مەيرامگۇل مۇسىنات قىزى حابارلايدى. قوبىقسارى موڭعۇل اۆتونوميالى اۋدانى بوستونكە مال فەرماسىنىڭ مال شارۋاشىلىق قىستاعى ۇلانعادا قىستاعى جانە بۇعىتى قىستاعى ءتورت تۇلىك مالىنىڭ قامى ءۇشىن فەرما ورتالىعىنان شالعايدا، جەردىڭ شۇرايلىسىن، سۋدىڭ تۇنىعىن قۋالاپ كوشپەندى تۇرمىس كەشىرەتىندىكتەن، مالشىلاردىڭ قىسى–جازى كوكونىس ساتىپ الىپ تۇتىنۋى توتەنشە قيىنعا تۇسەتىن، جايشىلىقتا مالشى بۇقارا كوكونىس تۇتىنۋ ءۇشىن، مال شارۋاشىلىق رايونىنان 80 شاقىرىم شالعايداعى اۋدان ورتالىعىنان ساتىپ اكەلەتىن بولعاندىقتان، كەيدە ەكى اپتا بويى كوكونىس تۇتىنا الماۋ قالىپتى جاعدايعا اينالىپ قالعان، ولار نەگىزىنەن ءۇش ۋاقىتتىق استا نان، ءسۇت ونىمدەرى، قوي ەتى قاتارلىلاردى تۇتىناتىن.
وسى ەكى قىستاققا تومەنگە تۇسكەن اۋداندىق ورمان شارۋاشىلىعى مەكەمەسىنىڭ قىزمەت اترەتى ءار جولى وتباسىلارىن ارالاپ احۋال ۇعىسقاندا، مالشىلاردىڭ وتباسىنداعى كوكونىس تۇتىنۋى قيىن بولۋ ماسەلەسىن بايقاپ، اپتا سايىن ءوز جاندارىنان قاراجات شىعارىپ، قىستاق تۇرعىندارىنا كوكونىس جەتكىزىپ تۇرۋدى ۇيعارادى، جاپ–جاسىل جاڭا كوكونىستەردى تاپسىرىپ العان ۇلانعادا قىستاعىنىڭ مالشىسى گىميڭ تەبىرەنگەنىنەن: «سىزدەر ءتۇرلى جاڭا كوكونىستەردى وتباسىمىزعا دەيىن جەتكىزىپ بەرىپ، پارتيانىڭ حالىققا تيىمدىلىك جاساۋ ساياساتىنان شىنايى يگىلىكتەندىردىڭىزدەر، سىزدەرگە العىسىمىز شەكسىز» دەدى.
مىنە وسىلايشا، قوبىقسارى موڭعۇل اۆتونوميالى اۋدانى بوستونكە مال فەرماسىنىڭ ۇلانعادا قىستاعى جانە بۇعىتى قىستاعىنا تومەنگە تۇسكەن اۋداندىق ورمان شارۋاشىلىعى مەكەمەسىنىڭ قىزمەت اترەتى بۇقارانىڭ تۇرمىسىنداعى ءاربىر ۇلكەندى-كىشىلى قيىنشىلىعىن كوزدە ۇستاي وتىرىپ، شىنايى شەشىم ەتىپ،حالىق بۇقاراسىنىڭ ناعىز جان اشىر جاقىنىنا اينالدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى