ەەڭ جاڭا مازمۇندار
قارتتاردىڭ تۇرمىس ورتاسىنىڭ حاۋىپسىز بولۋىنا كەپىلدىك ەتتى
2018-جىلى 11-ايدىڭ 13-كۇنى 250-سان
2018-جىلى 11-ايدىڭ 12-كۇنى 249-سان
2018-جىلى 11-ايدىڭ 10-كۇنى 248-سان
«ءبىز قىزمەت اترەتىنە العىس ايتامىز»
مۇقيات حالىق تۇرمىسى قۇرىلىسى نىساندارىنا تەكسەرۋ-زەرتتەۋ جۇرگىزدى
ءدوربىلجىن اۋدانىندا اۋلاعا ەگىلگەن ساپالى جەمىس-جيدەك، كوكونىستەردى سارالاۋ جارىسى ءوتتى
مەملەكەتتە ءبىرتۇتاس قولدانىلاتىن ءتىل-جازۋدى ۇيرەنۋ ارناۋلى ايدارى
2018-جىلى 11-ايدىڭ 9-كۇنى 247-سان
2018-جىلى 11-ايدىڭ 8-كۇنى 246-سان
2018-جىلى 11-ايدىڭ 7-كۇنى 245-سان
ماقتا تەرۋ قىزمەتى ءساتتى اياقتالدى
حالىق بۇقاراسىنا پارتيا مەن ۇكىمەتتىڭ قامقورلىعىن سەزىندىردى
قىستاق تۇرعىندارىنىڭ قيىنشىلىقتارىن شەشىم ەتىپ كەلەدى
شۇعىل جاعدايعا توتەپ بەرۋ بىلىمدەرىن تولىقتىردى
قارامايلى-شاۋەشەك تەمىر جولى ءبىرىنشى مەرزىمدىك قۇرىلىسىنىڭ رەلس توسەۋ جۇمىسى ءساتتى اياقتادى
مەن وقيتىن بولدىم
قىزمەت اترەتىنە ءدان ريزامىز
ورتانى قورعاۋ جاياۋ ءجۇرۋ قيمىلىن ورىستەتتى
ءار ۇلت حالقىن اۋقاتتانۋ جولىنا باستادى
مادەنيەتتى كولىك جۇرگىزۋىنە جەتەكشىلىك ەتتى
ەرىكتىلەر تۇرعىندار شاعىن رايونىنداعى قوقىر-قوقسىقتاردى تازالادى
ايماقتىق پارتكوم مۇشەلەر (كەڭەيتىلگەن) ءماجىلىسن اشتى
وتانشىلدىق سەزىمدەرىن تاسقىنداتتى
پارتيانىڭ ءتيىمدى ساياساتىن جەتكىزدى
ەكولوگيالىق وركەنيەت قۇرىلىسىن بار كۇشپەن ىلگەرىلەتتى
ءتورت تۇلىك مالدىڭ قىس قىرىنان امان وتۋىنە كەپىلدىك ەتتى
حالىق تۇرمىسىنا تيىمدىلىك جاساۋ نىسانى قۇرىلىسىن قاۋىرت جۇرگىزۋدە
شۋە بين شاۋەشەك قالاسىندا كەدەيلىكتەن قۇتىلدىرۋدان قامال الۋ قىزمەتىنە تەكسەرۋ-زەرتتەۋ جۇرگىزدى
2018-جىلى 11-ايدىڭ 5-كۇنى 243-سان

جان-جاقتىلى جاراسىم تاپقان مەرەكە بولدى

جولدانعان ۋاقىتى : 2017/6/29 16:59:29

  21-كەزەكتى اقىندار ايتىسى، مادەنيەت-ساياحات مەرەكەسىنىڭ باسقا اقىندار ايتىسى، ساياحات مەرەكەسىنەن ەرەكشەلەنەتىن قانداي تۇستارى بار، توقتالا كەتسەڭىز ؟
  
  كارىم دۇيسەنباي ۇلى: 21-كەزەكتى اقىندار ايتىسى، مادەنيەت-ساياحات مەرەكەسى تارباعاتاي ايماعىنىڭ ءداستۇرلى ۇلتتىق مەرەكەسىنىڭ ءبىرى، 40 جىلدان بەرى جالعاسىپ كەلە جاتقان ۇلكەن حالىقتىق داستۇردەگى مادەنيەت مەرەكەسى، بۇل جولعى اقىندار ايتىسىنىڭ ءوز ەرەكشەلىگى بار. ءبىرىنشى، ايتىس ساحناسى تابيعاتتى ارقاۋ ەتكەن، كول، تاۋ، مالشىلار ءومىرى، ساحارا كورىنىسى، مالشىلاردىڭ تۇرمىس-تىرشىلىگى، سالت-ءداستۇرى ارقاۋ ەتىلگەن. ەڭ باستى ەرەكشەلىگى ادام مەن تابيعات، ساحنانىڭ تابيعيلىعى، ياعني اسپان، اقشا بۇلت، قارلى تاۋ، قوڭىر ءدوڭ،قۇسقا تولعان كول، كول شەتىنە تىگىلگەن اقبوز ۇيلەر، بيە باۋلار، كول شەتىندە جايىلعان ايعىر ءۇيىرى، قوي، سيىرلار... وسىنىڭ بارلىعى ايتىستا تابيعي ساحنانىڭ ارتقى كورىنىسى بولعان. بۇل كورىنىستە، اسىرەسە تاياۋ تۇرعان قوڭىروبا سازىنداعى كول، كولدە نەشە ءتۇرلى قۇس ءجۇر، سارالا قاز، تىرنا، شاعالانىڭ ءتۇر-ءتۇرى بار. ال، بۇرىننان بەرى بولا بەرمەيتىن ءبىر توپ اققۋ ءجۇر، سوندىقتان سونىڭ بارلىعى ءبىزدىڭ ساحنامىزدى جاندى، شىنايى، تابيعي، ادام مەن تابيعات ءوزارا جاراسىمدىلىق تاپقان ءبىر جاقسى كورىنىس بولدى.  ەكىنشى جاعىنان العاندا، بۇل ءبىزدىڭ تارباعاتايدىڭ ءوزىنىڭ قوعامىنا ۇقسايدى. ءبىز تارباعاتايدى ۇلتتارى ىنتىماقتى، بەرەكەلى، قوعامى تىنىش،بەيبىت ءبىر ايماق دەپ قارايمىز، ال،وسى بەرەكە، وسى بەيبىتشىلىك، وسى ءبىر جاراسىمدىلىق تۋرا وسى تابيعاتتان دا بايقالىپ تۇردى، ادامدارى دا جايدارى،تابيعاتى دا جايدارى،ساحنامىز دا وتە تابيعي بولدى. ەكىنشى، وسى رەتكى اقىندار ايتىسىنىڭ ۋاقىتى جاقسى تاڭدالعان، قالاي دەسەڭىز،ءۇش «21» قاتار كەلگەن 21-عاسىر، 21-  ماۋسىم، تارباعاتاي ايماعىنىڭ 21-كەزەكتى اقىندار ايتىسى. وسى ءۇش «21» ادام مەن تابيعاتتىڭ ءوزارا جاراسىمدىلىعىنىڭ بەينەسى. سوندىقتان ونەرپازدار بولسىن، اقىندار ايتىسىنا ات سالىسقان جالپى قىزمەتكەرلەر بولسىن، كورەرمەندەر  بولسىن  وتە  كوڭىلدى. ءۇشىنشى، 62 كيىز  ءۇي  دومبىرا  فورماسىندا  تىگىلگەن.ءتورتىنشى، ايتىستىڭ باستالۋ سالتى بۇرىنعى ايتىستاردان وزگەشە بولدى. ايتالىق، ساحارا ءومىرىن، قازاقتىڭ مادەنيەتىن، سالت-ءداستۇرىن بەينەلەيتىن كولەمدى ساحنالىق شىعارما (كولەمدى ءان-ءبي تەاترى) قويىلدى. بەسىنشى، جارىستىڭ ءتۇرى مول، مازمۇنى باي، كولەمى كەڭ بولدى. التىنشى، قيمىلدىڭ اشىلۋ، جابىلۋ مۇراسىمى «قوس تىلدە» جۇرگىزىلدى. جەتىنشى كورگىزبە رايونىندا كونە مۇرالار، قولونەر بۇيىمدار، تىگىنشىلىك، ورىمشىلىك ورىن الۋمەن بىرگە، عىلىم-تەحنيكا، زاڭ بىلىمدەرى ۇگىتتەلىپ، كورەرمەندەردىڭ كوز اياسى كەڭەيىپ، ءبىلىم ورەلەرى جوعارىلادى. سەگىزىنشى، بۇكىل ەلىمىزدەگى اقپارات  ورىندارىنىڭ تىلشىلەرى قاتىناستى. ەندى ءبىرى، حالىق تۇرمىسىنىڭ جاقسى بولعاندىعىنىڭ تاعى ءبىر بەينەسى، كۇنى-ءتۇنى اۆتوكولىك ۇزىلگەن جوق، قاتىستى ورىنداردىڭ تولىقسىز مالىمەتىنە قاراعاندا، وسى 3 كۇندە اقىندار ايتىسىنا قاتىسقان  ادام 30 مىڭنىڭ ۇستىندە ەكەن، مەن اقىندار ايتىسىنىڭ جابىلۋ سالتىنىڭ دايىندىق قىزمەتى بايلانىسىمەن تولى اۋدانىنان قوڭىروبا سازىنا قاراي كەلە جاتىپ، جولدا قوڭىروبا سازىنان تولى اۋدانىنا كەتىپ بارا جاتقان اۆتوكولىكتى سانادىم. 1200 دەي اۆتوكولىك، موتوتسيكل ماعان قاراما-قارسى ءوتتى. وسىنىڭ ءوزى ءبىزدىڭ حالقىمىزدىڭ تۇرمىس دەڭگەيىن كورسەتەتىن بەلگى. ءبىرى،قاتىناسقان ادامنىڭ كوپتىگىن بىلدىرسە؛ ءبىرى، جالپى حالقىمىزدىڭ وسى اقىندار ايتىسىنا دەگەن قۇرمەتى، اقىندار ايتىسىنا قاتىناسۋ قىزعىندىلىعى، مەرەكە ەكەن دەپ ءبىلۋى. ەندى ءبىر جاعىنان، حالىق تۇرمىسىنىڭ جوعارىلاعاندىعى، وسى ورايدا  اقىندار ايتىسىن ۇيىمداستىرعان كوميسسيا اتىنان ورتالىقتان، اۆتونوميالى رايوننان، وبلىستان، ايماقتان، اۋداننان كەلىپ قيمىلىمىزدى سىرتقا ۇگىتتەگەن ءتىلشى قاۋىمعا كوپ-كوپ راقىمەت ايتامىن.

  رەداكتورى : اراي ەركىن قىزى

  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى