ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

قوس بۇرىم

جولدانعان ۋاقىتى : 2017/6/19 12:02:19

قانات ابىلقايىر ( قازاقستان )    ( اڭگىمە )
   وتكەن عاسىردا بولعان وقيعا. بۇل عاسىردا دا بولۋى بەك مۇمكىن. ول جان جارىن ىزدەپ   ءجۇرىپتى-مىس. جىگىت اعاسى. جاسى جيىرمانىڭ ەكەۋىندە. مىنگەن جاراۋ اتى شالدىعىپ، «دالاعا قونعانشا،مولاعا قون» دەگەن وسيەت بويىنشا قاراسى مول قورىمعا تۇنەگەن. تۇندە ءتۇس كورىپتى. تۇسىندە ايان بەرىلىپ، بالەنشەكەنىڭ بەسىگىندەگى سابيىمەن نەكەلەنەتىنىن ءبىلىپتى. بالەنشەكەنىڭ ۇيىنە بارسا، ايەلى قىز بوسانعان ەكەن. تۇندە سول ۇيگە قۇدايى  قوناق بولىپتى. جيىرما ەكىدەگى تەپسە تەمىر ۇزەر سوقتالداي جىگىت، بۇل قىزدى كۇتە  المايتىنىن ءبىلىپتى. سولايشا، جاراتقاننىڭ جازۋىنا قارسى كەلىپ، بەسىكتەگى ءسابيدىڭ جۇرەگىنە پىشاق ۇرىپ قاشىپ كەتىپتى. ودان سوڭ، ودان  سوڭعى  اڭگىمەنى  كەيىن  ايتايىن. 

   اۆتوبۋز ءىشى... قاپىرىق. ءان. اۋەن. ساپىرىلىسقان حالىق. الماتى. 

   تاعى دا سول ءبىر ساز. ءومىر ءانى. سول قالا. سول اعىس. سول تىرشىلىك. جۇمىس. ءۇي. ءۇي جۇمىس. تەلوفون شىرىلى. قالام مەن قاعاز. قول قويۋ. كەلىسۋ. كەلىسپەۋ. ايلىقتى كۇتۋ. جۇمىستان كەشىككەندەرگە سوگىس جاريالاۋ. توعىز بەن التىنىڭ اراسىندا ءبىر توپ ادامدى جيناپ الىپ، قاماپ وتىرۋ. نەگە ەكەنى بەلگىسىز ايتەۋىر ءبىر ءۇمىت شىراعى الدان قول بۇلعايتىن سياقتى. ايتپەسە...

   اۆتوبۋز ءىشى... سوڭعى كەزدەرى سول ءۇمىت شىركىنگە كۇدىك ۇلاسقان. ادامى كوپ قالادا ءوزىنىڭ جالعىز ەكەنىن سەزىنگەن.   جالعىز. تەك ءوزى. باسى اۋىرسا سۇيەيتىن، سۇيەنەتىن ەشكىمى جوق. دوستار ما؟ دوستارى كوپ ونىڭ. سەنبى،جەكسەنبىدە باستارى قوسىلادى. گۋىلدەتەدى. قىزدار. اسىر سالىپ بيلەيدى كەلىپ... سودان... سودان ازداپ   سىرالاتىپ الادى. ونداي ساتتەردە تىم باتىل. ءبىر ۇزىن ەتەكتىگە كەنەشە جابىسادى. ولار دا   بۇنىڭ كوكىرەگىنەن يتەرگەن ەمەس. 

    اۆتوبۋز ءىشى... ايالداما. قوعامدىق كولىك كۇتكەن جالدامالىلار. جولاقىعا كۇنى قاراعان اۋىلدىڭ قارا دومالاقتارى. شارشاپ شالدىعىپ كەلەدى. تاعى دا جالعىز. ءىشى ءبىر سۇمدىق كۇيگە ەنەدى. بىرەۋدى قۇشاقتاعىسى كەلەدى،بىرەۋدى ايالاعىسى، بىرەۋدى قۋانتقىسى، كىمدى؟ 

   اۆتوبۋز ءىشى. بۇگىن گازەتتىڭ اقىرعى  بەتىنە قول قويىپ باسۋعا جىبەردى. ءۇھ،  ەرتەڭ ارقاسى كەڭىپ قالاتىن بولدى. ول ۇيگە قايتىپ كەلە جاتىپ گۇل ساتىپ الدى. گۇل  قاۋىزى ۇلپىلدەپ تۇر. كىمگە ساتىپ الدى؟ نەگە؟ ءوزى دە بىلمەيدى. كۇندەلىكتى ىڭىلداپ ايتىپ جۇرەتىن «ءومىر» اتتى انىنە اۋەز قوسقىسى كەلگەن. اۋەز. 

   اۆتوبۋز ءىشى. كەشەگى گۇلىن كىمگە سيلارىن بىلمەي، اقىرى بولكوننان لاقتىرا سالعان. ەرتەڭ دوستارىمەن باس قوسادى. تاعى دا جالعىز بارادى. ولار قۇربى قىزدارىن، قۇربى قىزداردىڭ قۇربىلارىن الا كەلەدى. تاعى بىرەۋىمەن تانىسادى. تاعى... 

   اۆتوبۋز ءىشى. بەيعام وتىرعان. تۋ سىرتىنان بىرەۋلەر كۇلدى،كۇبىر-كۇبىر. 

   _ ەمتيحاندا وعان كومەكتەسۋدىڭ ورنىنا نەگە كەلەمەجدەدىڭ؟ 

   _ قويشى ونى، قيالي ما بىردەڭە. 

   ءدال جون ارقاسىندا ەكى قىز تۇر. بۇرىلىپ قاراۋعا يمەندى. 

   _ بىلەسىڭ بە؟ وتكەندە ول ماعان حات جازىپتى. 

   _ حات ...
 
   ەكى قىز ىشەك-سىلەسى قاتقانشا كۇلدى.
 
   _ جازۋىن ميكروسكوپپەن قاراساڭ وقي المايسىڭ. جىرتىپ-جىرتىپ تاستاي سالدىم. 

   _ ايبارشا، ول سەنى شىنىمەن-اق جاقسى كورىپ قالعان سياقتى. 

   تۇسەتىن ايالداماسىنا كەلىپ قالىپتى. ورنىنان تۇرا بەرىپ، قىزدار جاققا كوز قيىعىن تاستادى. ولار قارايتىن ەمەس. 
 
   ايبارشا. ول قىزدى حات جازعىش جىگىتتەن قىزعاندى، قىزىق، نەگە؟ نە ءۇشىن؟  قىزداردىڭ كۇلكىسى تيىلار ەمەس. 

   الماتىنىڭ جۇرگىنشىلەر جولى قارا جەرگە ارقاسىن بەرىپ شالقالاپ جاتىر. بۇل جول ونى جەتەلەپ سول ءبىر دوستارىنىڭ ۇيىنە الىپ كەلدى. دۋمان قىزا باستاپتى. اناۋ ۇزىن شاشتى بوياقشى جىگىت ءوزىنىڭ بوياعى جايلى اڭگىمەلەپ جاتىر. ونىڭ ادام پسيحولوگياسىنا ەتەتىن اسەرى... قىرۋار. وتكەندە دە وسى اڭگىمەنى ايتىپ وتىرعان. بۇعان قارادى. وتكەن جولى دا سويتكەن...

   _ ءبىزدىڭ جۋرناليست كەلدى. تانىسىپ قويىڭدار! 

   تاعى دا سول كەكەسىنمەن ايتتى.

   _ بايقاڭدار تاڭ اتقانشا ولەڭ وقىپ مازالارىڭدى الماسىن. 

   _ جانارا. 

   _ بالنۇرا. 

   _ جاننا.

   بۇل ادەتتەگىنشە وزىنە ۇناعان قىزىنا (بۇل جولى جانناعا) قاراپ تۇرىپ ەسىمىن ايتتى. 

   _ سوندا قالاي جانارا، بالنۇرا سىزدەردىڭ اتتارىڭىز ءاۋ باستا جانار بالنۇر بولعان عوي. 

      ەكى قىز ساسىپ قالدى. 

   _ ال، ءسىزدىڭ اتىڭىز جان با؟ 

   قىزدار بۇنىڭ كوڭىلى ءۇشىن كۇلگەن بولدى. دۋمان جالعاستى. بۇل سول باياعى كەيىپتە. كوڭىلدى، ازداپ سىرالاتقان. جاننا دا بۇعان جاناسا تۇسەدى. قىزدى دالاعا سەرۋەندەپ قايتۋعا شاقىردى، شىقتى. جاتتاندى سوزدەرىن بوراتتى. ول بۇنى، بۇل ونى ۇناتىپ قالىپتى. ەكەۋى بىرىگىپ تەمەكى شەكتى. ودان سوڭ، بۇل اقىرىن عانا قىزدىڭ قولىن ۇستادى، وزىنە تارتتى. قارسىلىقسىز. 

   ءوزى تالاي رومان تاۋىسقان ەدى. سول شىعارمالاردىڭ بارىندە ايتەۋىر سۇيگەنىنە جەتە الماعاندار ءجۇرۋشى ەدى. ءوزى دە سول شىعارمانىڭ كەيىپكەرى بولعىسى كەلەتىن. تەك وسىنداي ساتتەردە عانا توسىننان تۋلاعان سەزىمىن نوقتالاي الماي قالاتىن. تاعى دا ءسويتتى. ەشتەمە بولماعان سياقتى. بۇل ومىردە جاننا اتتى قىزدىڭ بارلىعى،وعان بۇل جىگىتتىڭ ءبىر ساتكە قۇلاي بەرىلگەنى... ءبارى-ءبارى وتىرىك. 
اۆتوبۋز ءىشى. مۇڭ، اۋىر مۇڭ ارقالاپ  الدى. جالعىز. تەك ءوزى. كۇلكى ەستىلدى. تاعى دا كەشەگى ەكى قىز. 

   _ كەشە قولىندا گۇلى بار، اناۋىڭ كەتىپ بارا جاتىر ەدى عوي. 

   _ ءيا، كەلىپتى. جاتاقحانادا جوق ەدىم. 

   سىڭعىر-سىڭعىر. جاننا ەكەۋىنىڭ ستاكان سوعىستىرعانى ەسىنە ءتۇسىپ كەتتى. 

   _ ىدىسىمىز سوعىلىسقانمەن، باسىمىز   سوعىسپاسىن! 

   سىڭعىر-سىڭعىر. ەكى قىزدىڭ كۇلكىسى ەكەن. جۇمىستىڭ ايالداماسىنا كەلىپ قالىپتى. باسى ءالى اۋىرىپ تۇر. ءبىر بوتەلكە سىرا بولار ما ەدى؟ 

   اۆتوبۋز ءىشى. ەكى قارت اجەي كەتىپ بارا جاتىر. بۇل سولاردىڭ ماڭىنا بارىپ تۇرعان. 

   _ ءبىزدىڭ كەزىمىزدە الماتى قانداي ەدى؟ 

   اڭسارى اۋعاندىق بايقالادى. اجىمىنىڭ ۇستىنە بوياق جاعىپ الىپتى. كەشەگى ەكى قىزدى ىزدەدى. جوق. ايبارشا جوق. ءبىر سۇمدىق.    ساعىنعان سياقتى،كىمدى. ەكى رەت اۆتوبۋزدا كەزدەسكەن قىزدى ما؟ كەزدەسپەگەنىنە وكىندى. 

   سودان سوڭ... وتكەن عاسىر. كوشىپ-قونعان جۇرت. الگى جىگىت ءالى ۇيلەنبەگەن. ارادا ون بەس جىل ءوتىپتى. ون بەس جىل. ءبىر كۇنى ەل ارالاپ كەلە جاتسا، تەزەك تەرگەن ءبىر توپ ارۋعا جولىعىپتى. ءبىر قارا بۇلت ءۇيىرىلىپ كەلىپ، نوسەردى توپەلەتىپ جىبەرىپتى. قىزدار اۋىلعا قاراي قاشا جونەلىپتى. تەك قوس بۇرىمى بوكسەسىنە جەتەتىن بىرەۋى عانا تەزەگىنىڭ ۇستىنە شاپانىن جاۋىپ، ءوزى استىنا كىرىپ قالىپ كەتىپتى. تەزەگى دە، ءوزى دە سۋ بولماپتى. جىگىت اعاسى قىزدىڭ اقىلدىلىعىنا ءتانتى بولىپ، ءۇيىنىڭ قاي جاقتا ەكەنىن سۇراپتى. «قىرىق نايزالى ءۇي بىزدىكى» دەپتى قىز. 

   الماتى. اۆتوبۋز ءىشى... ءان. اۋەن. ساپىرىلىسقان حالىق. 

   ءومىر. سول قالا. سول اعىس. سول تىرشىلىك. ساباق ءۇي. ءۇي ساباق. اۋىلدى ساعىنعان. اۋىلدا ءبارى وزگەشە ەدى. تالاي جىگىتتى عاشىق قىلىپتى. تالايى زار جىلاپ ارتىنان   جۇگىردى. ەشقايسىسىنا دا قاراعان ەمەس. وقۋدى بىتىرگەن سوڭ، ءوز تولەگەنىمدى تابارمىن دەپ ويلاعان. ءۇمىت شىركىنى سول وقۋىنىڭ بىتۋىنە قاراپ تۇر. ءبىراق، سەزىم مۇشەلەرى وقۋىنىڭ ءبىتۋىن كۇتە المايدى ەكەن. كۇن ساناپ تولىسىپ بارادى. كۇن ساناپ ءوزىنىڭ ۇلبىرەپ ءپىسىپ بارا جاتقانىن اڭعارادى. كۇندە توسەگىندە اۋناقشىپ شىعادى. بىرەۋدى ويلاعىسى كەلەدى. كىمدى؟ بىرەۋ بۇعان اناۋ قىردىڭ ار جاعىندا قول بۇلعاپ تۇرعان سياقتى بولادى. تۇنىمەن تەرەزەسىنىڭ سىرتىندا ءوزى سۇيەتىن جىگىت مۇنى باعىپ قاراپ جۇرگەن سەكىلدى. باتىپ كەلە المايدى. الىستاپ كەتە المايدى. جاقىندا. 

   اۆتوبۋز ءىشى... سوڭعى كەزدەرى سول  ويىنداعى جىگىتتى ويلاماۋعا تىرىسىپ ءجۇر. ايتپەسە قيالي بولىپ كەتەتىن ءتۇرى بار. ادامى كوپ قالادا ءوزىن جالعىز عانا ەكەنىن سەزىنگىسى كەلگەن. جالعىز. تەك ءوزى. باسى     اۋىرسا، سۇيەيتىن، سۇيەنەتىن ەشكىمى جوق. 

   اۆتوبۋز ءىشى. قۇربىسى. ونىڭ ايتا بەرەتىنى انەبىر قيالي جىگىتى. تاعى دا سول اڭگىمەنى ايتىپ وتىر. اناۋ ءبىر ورىندا ءار كەز ءبىر   جىگىت وتىرادى. ۇرلىقشى سياقتى. ۇرلانىپ قارايدى. بۇل بايقاماعان بولادى. ول ءبىرسۇمدىق. سۋىق. جانار مۇڭدى سەكىلدى.  شاشى جەلبىرەپ موينىنا تۇسەدى. بويى الاسا. ءبىراق، تولىق.  ونىسى وزىنە جاراسادى. 

   اۆتوبۋز ءىشى. بۇل بۇگىن جالعىز كەلە  جاتىر. قوس بۇرىمىن كۇندەگىدەي ادەمىلەپ ءورىپ العان. انەۋ جەردە وتىراتىن جىگىتتى كوردى. تەرەزەگە تەلمىرە قالىپتى. كوزىنە قارا كوزىلدىرىك تاعىپتى. مۇڭلى جانارىن كورگىسى كەلگەن. كورە المادى. جاقىنىراق بارىپ   تۇرعىسى كەلدى. ءبىراق، ىڭعايسىز. 

   اۆتوبۋز ءىشى. اۋىلى ەسىنە ءتۇستى.  شاشىن اجەسى ءورىپ بەرەتىن. اجەسى شىناشاقتاي عانا قارا كەمپىر، سارقىت. اۋلەتى ءۇشىن وتكەن عاسىردان قالىپ كەتكەن جادىگەر، ءتىرى جادىگەر سول كىسى ەدى. ول كىسى شاشىن قوس يىعىنان توگىلدىرىپ، ورگەن كەزدە قازىرگى «شاش جوندەگىشتەر» شاڭ قاۋىپ قالاتىن. قوعامدىق كولىككە مىنگەندەردىڭ ەڭ الدىمەن وسىنىڭ شاشىنا كوزدەرى تۇسەدى. وعان قۋانادى، ارينە... 

   اۆتوبۋز ءىشى. بۇگىن الگى جىگىت بۇعان ورىن بەردى. اتىن ايتتى، سالقىن. ءبىراق، ىستىق. كوڭىلى الا بۇرتىپ سالا بەردى. سازدى اۋەن ەستىلەتىن سەكىلدى. 

   _ بۇرىمىڭىز ادەمى ەكەن، _ دەدى. 

   _ قىزداردىڭ جۇرەگىن جاۋلاۋدى ۇيرەنگەن قۋ ەكەنسىڭ، _ دەدى بۇل ىشتەي. 

   _ ءسىزدىڭ مەكەن-جايىڭىزدى بىلسەم بولا ما؟ _ دەگەن جىگىت. 

   _ تاۋىپ الىڭىز... 

   وتكەن عاسىر. جىگىت قىرىق نايزالى ءۇيدى ىزدەپ ءجۇرىپ، قىرىق جاماۋ ءۇيدى تاپتى. 

   وسى عاسىر. جىگىت قىزدىڭ ارتىنان اڭدىپ ءجۇرىپ، جاتاقحاناسىن تاپتى. 

   وتكەن عاسىر. قىزدى ايتتىردى. 

   وسى عاسىر. تۇنگى كلۋبقا شاقىردى. 

   وتكەن عاسىر. ۇيلەندى. 

   وسى عاسىر...

   تۇنگى كلۋب. جالتىلداعان جارىقتار جانىپ وشەدى. وبىسكەن جاستار. بۇلار دا سول دىردۋدىڭ ىشىنە قويىپ كەتكەن. قوس بۇرىمدى قىز شاشىن جايىپ جىبەرىپتى. بۇرىن-سوڭدى كيمەگەن قىسقا كويلەگى كوز تارتادى. بەتىندەگى بوياق تا ادەمىلىگىنە ءار قوسا تۇسكەندەي. ازداپ سىرا ءىشىپ كوردى. ودان كەيىن... ايتىلمايتىن اڭگىمە. 

   وتكەن عاسىر. جىگىت اعاسى ايتتىرعان قالىڭدىعىنىڭ قاسىنا جاتۋعا تاعاتسىزدانىپتى. ال، قىز اسىقپاپتى. اقىرى تاڭ اتا كۇيەۋىنىڭ جانىنا جانتايىپتى. جارىنىڭ كوزى ەڭ الدىمەن قىزدىڭ جۇرەگىنە ءتۇسىپتى. بىلەۋدەي داق. دەرەۋ سۇراپ بىلسە، قىزدىڭ ءسابي كۇنىندە الدەبىر قوناق جۇرەگىنە پىشاق ۇرعان ەكەن. 

   اۆتوبۋز ءىشى. وركەنيەتتىڭ ءيىسى اڭقىپ تۇر. ايبارشانىڭ جانارىندا اۋىر مۇڭ بار. اۋىر مۇڭ. اجەسى ەسىنە ءتۇستى. «قوساعىڭدى تاپقانشا قوس بۇرىمىڭدى تارقاتىپ ءجۇرۋشى بولما» دەۋشى ەدى. «بايى ولگەن ايەل عانا قارا جامىلىپ،شاشىن تارقاتادى» دەيتىنىن دە بۇگىن ەسىنە الدى. 

   وتكەن عاسىر _ جاراتقاننىڭ جازۋىن پىشاق كەسە الماعان. 

   وسى عاسىر _ اپپاق قاۋىزدىڭ بەتىندە قانجاردىڭ ءىزى قالدى. 

   سوڭعى ايالداما. قولىندا گۇلى بار جىگىت قىزدى توسىپ تۇر. اۆتوبۋزدىڭ ىشىندە ايبارشا جوق. سەبەبى، ول تۇندە الا سۇرىپ ءجۇرىپ، قارا جامىلعان. قارا... ءبىراق، قوس بۇرىمىن بىرىكتىرىپ ورگەن ايبارشا كەيىپتەگى ارۋ كەلەدى. اۆتوبۋز ءىشى... 
       دايىنداعان – تۇرىمبەك قاسەن ۇلى

   رەداكتورى : اراي ەركىن قىزى

   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى

 
 
powered by IlgharCMS 3.2 www.ilghar.cn