ءار جىلعى جوعارى مەكتەپكە وقۋشى قابىلدايتىن مەزگىلدە، زاڭسىز ەلەمەنتتەر وقۋشىلار مەن اتا - انالاردىڭ ابىرجىعان كوڭىل كۇيلەرىنەن پايدالانىپ الدامكوستىك ىستەيدى. قاتىسىتى تاراۋلار اتا - انالارعا «جەتپەي قالعان ءنومىردى اقشا ارقىلى تولىقتاۋ» سياقتى جالعان وقۋشى قابىلداۋ كەپىلدىگىنە جانە «ىشكى كورسەتكىش»، جالعان ناتيجە تەكسەرۋ توراپ ءادىرىسى سىندى الدامكوستىكتىڭ شىرعاسىنا ءتۇسىپ قالماۋدى ەسكەرتەدى.
جۋىقتاعى جىلداردان بەرى، باسى «جوعارى مەكتەپ» دەگەن جازۋدان باستالاتىن «اعاش ات» الدامكوستىگى جاڭا ءبىر الدامشىلىق تاسىلىنە اينالدى. الدامشىلار وقۋشىلار مەن اتا - انالاردىڭ قولفونىنا وسىنداي «اعاش ات» جالعانىمى بار كەلتەحات نەمەسە «اعاش ات» جالعانىمى بار الدامشىلىق سيپاتىنداعى سايتتاردى جىبەرەدى. اتا - انالار سول جالعانىمدى باسىپ كىرگەننەن كەيىن «اعاش ات» پروگرامماسى تەلەفونعا كىرىپ، قاتىستى بانكە كارتۋچكاسى سياقتى ينفورماتسيالاردى قولعا كەلتىرەدى، توسقاۋىل ارقىلى اقشا تولەۋ شيفرىنا يە بولىپ، توراپتا زات ساتىپ الۋ ارقىلى ناق اقشاعا ايىرباستاپ الادى نەمەسە ءۇشىنشى جاقتىڭ اقى تولەۋ تەكشەسى ارقىلى «قىزىل قالتانى» ناق اقشاعا اينالدىرىپ شىعارىپ الادى.
تاعى ءبىر توپتاعى الدامشىلار وقۋشىلار مەن اتا - انالاردىڭ دەربەس وقۋشى قابىلداۋ، باعىتتامالى وقۋشى قابىلداۋ ساياساتتارىن تۇسىنبەۋىنەن پايدالانىپ الدامشىلىق ىستەپ، بەلگىلى ءبىر ۋنيۆەرسيتەتتىڭ باعىتتامالى وقۋشى قابىلداۋ جوسپارىن قولعا كەلتىرە الامىن، قابىلدانۋىنا كەپىلدىك ەتەمىن دەپ وتىرىك ايتىپ، اشىق باعا قويىپ، جوعارى سومالى «باعىتتامالى وقۋشى قابىلداۋ قاراجاتىن» الادى.
ماماندار بىلاي دەدى: مەيلى قانداي تۇردەگى وقۋشى قابىلداۋ الدامشىلىعى بولسىن، بارلىعىنىڭ ماقساتى «اقشا» الۋ. اقشاعا، مال - مۇلىككە ساياتىن ىستەر بولسا، وقۋشىلار مەن اتا - انالار قىراعىلىقتارىن ارتتىرۋى كەرەك. ەگەر وقۋشى قابىلداۋدا قيىن ماسەلەلەر بايقالسا، زاڭدى، ۇيلەسىمدى جولدارمەن تەكسەرىپ انىقتاۋى كەرەك. ەمتيحان تاپسىرعان وقۋشىنىڭ ازاماتتىق كۋالىك ءنومىرى، ەمتيحان تاپسىرۋ ءنومىرى سياقتى ينفورماتسيالاردى بەتالدى باسقالارعا بەرمەۋ كەرەك. سونىمەن بىرگە، وقۋشى قابىلداۋ الدامشىلىعىنا جولىققان كەزدە دەرەۋ وقۋشى قابىلداۋ قۇرىلىمدارىنا نەمەسە ساقشى مەكەمەسىنە مالىمدەپ، ءوز ۇقىقتارىن قورعاۋى كەرەك.
وقۋشى قابىلداۋداعى الدامشىلىق تاسىلدەر
1.ءوزىن جوعارى مەكتەپ وقۋشى قابىلداۋ ءبولىمىنىڭ قىزمەتكەرىمىن دەپ تانىستىرىپ، «ىشكى جاقتان وقۋشى قابىلداۋ كورسەتكىشى»، «جوسپاردان تىس وقۋشى قابىلداۋ كورسەتكىشتەرى» بار، سول كورسەتكىشتەر بويىنشا وقۋشى قابىلدايمىز دەيدى.
2. كوركەمونەر، دەنە تاربيە سياقتى جاقتاردا «ارتىقشىلىعى بار وقۋشىلارعا» ءنومىر قوسامىز دەيدى.
3. جالعان وقۋشى قابىلداۋ شاقىرتۋىن جىبەرەدى.
4. ناتيجە تەكسەرەتىن جالعان توراپ ادىرىستەرىن جىبەرىپ، اتا - انالاردىڭ كىرگىزگەن جەكەلىك ينفورماتسيالارى ارقىلى تەلەگراف الدامكوستىگىن ىستەيدى.
5. «دەربەس وقۋشى قابىلداۋ» اتىندا الدامشىلىق ىستەيدى، «دەربەس وقۋشى قابىلداۋدى» «ەرىكتى وقۋشى قابىلداۋمەن» شاتاستىرادى.
6. باسى «جوعارى مەكتەپ...» دەگەن جازۋدان باستالاتىن «اعاش ات جالعانىمى» الدامشىلىعىن ىستەپ، وقۋشىلار مەن اتا - انالارعا «اعاش ات» جالعانىمى بار كەلتەحات جولدايدى.
«شينجياڭ گازەتى سايتىنان»
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.