ەەڭ جاڭا مازمۇندار
2017-جىلى 20-قىركۇيەك 208-سان
2017-جىلى 19-قىركۇيەك 207-سان
2017-جىلى 18-قىركۇيەك 206-سان
2017-جىلى 16-قىركۇيەك 205-سان
قىزمەت اترەتى پارتيانىڭ تيىمدى ساياساتتارىن مالشىلار وتباسىنا جەتكىزدى
حاۋىپسىز ءوندىرىس قىزمەتىن مىقتى ۇستادى
عىلىم-تەحنيكا ىستەرى قارىشتاپ دامىدى
«اقىن بولۋ ءوز ەركىڭ...»
ايماعىمىز اۆتونوميالى رايوننىڭ حاۋىپسىز ءوندىرىس جۇرگىزۋدى ارالاپ تەكسەرۋىن قارسى الۋ قىزمەتى ءماجىلىسىن اشتى
اۆتونوميالى رايوننىڭ «ۇكىمەت قىزمەتىنەن بايانداماداعى» ءتۇيىندى مىندەتتەردىڭ تياناقتانۋ جاعدايىن باقىلاۋ-تەكسەرۋ گرۋپپاسىنىڭ باقىلاۋ-تەكسەرۋ قىزمەتىنەن جاۋاپ قايتارۋ ءماجىلىسى اشىلدى
شاعانتوعاي اۋدانىنداعى ءار ۇلت جۇرتشىلىعى قورشاعان ورتانى قورعاۋدى باقىلاۋ - تەكسەرۋ قىزمەتىن القادى
باس نىسانانى جۇزەگە اسىرۋعا قۇدىرەتتى وڭ ەنەرگيا ۇيىستىردى
2017-جىلى 15-قىركۇيەك 204-سان
اۆتونوميالى رايوننىڭ « ۇكىمەت قىزمەتىنەن بايانداماداعى» ءتۇيىندى مىندەتتەردىڭ تياناقتانۋ جاعدايىن باقىلاۋ-تەكسەرۋ گرۋپپاسى ايماعىمىزعا كەلدى
مەيربان انالار قيىنشىلىعى بار وقۋشىلاردان قال سۇرادى
قىزمەت اترەتىنىڭ كومەگى بۇقارانىڭ جۇرەگىندە
قىزمەت اترەتى مالشىلاردىڭ شىعىنسىز ءتول الۋىنا تاماشا شارت جاعداي ازىرلەدى
اۋەلگى ماقساتتى ۇمىتپاي، پارتياعا ىلەسىپ، ايقىن تۋ ۇستاپ، بولشەكتەۋشىلىككە قارسى تۇرامىن
بۇگىنگى شينجياڭدى بۇلدىرۋگە استە جول بەرمەيمىز
قانجاردى «ءۇش ءتۇرلى كۇش» پەن «ەكىبەتكەيلەرگە» قادايىق
ايماعىمىزداعى ءار دارەجەلى ساياسي كەڭەس مۇشەلەرى «ءۇش ءتۇرلى كۇشكە» باتىل ءۇن قاتىپ، ايقىن پوزيتسيا ءبىلدىردى
شيحۋ قالاسىنىڭ ەكولوگيالىق ورتاسى جاقسارا ءتۇستى
جاپون شاپقىنشىلارىنا قارسى سوعىستى ەسكە ءتۇسىرۋ كۇنىندە ءتۇرلى فورماداعى قيمىلدار ورىستەتتى
ماڭىزدى ءسوز رۋحىن مالشىلارعا جەتكىزدى
2017-جىلى 14-قىركۇيەك 203-سان
«تارباعاتاي گازەتى» مەكەمەسى جۇمىسشى -قىزمەتشىلەردىڭ مادەني تۇرمىسىن جاقسارتتى
ارتىق ەڭبەككۇشتەردىڭ كاسىپتەنۋىن جەبەدى
قامقور جاندارعا العىس ايتتى
قىزمەت اترەتى ءورت وشىرۋ بىلىمدەرىن ۇگىتتەدى
ساياحات،سەرۋەن قالاسىن قۇرۋعا بەرىك نەگىز قالادى

«ون كىتاپقا» ءۇش پارا ءسوز

جولدانعان ۋاقىتى : 2017/7/14 16:56:30

ورالتاي ۇلىقپاش ۇلى
 
   2016-جىلى شينجياڭ حالىق باس باسپاسى مەن ىلە حالىق باسپاسى جاعىنان ءبىر جولدا،ءبىر سەريامەن «جىرلايدى جۇرەك» اتىندا باسىلعان بۇل ون كىتاپ _ ماقتانارلىق ۇلكەن تابىس بولدى. ەندەشە،بۇل جىر توپتامالارىنىڭ  شۇرايلى ءتىل،ورامدى ويلارىنا ورتاقتاسايىق.

   بۇل اۆتورلارىمىزدىڭ الدى ەلىمىزدىڭ  ءىشى-سىرتىنا تانىلىپ ۇلگىرگەن،ولەڭدەرى وزگە تىلدەرگە دە اۋدارىلىپ،وزگە ۇلت ادەبيەت ۋاكىلدەرىنىڭ جاقسى باعاسىن دا الىپ كەلە جاتقان اۆتورلار بولسا،ارتى جىر مۇشايرالارى مەن  ءتۇرلى باسىلىمدار ارقىلى ەندى-ەندى تانىلىپ كەلە جاتقان جاس اۆتورلار قاتارى ەكەن.   قالايدا بۇل اۆتورلارىمىز ەلىمىز قازاق ادەبيەتىنىڭ 2000-جىلداردان كەيىنگى پويەزيا جانرىنا جول تارتقان،شوعىرى مول اۆتورلارعا ۋاكىلدىك ەتەدى دەسەك،ولەڭدەرىنەن    جاقىنعى ون جىلداعى پويەزيامىزدىڭ ءوسۋىن دە كورگەندەي بولدىق. ارينە،بۇل جيناقتاردى وقىعاندا زارەدەي بولسادا جاڭالىق ىزدەپ  وقىدىق،وقۋ بارىسىندا ولەڭدەگى ۇستانعان ستيلى مەن فورماداعى جاقىندىعىنا قاراي ءۇش توپقا جىكتەپ،ءۇش پارا ءسوز ايتۋدى ءجون كوردىك.

سالماعى ساناتىنا ساي جىرلار

   1. «ەرتەڭنىڭ بۇگىنى» _ نۇربولات ءابدىقادىر

   بۇل جيناقتىڭ «ەرتەڭنىڭ بۇگىنى» دەگەن اتى وقىرمانىن ويعا باستايدى. بىزدە «ەرىنشەككە بۇگىننەن ەرتەڭ وڭاي» دەگەن اتالى ءسوز بار. مۇمكىن اۆتورىمىز وسى ماقالدان ءمان تۋدىرىپ،پويەزيانىڭ ەرتەڭى ءۇشىن، بۇگىن جىرلاۋ كەرەك دەگەندى مەڭزەسە  كەرەك. ال، جيناقتاعى 1-ولەڭى:

«اقىندارعا اتىمتايعا بارماۋ _ ءمىن،
اتىمتايدى ىزدەيدى ىلعي وي،قايعىم.
ءوزىمدى-ءوزىم جەڭۋ اۋىر ماعان دا،
سوندا اتىمتاي اڭىزىنا بويلايمىن» («اتىمتاي»،3-بەت) دەگەن شۋماقپەن باستالىپتى.   «اتىمتاي» قازاق يدەولوگياسىندا جومارتتىقتىڭ،مىرزالىقتىڭ سيمۆولىنا اينالعان رۋحاني كەيىپكەر. مۇنداعى جومارتتىق ماتەريالدىق جاقتاعى جومارتتىق ەدى. ال، نۇكەڭ مۇنى رۋحانياتتاعى جومارتتىققا الىپ كىرىپ وتىر، ياعني ءسوزدىڭ كيەلى ونەرى ولەڭنەن حالقىنا جومارتتىق كورسەتسەم دەيدى. حالىق ىشىندە «تاۋ دا ولەڭ،تاس تا ولەڭ» دەگەن ءبىر جومارت ءسوز بار. ءبىراق نۇربولات ولەڭنەن، شىندىعىندا،ءوزى ايتقانداي جومارتتىق كورسەتىپ كەلە جاتقان سياقتى. ول جومارتتىق سوزدەگى كوپىرمەشىلىك بولماستان، قايتا   ءسوزدىڭ قۇنىن تانىپ،ءمانىن ۇلاعاتتاپ، سارالاپ، ءدال قولدانۋعا كوڭىل بولگەندىگىنەن كورىنەدى. جيناقتاعى «ءبىر توسەگىم»،   «بولسا بولار»،«ءسوز اجالى» قاتارلى ولەڭدەرىندە دە اقىن تاعدىرىنا، ءسوز قادىرىنا  قاتىستى ۇلكەن ويلار ورەدى. نەگىزى نۇربولات جىرلارىندا سىلدىر سوزگە،جالاڭ سەزىمگە بوي ۇرۋداي جەڭىلتەكتىك مىنەز كورىنبەيدى. قايتا ول فيلوسوفيالىق وي ايتۋدى ۇستانعان اقىن. 

   «كەمەلدىلىكتىڭ ىشىندە دە ءمىن جاتادى» دەگەندەي،ايتىلعان بۇل جيناقتا دا ولەڭدىك ەرەكشەلىكتەن گورى، بايانداۋعا جاقىن ارناۋ   ولەڭدەر مەن انىقتاما بەرىپ تۇسىندىرۋگە بەيىم بايىمداۋ سيپاتتى ولەڭدەر دە كەزدەسەدى. ماسەلەن،( «اناتوميا»،16-بەت) دەگەن    ولەڭى پويەزيا ەمەس، ولەڭ تىلىمەن جازىلعان عىلىمي ماقالا دەسە بولاتىنداي. ال مىناداي شۋماقتار:

«باسىمداعى بۇلتتى باق كورىپ،
قايعىمداي قارسى الدىم عوي.
بۇلت بەرگەنگە بەرەتىن،
ءبىر قۇداي ءوزىڭ ماڭگىم عوي...» (23-بەت). بۇل اقىندىق جولىن قالىپتاستىرعان  نۇكەڭنەن ەمەس،ولەڭگە العاش تالاپتانىپ جۇرگەندەردىڭ قالامىنان شىقسا ءبىر ءسارى.

   نۇكەڭ پويەزياسىنداعى باستى ارتىقشىلىق  ولەڭدەرىندەگى وي ايتقىشتىعى بولسا،ۇلكەن كەمشىلىك سەزىمدىك بوياۋىنىڭ كەيدە   سولعىندىعى.

   2. «سام جامىراپ كەلەدى» _ مۇرات اۋەس

   مۇراتتىڭ بۇل جيناعىندا پويەزياداعى ءوسۋ جولىنا ۋاكىلدىك ەتەتىن ءبىر توپ ولەڭدەرى وقىرمانىن سۇيىندىرەدى. مۇرات العاش ءداستۇرلى قارا ولەڭ ۇلگىسىنە قويۋ ۇلتتىق سەزىم  بەرۋگە تىرىسىپ، اۋىل تابيعاتىنان جازعان ليريكالارى ارقىلى وقىرماندارىنا تانىلعان ەدى. جيناقتاعى ولەڭدەرىندە ءتىپتى دە تەرەڭدەپ،بولمىس پەن ادامنىڭ نازىك جان دۇنيەسىن ماتاستىرىپ، اقىندىق سەزىممەن سىر اقتارىپ، وزىندىك ىرعاق قالىپتاستىرۋعا تىرىسقاندىعى بەلگىلى.

«جەتكەندەي پىسىپ تىرلىكتىڭ اششى تولعاعى،
كەتكەندەي ۇشىپ،باقىتتى شاعى ولداعى.
كۇز كەلىپ بايقۇس تەرەكتەر اناۋ جولداعى،
جوعالىپ ءبارى،
 تونالىپ ءبارى،
سورلادى...» («جاپىراق _ ءومىر» 3-بەت).
«جۇرەكتى سوندا ءدىر ەتكىزدىڭ-اۋ،
ءبىر وپكىزدىڭ-اۋ ەرنىڭنەن،
دەنەمە جىلۋ نۇر وتكىزدىڭ-اۋ،
نۇر وتكىزدىڭ-اۋ ءولدىم مەن...» (48-بەت).
«جارتىكەش اي تۋادى يمەگى بار...
مەن بە ەكەم وندا تەگى كۇيگە قۇمار؟!
ءتۇن بويى قورقىلدايدى اۋىق-اۋىق،
اپامنىڭ ساباسىندا ۇيرەگى بار!..» (96-بەت) دەگەندەي، ولەڭدەرى ەڭ الدىمەن  ۇيقاسىمەن،ۇندىلىگىمەن دارالانادى. ءسوز-سوزىمەن،تىركەس-تىركەسىمەن، تارماق- تارماعىمەن ۇندەسىپ كەلىپ، ۇيقاسىندا    توسىرقاۋ،زورلانۋ سىڭايى  وتە از ۇشىرايدى.

مۇرات ولەڭدەرىندەگى كەزدەسە بەرەتىن ءبىر السىزدىك:
«جىل سايىنعى سوعىم باسى،
ەستەن كەتپەس قىزىق انىق.
 ىشەدى توعىن باسىپ،
ءان مەن كۇيگە قىزىپ الىپ...
......
قىس بويى قىسىر بايلاعان كۇنەس باسىنان،
تۇردىبەك كوپەس بەيجيڭدى بەتكە اپ  اتتانعان» («حانبالىق قاسيدالارى» 129-بەت) دەگەندەي،جالاڭ بايانداۋعا بوي ۇرعان شۋماقتار مەن كەيبىر «ساپار ولەڭدەرى» دە ءجيى كەزدەسەدى. ءبىزدىڭ ءداستۇرلى ولەڭ ستيلىمىزدە بايانداۋ ءتاسىلى كوپ قولدانىلىپ كەلگەنى بەلگىلى،ءبىراق ليرىك اقىن رەتىندە ءوسىپ كەلە جاتقان مۇرات بۇل تاسىلدەن   ارىلۋى كەرەك دەمەكشىمىز.

3. مادەتبەك بالعابەك ۇلى _ «ارقارلار    ازىناسى»

   دالا اقىنى رەتىندە تانىلىپ جۇرگەن ادەتبەك بالعابەك ۇلىنىڭ «ارقارلار ازىناسى» جىر جيناعىن ون كىتاپتىڭ قاتارىنان كورىپ قۋانىپ قالدىق. ويتكەنى ول جاڭا عاسىرداعى جاستار پويەزياسىندا قارا ولەڭدەگى ۇيرەنشىكتى ستيلستيكاعا جاڭا لەپ قوسىپ،تابيعاتتىڭ تاڭعاجايىپ سۋرەتتەرىنەن وزىنشە وي ايتۋعا ۇمتىلعان اقىندار شوعىرىنىڭ قاتارىندا،وقىرماندارىنا جىلى قابىلدانىپ، تەز تانىلعان  اقىن. جيناعى «دومبىرا» اتتى جەلىلەس ولەڭدەرىنەن باستالعان ەكەن، ا دەگەننەن-اق  وقىرمانىن باۋراپ الا جونەلەدى،مادەتبەك جىرلارى  ءوزى دە دالانىڭ كۇيىندەي سىر شەرتىپ، قايسى ءبىر شۋماعىن وقىساڭ دا، دومبىرانىڭ قوس ىشەگىنە اسىلىپ تۇرعانىڭداي، تۇلا بويىڭ ءدۇر-ءدۇر سىلكىنگەندەي كۇي كەشەسىز.

«ءىڭىر،كىمنىڭ دومبىراسى توگىلىپ،
قارا مەشتىڭ قابىرعاسى سوگىلىپ،
قاراشا ۇيدە گۇمبىر-گۇمبىر كۇي ويناپ،
قيالىنا كەتەر ەدى مەنى ءىلىپ...
......
قاراشا ۇيدە قوس ىشەككە اسىلىپ،
سىلكىپ جاتتى مەزگىلىنىڭ ءتىلىن كىم؟
......
دۇركىرەگەن قوس ىشەكتەن ءدۇبىر مىڭ،
سول دۇبىرگە قوساقتالعان عۇمىرمىن...».
ولەڭدى تولىعىمەن وقىساڭىز بىلەسىز، دومبىرانىڭ گۇمبىرىنەن عاسىردىڭ ءۇنى ەستىلگەندەي،ادام تۇگىلى تاۋ-تاس، كەڭ  ساحارا،مەڭىرەۋ دۇنيە تۇگەل جاندانىپ، الپىس ەكى تامىرىڭىز ءيىپ بارا جاتقانداي كۇي  كەشەسىز. مۇنى قارا سوزبەن تۇسىندىرسەك تە اسەرى ولەڭنىڭ وزىندەي بولا قويماس.

جيناقتاعى ولەڭدەرىن وقىعان جەردەن ونىڭ سۋرەتكەرلىگى الدىمەن كوزگە ۇرىلادى.   قاراڭىزدار:
«اينەكتەن قالا كوكتەپ، قاراعاشتان،
اقپان جاق اق ءشارپىسىن الا قاشقان.
تاۋلاردى قىراۋ شالعان سوزا جىرتىپ،
تەرەزەمنەن الىستاپ بارادى اسپان» (11-بەت). 

   كوكتەمنىڭ جاندى سۋرەتى. تاۋداعى   قارلاردىڭ كۇنگەي-كۇنگەي بەتتەرىنەن باستاپ جىرتىلىپ، سەتىنەپ كەتە باستاعان كورىنىسىن «سوزا جىرتىپ» دەگەن تىركەسى قانداي ايشىقتاعان.
«تۇياعىن تاسى قىرلى قۇزعا تىرەپ،
ارقاسىن شاشى بۇيرا مۇزعا تىرەپ،
ارقارلار المەك-سالمەك جاتۋشى ەدى،
ءمۇيىزىن اسپاندا ايعا سىزداسا ىرەپ».      «قىزىل تىلدە بۋىن جوق» دەپ حالقىمىز بەكەر ايتپاعان عوي،«ءمۇيىزىن ايعا ىرەگەن» قانداي تابىلعان اسەرلەۋ. وسى تەكتەس ادەمى دە جاندى سۋرەتتەر جيناقتىڭ كەز كەلگەن    جەرىنەن كەزدەسەدى،اسىرەسە ( «ساعىنىش سىرلارى»،35-بەت) دەگەن جەلىلەس    ولەڭدەرىندە شىمىرلانا تۇسكەن.

   مادەتبەكتىڭ ولەڭ ستيلىندە وزىندىك   دارالىق بايقالادى. ول داستۇردەن مەيلىنشە سۋسىنداپ،جاڭالىقتى ولەڭ تىلىنەن ىزدەۋگە تىرىسقان. ولەڭدەرىنىڭ ۇلتتىق بوياۋى كۇشتى،بولمىستى سەزىممەن،سۇلۋلىقپەن تانۋدى ۇستانادى. بۇل ەرەكشەلىگى «تۇياق»،«بەكەت» قاتارلى ولەڭدەرىنەن بەلگىلى،ءومىردىڭ زاڭدىلىعىن فيلوسوفيالىق تولعاممەن ەمەس، سەزىمدىك تۇيسىكپەن پويەزياعا اينالدىرعان.

   مادەتبەكتە ءوز ەنشىسىنە العان «ارقار»  دەگەن ليريكالىق كەيىپكەرى مەن «ازىنا»  دەگەن رۋحاني تىرەگى _ اسقار تاۋى بار. مۇنان باسقا ولەڭدەرىندە «ءىلىپ» دەگەن   ەتىستىك پەن «توبىلعى» دەگەن زات ەسىم،   «تارعىل» دەگەن سىن ەسىم ءجيى ۇشىراپ،ويىن بەينەلەۋدە ەرەكشە رول اتقارىپ وتىرادى. ول ساعىنىشىن، ارمانىن، جۇبانىش-  مۇڭىن، تىلەگىن ايتەۋ ءبىر بەينەگە ءىلىپ  قويادى. مىسالى: «كۇن ىلگەن كوكجيەكتىڭ شالعايىنان»،«تال تۇستە ءىلىپ قويىپ تالعا ۇياتىن»،«قامىسقا سوڭعى تۇرعان ءىلىپ  قويدىم»،ت.ب تىركەستەر ءجيى ۇشىرايدى. 

   جيناقتان قازىرشە ازداعان كەمشىلىكتەردى كوزىمىز شالىپ قالدى. ماسەلەن:
«تاڭ اتسا قۇزدان اعار توپ-توپ ارقار،
توبىلعىمەن ءتۇيىپ اپ ايدارلارىن»    (32-بەت). ارقاردا قايدان ءتۇيىپ الاتىنداي ايدار بولسىن؟ونىڭ ۇستىنە،توبىلعىمەن  بىردەڭەنى تۇيەتىن ول ءجىپ سەكىلدى،ەڭ بولماعاندا ءشوپ سەكىلدى جۇمساق تا زات ەمەس.

   مادەتبەك جىرلارى تابيعاتپەن بىتە قايناسىپ كەتكەن، ۇلتتىق ەرەكشەلىگى قويۋ جىرلار. دەي تۇرعانمەن تاقىرىپتارىندا جاڭالىق از، ۇلتتىق تار شەڭبەردەن القىپ شىعا الماعان تار ورىستىلىك بايقالادى. 

4. قۋات اسىلبەك ۇلى _ «كيەلى جاعالاۋ»

   قۋات اسىلبەك ۇلىنىڭ «كيەلى جاعالاۋ»  اتتى جىر جيناعىن جاستاردىڭ تەبىنى قالاي ەكەن دەگەن ويمەن وقي جونەلدىم. 

«ايباتتى اسقاق ەردىڭ ءور ولكەسى،
جۇلدىزعا كەتەر ۇشىپ ول ەرتەسى.
اعاش ساراي ىشىندە وتىر انە،
عاجايىپ قارت ادامنىڭ كولەڭكەسى.
......
العان سوڭ اقيقاتىن اسپان ۇرلاپ،
قالتىراپ ساۋساعىمەن باسقانىندا-اق،
سولق ەتكىزىپ تەربەيدى كوكىرەگىڭدى،
كەڭىستىككە قوبىزدان قاشقان ىرعاق» (55-بەت،«قوبىزشى»). ەلەستەن جاساعان جاندى سۋرەت،اسىرەسە قوبىزدىڭ ءۇنىن وتە وبرازدى،ءدال بەينەلەگەن.
«سوسىن عاجاپ قوشتاسۋدان مەن جۇدەپ،
سوسىن عاجاپ قوشتاسۋدان ول جۇدەپ،
قايىرىلىپ كوپ قارادىق ەكەۋىمىز،
ءبىرىنشى رەت،
ەكىنشى رەت،
سوڭعى رەت.
.......
كەتتى سۇيرەپ جاتقان جولدار ۇزىننان،
جولداردىڭ دا نيەتتەرى بۇزىلعان.
جانارىنان بارا جاتتى جاس ساۋلاپ،
كوكجيەكتەن قۇلاپ تۇردى قىزىل قان»   («عاجايىپ قوشتاسۋ»،65-بەت). كوز الدىڭىزعا ەلەستەتىڭىزشى،رومانتيكالىق ءبىر سۋرەت ايقىن كورىنەدى. اۆتوردىڭ جيناقتاعى ولەڭدەرىنىڭ ىشىندە وسى سەكىلدى سەزىمنەن تۋعان ليريكالىق كەيىپكەرلەرى جان دۇنيەڭدى سۇيىندىرەدى. سونىڭ ءبىرى ولەڭدەرىندە ساناسى كىرشىكسىز، جان دۇنيەسى پاك،سۇلۋ دا سىمباتتى،قوس بۇرىمى بۇلعاقتاعان قازاق ارۋىنىڭ بەينەسىندە كەزدەسە بەرەتىن   «تاۋلىق قىز» دەگەن كەيىپكەرى. ول اقىننىڭ ماحابباتىنىڭ، ساعىنىشىنىڭ،ارمانىنىڭ بەينەسى رەتىندە دارالانىپ تۇرادى. جيناققا ەنگەن ولەڭدەرىنىڭ ىشىندە «جيىرماسىنشى كوكتەم»، «سۇلۋ»، «سۋرەتتەۋ»، «اپاما»، «شەشەمە حات»، «اعا، ولەڭ، بوكتەر» قاتارلى بولىمسىز سيۋجەتتى ارقاۋ ەتىپ جازعان ليريكالارى   تاماشا شىققان. بۇل جاعىنان اقىن وزىنىڭ سۋرەتكەرلىگى مەن شەبەرلىگىن بايقاتادى. بۇدان باسقا «دانىشپان قۇشاعىندا»،«ماحاببات ماۋسىمدارىنان»، «تامىز تولعانىستارىنان» قاتارلى ءبىر تاقىرىپتى ارقاۋ ەتىپ جازعان جەلىلەس ولەڭدەرىنەن ءوزىنىڭ اقىندىق جولىنىڭ سۇلباسى بايقالادى. جيناقتا ازداعان ءالسىز    شۋماقتار دا،تارماقتار دا كەزدەسەدى،ءبىر ولەڭىنەن مىسال الا كەتەيىك:

«مەن ساعان بارعىم كەلدى، كورگىم كەلدى،
ءبىر سەكۋند تا شىدام جوق راسىندا» ( «ماحاببات ماۋسىمدارىنان»،20-بەت).  ەشقانداي سەزىم،ەستەتيكالىق قۋات جوق،جاي بايانداۋ عانا. وسى ولەڭدە تاعى: «جامان بولسا اۆتوبۋزدان كەشىگەم،وزىڭە دە     كەشىككەنمىن... تۇسىنەم!» (26-بەت) دەگەن تارماق بار. مۇندا ءوزىنىڭ ىڭكار قىزىنا ىنتاسىن ءبىلدىرىپ كەلە جاتىپ،قالاي ايتقانى؟  «جامان بولسا» دەگەنى كىم ؟ تۇسىنىكسىز.

 
(جالعاسى 17-شىلدەنىڭ سانىندا)



 
   رەداكتورى: الماگۇل اقاتبەك قىزى
 
   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.