ەەڭ جاڭا مازمۇندار
قارا كۇشتەردى الاستاۋ،سۇرقيا كۇشتەردى جويۋ ارناۋلى كۇرەسى جونىندەگى ۇگىتتى وتباسىلارىنا دەيىن جەتكىزەيىك
شيحۋ قالاسى مەن ساۋان اۋدانى قارا كۇشتەردى الاستاۋ، ۇرقيا كۇشتەردى جويۋ ۇگىتىنىڭ ستەرەولدى جاقتان تولىق قامتۋىن جۇزەگە اسىردى
ايماقتىق پارتكوم 11-رەتكى شارلاپ تەكسەرۋ قىزمەتىنە اتتانىسقا كەلتىرۋ، ورنالاستىرۋ جاساۋ ءماجىلىسىن اشتى
قارا كۇشتەردى الاستاۋدىڭ سەمسەرىن سەرت ۇستاپ، تىنىشتىق پەن ورنىقتىلىقتى جەبەيىك
قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنە ات سالىستى
ەكونوميكانىڭ باياندى، اقاۋسىز دامۋىن جانە قوعامدىق جالپى جاعدايدىڭ ورنىقتىلىعىن ساقتايىق 4-مامىر رۋحىن بارىنشا اسقاقتاتىپ، جاڭا داۋىردەگى جاستار قىزمەتىن ويداعىداي ىستەيىك
جالپى حالىقتى جۇمىلدىرىپ، قارا-سۇرقيا «ۋلى وسپە» نى باتىل الاستايىق
قارا كۇشتەردى الاستاۋ، سۇرقيا كۇشتەردى جويۋ جونىندە ءتۇرلى فورمادا ۇگىت جۇرگىزدى
قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنە ات سالىستى
”ەكىدەن تارىقتىرماۋ، ءۇشتى قامتاماسىز ەتۋ“ دەگى كورنەكتى ماسەلەلەردى كۇش سالا شەشىپ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە دەر كەزىندە قول جەتكىزۋگە باتىل، شىنايى كەپىلدىك ەتەيىك
ورتالىقتىڭ قارا كۇشتەردى الاستاۋ، سۇرقيا كۇشتەردى جويۋ 21-قۋزاۋ-جەتەكشىلىك ەتۋ گرۋپپاسىنىڭ 4-تومەنگە تۇسكەن گرۋپپاسى
تارباعاتاي ايماعى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى جونىندە اقپار جاريالاۋ ءماجىلىسىن اشتى
2019 ـ جىلى 4ـ ايدىڭ 24ـ كۇنى 97 ـ سان
اۆتونوميالى رايوندىق جوعارى حالىق سوتى مەكەمەسى مەن حالىق پروكۋراتۋراسى قارا كۇشتەردى الاستاۋ، سۇرقيا كۇشتەردى جويۋ قىزمەت شاراسىن جانە ناقتى ەرەجەسىن بەلگىلەدى
«ەكىدەن تارىقتىرماۋ، ءۇشتى قامتاماسىز ەتۋ» دەگى ءتۇرلى شارالاردى مۇقيات تياناقتاندىرىپ، كەدەيلىكتەن ارىلتۋدان قامال الۋ شايقاسىنىڭ
مەملەكەت تۋى استىندا قارا كۇشتەردى الاستاۋ، سۇرقيا كۇشتەردى جويۋ جونىندەگى ۇگىت-لەكسيانى تىڭدادى
مەملەكەت تۋى استىنداعى ۇگىت-لەكسيا
جاسىل ءتۇس كومكەرگەن ماي بوياۋلى سۋرەتتەي شەكارا قالا
تارباعاتاي ايماعى قارا كۇشتەردى الاستاۋ، سۇرقيا كۇشتەردى جويۋ ۇگىت - تاربيەسىن ىشكەرىلەي ىلگەرىلەتتى
تارباعاتاي ايماعى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىندە «توردى» تالقانداپ، «باسقالقانى» قيراتتى
2019-جىلى 4-ايدىڭ 23-كۇنى 96-سان
قارا كۇشتەردى الاستاۋ، سۇرقيا كۇشتەردى جويۋ جونىندە ۇگىت جۇرگىزدى
شارۋالارعا قارا كۇشتەردى الاستاۋ، سۇرقيا كۇشتەردى جويۋ جونىندە ۇگىت جۇرگىزدى
قارا كۇشتەردى الاستاۋ، سۇرقيا كۇشتەردى جويۋ حاتىن تاراتتى
شيحۋ قالاسى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى جونىندە ۇگىت قيمىلىن ورىستەتتى
قوبىقسارى موڭعۇل اۆتونوميالى اۋداندىق حالىق سوتى مەكەمەسى قارا-سۇرقيا كۇشتەرگە قاتىستى دەلولارعا ۇكىم شىعاردى
جالپى حالىقتى جۇمىلدىرىپ، قارا-سۇرقيا «ۋلى وسپە» نىڭ تامىرىنا بالتا شابايىق
چىنلاۋچي قىستاعىنىڭ جاڭا كەلبەتى
ديڭۋيشۋان تاعامجايىنىڭ زالالسىز، حوش ءيىستى ساماۋىر سورپاسى
ايماقتىق پارتكوم ارناۋلى تاقىرىپتىق ۇيرەنۋ ءماجىلىسىن اشتى

ايتىس اقىنى ءسوز دوداسىنىڭ شەبەرى عانا ەمەس،قوعامنىڭ جارشىسى

جولدانعان ۋاقىتى : 2017/6/29 17:06:21

  قوڭىروبا سازىندا ولەڭ دوداسى، ونەر سايىسى بولادى ەكەن دەگەندە، دەلەبەسى قوزباعان پەندە بولماسا كەرەك،ءوزىڭىز دە سيلى قوناق رەتىندە وسى الامانعا كۋا بولىپ، ەرەكشە ءبىر اسەرمەن ورالعانىڭىزدى مىنا  كوڭىل تولقىنىسىڭىز ايتىپ وتىرعان سەكىلدى. وسى رەتكى اقىندار ايتىسىندا ءداستۇرلى مادەنيەتىمىزدى جالعاستىرۋشى ورىمدەي جاس ايتىس اقىندارىنىڭ بوي كورسەتۋى قۋانارلىق ءجايت دەپ القاسىپ جاتتى،ءسىز قانداي وي ءتۇيدىڭىز؟

  قىدىرقان مۇقاتاي ۇلى: «تويدىڭ بولعانىنان  بولادىسى قىزىق» دەمەكشى، ەكى جىلدا ءبىر اينالىپ كەلەتىن اقىندار ايتىسىن كۇتكەلى قاشان، مەن، ەمەس-اۋ، قاي وڭىرگە تۇراقتانسا سول ءوڭىردىڭ ەڭبەكتەگەن بالاسىنان  ەڭكەيگەن قارتىنا دەيىن كۇن ساناي باستاعان. مەن، ەڭ اۋەلى، وسى ءبىر ءداستۇرلى ونەرىمىزدى اسپەتتەپ، قولداۋ كورسەتىپ وتىرعان ءار دارەجەلى پارتيا مەن ۇكىمەتكە راقىمەت ايتامىن، جۇيەدەن، ايماقتىق پارتكوم مەن اكىمشىلىك مەكەمەسىنە، وتە-موتە، باستان-اياق بۇقارامەن بىرگە بولعان مۇقيات ۋاليگە توتەنشە راقىمەت! بۇل مەنىڭ عانا العىسىم ەمەس، وسى رەتكى ايتىسقا قوعاداي  جاپىرىلعان ەگىنشى-مالشى بۇقارانىڭ اڭىسى، اقجارما كوڭىلى.

  ءيا، ەڭ اۋەلى، قوڭىروبا ساز جايلاۋىنداعى 21-كەزەكتى اقىندار ايتىسى، مادەنيەت-ساياحات مەرەكەسىنىڭ سالتاناتى وزگەشە بولدى، ولاي دەيتىنىم، بۇرىنعى سياقتى الەم-جالەم ساحنا جاسالمادى، قايتا تابيعي تۇردە تابيعاتپەن قاۋىشىپ، تابيعاتپەن جاراسىم تاپتى. باستالۋ مۇراسىمى جايىندا ايتار بولساق، تۇيەلى  كوشتىڭ كەلىپ ءتۇسۋى، الدىنان سۋسىن الا شىعىپ، كوش بايسالدى بولسىن ايتۋى بايىرعى ساحارا تۇرمىسىن كوڭىل ەكرانىمىزعا كولدەنەڭ  تارتقانداي بولسا؛ ەندى بىردە، جاستاردىڭ ات  ونەرى كورەرمەن قاۋىمدى ەرەكشە ءسۇيىندىردى، بۇدان سىرت،ءار ۇلت ءان-بيلەرى
تارباعاتايدىڭ جاراسىمدى، بەرەكەنىڭ التىن بەسىگى ەكەنىن ايگىلەپ جاتقانداي بولدى.

  ال، ايتىس مادەنيەتىنە كەلسەك، ول ەرتەدەن بۇگىنگە جەتكەن ءداستۇرلى مادەنيەتىمىز، ونى ۇلىقتاۋ، ۇشتاي ءتۇسۋ الداعى ۇرپاق مىندەتى. وندا كەشەگى ساحارا مادەنيەتى، تاپ-تازا ۇلت رۋحى جاتىر. اقىندار ايتىسى تەك قانا ەكى ادامنىڭ ءسوز دوداسى دەپ ءتۇسىنۋ تار ورىستىلىك بولادى، ايتىس ونەرى ارقىلى ادامداردى وياتىپ،سەرپىلتىپ وتىرعان، سونداي-اق ءمورالدىلىققا، ادامگەرشىلىككە، جاراسىمدىلىققا شاقىرۋمەن بىرگە، يناۋاتتى، ءبىلىمدى بولۋعا جەتەلەپ، حالىق  ىشىندە ساقتالعان بەرەكەسىزدىك، جىكشىلدىك جاعدايدى، جالقاۋ، جاتىپ ىشەر توعىشارلاردى جەرىنە جەتە شەنەپ، ادامداردى ىزگىلىككە، ەڭبەكشىلدىككە شاقىرادى. بۇل  اسىل مۇرامىزدى ءبىز تىپتەن قاستەرلەپ، ۇرپاققا بەرەر قادىر-قىمباتىن تىپتەن بيىكتەتىپ،ءتۇرلى فورمالار ارقىلى ىرگەسىن كەڭەيتە ءتۇسۋىمىز كەرەك دەپ ويلايمىن. الامان ايتىس، شىنىندا، تالايدان بەرگى كوكسەگەن حالىقتىڭ رۋحاني ءشولىن ءبىر باسقانداي بولدى، حالىقتىڭ ەركىنە سالسا، تاڭدى تاڭعا جالعاپ تىڭداعىسى كەلەدى. الايدا،ءارقانداي قيمىلدىڭ بەلگىلى شەگى بولادى عوي.

  قوڭىروبا سازىنداعى وسى رەتكى اقىندار ايتىسىنا 26 اقىن قاتىناستى، ارينە، جاعدايعا قاراي ءىس كورمەسە دە بولمايدى. ونىڭ سىرتىندا تەرمەشىلەر، قوبىزشىلار، سىبىزعىشىلار، دومبىراشىلار دا بار. قارا جارىستان  اقىنداردىڭ سۇرىپتالۋى دا جاقسى بولدى، ءيا،«ات شاپپايدى،باپ شابادى » دەمەكشى، جارىس بولعان سوڭ ۇتىس، ۇتىلىستىڭ بولاتىنى ءسوزسىز، جالپى تىڭ تەبىن بايقاتقان جاس اقىندارىمىزدان جاڭا زاماننىڭ، باقىتتى ورتامىزدىڭ، جاراسىمدى قوعامنىڭ جىرشىلارىنا لايىقتى جارقىن بەينەلەرىن كورە الدىق. ولاردا قوعامنىڭ جالپى جاعدايىنان ساۋاتتى اڭعارلىلىق بايقاتتى، مۇندا ۇلتتار ىنتىماعىن، جاراسىمدىلىقتى، ورتانى قورعاۋ، ونەر-بىلىمگە تالپىنۋ سياقتى مازمۇنداردى قامتۋمەن بىرگە، جەڭىل، جاراسىمدى ازىلدەرگە دە بارىپ،   كورەرمەندى كۇلكىگە كومدىردى. الايدا، حالىقتىق تىلگە ءالى دە كەندەلىك ەتەتىن سەكىلدى. ءسوز اقىندار ايتىسى جايىندا بولعان سوڭ ايتا كەتەيىن، اقىندىق %1 تۋما تالانت پەن %99 ىزدەنىستەن كەلەدى، ول دا باۋلىسىن كورۋدى قاجەت ەتەدى، قاراپايىم وسىمدىك تە ءبۇر جارعاننان كەيىن ونى سۋارىپ باپتاپ تۇرۋ قاجەت، انە اقىنداردا سونداي. كوپ كىتاپ وقۋ، بۇرىنعى ايتىستاردى كوپ تىڭداپ، ءوزىن ۇزدىكسىز تولىقتىرىپ وتىرۋمەن بىرگە، ادەتتە اۋىل اراسىندا بولاتىن ايتىستارعا ۇنەمى قاتىناسىپ، وزدەرىن شيراتىپ، سومداپ وتىرۋ كەرەك. شەشۋشى ايتىستى جۇپتاستىرۋدا ناعىمان مەن باقىتقاننىڭ ايتىسى كەرەمەت بولدى، مۇنداي جۇپتاسۋ بۇرىن-سوڭدى سيرەك ۇشىرايدى. ورەسى دە جاقسى بولدى. ۇلكەن مايدان كورمەگەن جاس اقىنداردان شاعانتوعايدان كەلگەن ماقساتتىڭ، قوبىقسارى اۋدانىنان كەلگەن شولپاننىڭ، دوربىلجىننەن جۇرسىنگۇلدىڭ، شاۋەشەكتەن گۇلشاعيدىڭ ايتىستارى كۇشتى اڭىس قوزعادى،بۇلاردىڭ كەيبىرى شەشۋشى جارىسقا كىرە الماسا دا كورەرمەن حالىق جاعىنان ەرەكشە قولداۋعا يە بولدى. ءاسىلى، «تۇيەنىڭ تانيتىنى جاپىراق» دەمەكشى، ءبىز بۇرىننان كەلە  جاتقان بىرنەشەۋگە جابىسىپ قالماي، جاس بۋىندارعا دا وراي بەرىپ، قاناتىن ۇشتاۋىمىزدى ويلاستىرعانىمىز ءجون بە دەپ ويلايمىن. مۇنداعى جاس بۋىنداردىڭ وزىنە ءتان دارالىعىن، تالپىنىسىن كورىپ قۋانىپ قالدىق، بوگەنايى بولەك ءداستۇرلى ونەرىمىزدىڭ ءورىسىن كەڭەيتە ءتۇسۋ وسىلاردىڭ مىندەتى.

  رەداكتورى : اراي ەركىن قىزى

  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى