى،ءبىر اجە شىعىپ،بەتىنەن ءسۇيىپ،ءشۇيىنشىسىن بەرىپ جولعا سالادى،ىلە-شالا اقىنداردىڭ سالقار كوشىن باستاپ،اقىندار ايتىسىنىڭ قازىرگى بۇيداگەرى جامالقان قاراباتىر قىزى ءسان-سالتاناتىمەن ساحنانىڭ الدىنان وتەدى،تۇسەل تۇسكەن تولى اۋدانىنىڭ ادامدارى الدىنان شىعىپ اتتان ءتۇسىرىپ الادى،ۇلكەندەرىن ساحناعا باستايدى،بۇل ارالىقتا ساحناداعى   اقىندار ءدوربىلجىن اۋدانىن جانە جامالقاندى قىسقاشا تانىستىرادى،ءدوربىلجىن اۋدانىنان ءبىر اقىن كوپشىلىككە ولەڭمەن سالەمدەسەدى. تولى اۋدانىنداعى اجەلەر انسامبلى قوناق كادە رەتىندە انمەن قارسى الدى. بۇل بىتىسىمەن جانە ءبىر تايعا مىنگەن بالا كەلىپ شاعانتوعاي اۋدانىنىڭ اقىن-ونەرپازدارى كەلە جاتىر دەپ ءشۇيىنشى سۇرايدى،وسىعان جالعاس شاۋەشەك،قوبىقسارى،شيحۋ،ساۋان قاتارلى   اۋدان،قالانىڭ اقىن-ونەرپازدارى،ءار ۇلت ۋاكىلدەرى،ءادىلقازى-تورەشىلەر رەت- رەتىمەن ءوز سالتاناتىمەن ساحنادان ءوتتى.  بۇلاردىڭ اراسىندا قازاقتىڭ قىزقۋار،كوكپار تارتۋ،تەڭگە ءىلۋ،قارا جورعا،ات ءۇستى  ويىنى سياقتى ءداستۇرلى ويىن تۇرلەرى كورسەتىلىپ،اشىلۋ مۇراسىمىنا ءسان قوسادى. مۇندا،تارباعاتايدا جاساپ جاتقان  ۇلتتاردىڭ ۋاكىلدەرى جەكە-جەكە ايتىس مەرەكەسىنە ارناپ ءان ورىنداپ،ءبي بيلەدى. ات ءۇستى وينىنان ونەر كورسەتكەندەر مەملەكەت تۋىن ساحنانىڭ الدىنان الىپ ءوتتى. سونان سوڭ جالپى اقىن-ونەرپازدار قوسىلىپ،«سۇيەم سەنى،ۇلى جۇڭحۋا» ءانىن ورىندادى. اشىلۋ مۇراسىمنىڭ سوڭى «سۇيىكتى تارباعاتاي» انىمەن اياقتادى. جامالقان اقىن باستاعان كوشتىڭ جۇگىن ساحنانىڭ ىرگەسىنە ءتۇسىرىپ، اشىلۋ مۇراسىمى بىتكەنشە ءۇيدى تىگىپ بولدى،ساحنانىڭ وڭ جاق تورىندە ايماقتىق ءان-ءبي ۇيىرمەسىنىڭ وركەستىرى، سول جاق تورىندە سيلى قوناقتار مەن ۇلكەندەر جايعاسىپ،ساحناعا وزگەشە ءسان بەردى. ساحنانىڭ سول جاق الدىندا ءجۇن ساباپ،كيىز باسۋ،ورىمشىلىك،قۇر تارتۋ سياقتى ءداستۇرلى وندىرىستەن ونەر كورسەتىپ جاتتى،ساحنانىڭ وڭ جاق ارتىندا التىباقان ورناتىلعان،سول جاق ارتىندا بيە باۋ،ماما اعاشقا بايلانعان ارعىماق تۇردى. ساحنانىڭ ارتىنداعى شاعىن كولدىڭ ار جاعىنا كيىز ۇيلەر تىگىلگەن،وسى كورىنىستەر مەن قيمىلدار قوسىلا كەلە  ساحنانىڭ كەمىن تولىقتاپ،اشىلۋ مۇراسىمىنىڭ اجارىن ەرەكشە اشقان. اشىلۋ مۇراسىمىندا كەزەكتە ءجۇرىلىپ جاتقان «ءۇش ءتۇرلى كۇشكە» قارسى باتىل ءۇن قاتىپ،پوزيتسيا ءبىلدىرۋ،«ۇلتتار ىنتىماعىنىڭ ۇلى شاڭىراعى»،«ۇعىسۋ،تيىمدىلىك جاساۋ،توعىستىرۋ» قيمىلى سياقتى مازمۇندار  قوسىلىپ،قوعام ورنىقتىلىعى مەن باياندى  تىنىشتىق باس نىساناسىن جۇزەگە  اسىرۋ باس نىساناسى ويداعىداي ۇگىتتەلدى.

   ءتورتىنشى،تۇڭعىش رەت 62 كيىز ءۇي   «الىپ دومبىرا» ۇلگىسىندە تىگىلىپ،تولى  اۋدانىنىڭ ەلىمىزدەگى «اقىنداردىڭ مەكەنى»،   «دومبىرانىڭ مەكەنى» ەكەنىن ايگىلەۋمەن بىرگە،قازاقتىڭ كيىز ءۇي مادەنيەتىن  تاعى ءبىر قىرىنان تانىتقان. كيىز ءۇي جاساۋ،تىگۋ ونەرى تولى اۋدانى مەن  ءدوربىلجىن اۋدانى بىرلەسىپ جولداپ مۇراگەرلىك ەتكەن مەملەكەت دارەجەلى بەيزاتتىق مۇرا. قازاق حالقىنىڭ مۋزيكالىق ونەرىنىڭ شوقتىعى بولعان «62 قوڭىردى» ەسكە الۋ ءۇشىن 62 كيىز ءۇيدى الىپ دومبىرا ۇلگىسىندە تىگىپ،ءداستۇرلى ونەردى جاڭعىرتتى. بۇل دا وسى ايتىس   مەرەكەسىنىڭ ءبىر جاڭالىعى. مۇنداعى ءاربىر كيىز ءۇي ءوز الدىنا ۇلتتىق ءداستۇرلى مادەنيەتتىڭ كورمەسى،مۇراجايى سياقتى جابدىقتارى تولىق،بايىرعى مادەني مۇرالار،بۇيىمدار  قويىلعان،زامانعا ساي ادەمى بەزەندىرىلگەن. ءارقايسى اۋدان،قالانىڭ ءوز ەرەكشەلىگىن  ايقىن ايگىلەپ كورسەتكەن. بۇل كيىز ۇيلەر   قاتىستى ولشەم-تالاپتار بويىنشا ارنايى باعالانىپ،ءۇي يەلەرى دارەجە بويىنشا سيلاندى.

   بەسىنشى،ءۇش «21» سانىنىڭ قاتار كەلۋىن جۇرت جاقسىلىققا جورىدى. وسى جولعى    ايماقتىڭ 21-كەزەكتى اقىندار ايتىسى،   مادەنيەت-ساياحات مەرەكەسى 21-عاسىردا،21-ماۋسىم كۇنى،ياعني جازعى توقىراۋ كۇنى قوڭىروبا سازىندا باستالدى. 21-ماۋسىم جازدىڭ ەڭ جاقسى مەزگىلى،21 جاس ادامنىڭ جالىنداپ تۇرعان جاستىق شاعى،قازاق اقىندار ايتىسى دا پارتيا ساياساتتىڭ شۇلەن شۇعىلاسىندا جالىنداپ تۇرعان جاس سياقتى داۋىرمەن بىرگە العا باسىپ،ومىرشەڭدىك كۇشىن ءتىپتى دە ايگىلەپ،الەمدىك ارەناعا قاراي بەت الۋدا.

   التىنشى،ايتىس مەرەكەسىنىڭ تۇتاس بارىسىن تۇڭعىش اسا تۇنىق تەلەاپپارات ارقىلى كەسكىنگە ءتۇسىرىپ،اۋەدەن سۋرەتكە الىپ،ەڭ جاڭا دىبىس الۋ،تاراتۋ جابدىقتارىن ىسكە قوسىپ،جالپى قيمىلدى ساپالى،جاقسى ۇگىتتەۋگە بەرىك نەگىز قالادى. مۇنان تىس،وسى جولعى اقىندار ايتىسى،مادەنيەت-ساياحات   مەرەكەسىنە اقپارات دانەكەرلەرى مەن جاڭا مەديالار،قاتىستى مادەنيەت زەرتتەۋ ورىندارىنان 60 تان اسا ءتىلشى،زەرتتەۋشىنى    ۇسىنىس ەتىپ،الدىنا الا ۇگىت-ءناسيحات جالپى جوباسىن جاساپ،ءۇرىمجى سياقتى  ۇلكەن قالالاردىڭ «ءايليدي» (LED) ەكرانىندا ۇگىت فيلمىن قويىپ،اقپار جاريالاۋ ءماجىلىسىن اشىپ،ءداستۇرلى اقپارات پەن جاڭاشا مەديانى توعىستىرىپ،ايتىس مەرەكەسىن جان-جاقتىلى ۇگىتتەدى. وسى ارقىلى قازاق حالقىنىڭ مادەنيەتىن،تارباعاتايدىڭ كوپ ۇلت توعىسقان، جاراسىمدى مادەنيەتىن،كوركەم ساياحات كورىنىس رايوندارىن تولىق ايگىلەپ،ايماعىمىزدىڭ مادەنيەت-ساياحات جاعىنداعى داڭقىن اسىرا ءتۇستى. 

   جەتىنشى،بۇل رەتكى اقىندار ايتىسى،  مادەنيەت-ساياحات مەرەكەسىنىڭ كولەمى زور،مازمۇنى باي،جارىس ءتۇرى مول،  قاتىناسقان ادام سانى كوپ بولدى. اقىندار  ايتىسى تەرمەشىلەر (دومبىراشىلار،قوبىزشىلار،سىبىزعىشىلار) جارىسى،كيىز ۇيلەردى باعالاۋ سياقتى جارىس تۇرلەرىنەن تىس،قازاقشا  كۇرەس،كۇش سىناسۋ،شاحمات،دويبى بايگە سياقتى جارىس تۇرلەرى بولىپ،14 ءتۇر  بويىنشا جارىس-باسەكە ءوتتى. 210 ۇمىتكەر جارىسقا قاتىناستى. ءار جارىس ءتۇرىنىڭ باعالاۋ ءتۇزىمى انىق جازىلعان. جارىسقا تۇسكەن  ۇمىتكەرلەردىڭ جالپى ساپاسىندا،كاسىپتىك  دەڭگەيىندە ۇلكەن ءوسۋ،ىلگەرىلەۋ بار ەكەنى وسى جولى ايقىن كورىلدى. بۇرىنعىعا  قاراعاندا،كوبى ارنايى وقىپ ءبىلىم العان،كاسىپ رەتىندە شۇعىلدانعان. سوندىقتان ساحنادا وتە جاقسى ونەر كورسەتتى ءارى كەي جارىس  تۇرلەرىنىڭ باسەكەسى قيان-كەسكى بولدى.

   سەگىزىنشى،تولى اۋدانىنان شىققان اجەلەردىڭ «بالاپان اققۋ حور ۇيىرمەسى» كورەرمەندى تاعى ءبىر رەت تاڭداندىردى. تاياۋدا ورتالىق  تەلەۆيزيانىڭ «ونەرلى جۇڭگولىقتار» ساحناسىندا ونەر  كورسەتىپ،بۇكىل ەلدىڭ القاۋىنا بولەنگەن اجەلەر وسى جولعى ايتىس مەرەكەسىنە تاماشا كونسەرت ءنومىرىن دايىنداپ،قازاق قىزدارىنىڭ اسقاق رۋحىن تاعى ءبىر قىرىنان تانىتتى.

   توعىزىنشى،بۇل رەتكى اقىندار ايتىسى،مادەنيەت-ساياحات مەرەكەسى ايماعىمىزدىڭ 30 نەشە ءتۇرلى بەيزاتتىق مادەني مۇراسىنىڭ «كولەمدى كورمەسى» اشىلدى. اقىندار ايتىسىنان باستاپ كيىز ءۇي جاساۋ،تىگۋ   ونەرى،دويبى ويىنى سياقتى بەيزاتتىق مادەني مۇرالار تانىستىرىلدى. دويبى ويىنى تۇڭعىش رەت رەسمي جارىس تۇرىنە ەندى،وسى   ارقىلى تارباعاتايدىڭ كوپ نەگىزدى،ءبىر تۇلعالى مادەنيەتىن تولىق بەينەلەدى.

   ونىنشى،«سۇلۋلىق ينجەنەرياسى» ايتىس مەرەكەسىنە ءار بەردى. قازاق ۇلتىنىڭ قولونەر بۇيىمدارىن جاساۋ شەبەرلىك باسەكەسى وسى جولعى ايتىس مەرەكەسىنىڭ تاعى ءبىر جاڭالىعى بولدى ءارى قولونەر بۇيىمدارىن بازارعا سالۋعا قولايلى بولۋ ءۇشىن،ارنايى ورىن بەلگىلەپ بازار اشتى. وسى رەت ايماقتىق ايەلدەر بىرلەستىگى باسى بولىپ ۇيىمداستىرعان ايماقتىڭ 4-رەتكى ايەل شەبەرلەرىنىڭ ونەر كورسەتۋ باسەكەسى ءوتتى جانە «سۇلۋلىق ينجەنەرياسىنىڭ» 6 جىلدىعىنىڭ تابىس كورمەسى اشىلدى. بۇل رەتكى شەبەرلەر باسەكەسىن ايماقتىق ايەلدەر بىرلەستىگى ۇيىمداستىرعان،تولى  اۋدانى تۇڭعىش رەت جاۋاپتى بولىپ وتكىزگەن. جەتى اۋدان،قالادان كەلگەن 100 دەن اسا ايەل شەبەردىڭ 1000 نان اسا قولونەر    بۇيىمدارى كورمەگە قويىلدى. وسى ارقىلى  ەگىن،مال شارۋاشىلىق رايوندارىنداعى قالىڭ ايەلدەر  قاۋىمىنىڭ قولدا بار ونەرىن كادەگە جاراتىپ،كاسىپ كوزىن تاۋىپ،يگىلىك    جاراتۋىنا ءۇمىت شامىن جاعىپ،جاڭا جول نۇسقادى.

   ون ءبىرىنشى،ايماقتىق پارتكوم مەن  اكىمشىلىك مەكەمەسىنىڭ جەتەكشىلىگىندە وسى جولعى اقىندار ايتىسى،مادەنيەت-ساياحات مەرەكەسى ءساتتى ءوتتى. مۇقيات ۋالي جالپى قيمىلدىڭ دايىندىعىنان باستاپ قاداعالاپ، ويداعىداي وتۋىنە جەتەكشىلىك ەتتى. ايتىس مەرەكەسىن ۇيىمداستىرۋ القاسىنداعىلار ورتالىقتىڭ 8 ءتۇرلى بەلگىلەمەسى مەن اۆتونوميالى رايوننىڭ 10 ءتۇرلى بەلگىلەمەسىنە قاتاڭ بويسۇنىپ،بەلسەنە ات سالىسۋىندا،ءارقايسى اۋدانداردىڭ تىعىز سايكەسۋىندە،وتە-موتە،تولى اۋدانىنىڭ كۇش سالۋىندا  ۇيىمدىق،اماندىق،ارتقى شەپ قىزمەت وتەۋ جاقتارىنا شىنايى كەپىلدىك  ەتىلدى. كەلەر كەزەكتى اقىندار  ايتىسى،مادەنيەت-ساياحات مەرەكەسى ءدوربىلجىن اۋدانىندا وتەتىن بولىپ بەكىتىلدى.

   بۇل رەتكى ايتىس مەرەكەسى وزىنە ءتان ەرەكشەلىگىمەن جۇرت جۇرەگىنەن ورىن الدى. كورەرمەندەر ۇلتتىق مادەنيەت،سالت-ءداستۇر تۋرالى ۇلكەن ساباق العانداي بولدىق دەپ    القاستى. مەرەكەنىڭ  دابىراسى الىس-جۋىقتى شارلادى. وسى جولعى ايتىس مەرەكەسى مۇنان بىلايعى ونەر تويلارىنا تىڭ باستاما، ۇلگى بولدى.
 





  رەداكتورى: الماگۇل اقاتبەك قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.