ەەڭ جاڭا مازمۇندار
شي جينپيڭنىڭ زاڭمەن باسقارۋ يدەياسىن شينجياڭدى جاپپاي زاڭمەن باسقارۋدىڭ جالپى بارىسىندا دايەكتىلەندىرىپ، زاڭمەن باسقارۋ ويى، ءتاسىلى ارقىلى دامۋدى ىلگەرىلەتىپ، قايشىلىقتى شەشىپ، ورنىقتىلىقتى قورعاپ، حاۋىپ - قاتەرگە توتەپ بەرۋ كەرەك
شينجياڭداعى ءار ۇلت، ءار سالا حالىق قاھارماندارىنا قۇرمەتپەن گۇل شارباق قويدى
مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
جاڭاشا بۇكىل مەملەكەتتىك ءتۇزىلىس ابزالدىلىعىن تولىق ساۋلەلەندىرىپ، ەشقاشان بوساڭسىماي، باستان − اياق ءساتتى جۇرگىزىپ، قاجىماي ەڭبەك ەتىپ، ەلىمىزدىڭ وزىق جابدىق جاساۋدا اناعۇرلىم كوپ كەلەلى ناتيجەلەرگە قول جەتكىزۋىن قۇلشىنا جۇزەگە اسىرۋ كەرەك
قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى بەيجيڭدە سالتاناتپەن وتكىزىلدى
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى

ءبىز ۇقسامايمىز

جولدانعان ۋاقىتى : 2017/5/27 16:56:21

حۋاڭ نيڭلان
 
  دىڭ حاۋ ىلعي ەرجەتۋدى كۇتۋمەن كەلەدى. اكە – شەشەسى گۋاڭجوۋدا جۇمىس ىستەيتىن. ۇيدەگى اتا-اجەسى جاسى ۇلعايعانىمەن، دىڭ حاۋعا كۇيىنە قارايلاسىپ، تاماعىن توق، كيىمىن كوك ەتتى. ول اۋلاداعى كىشكەنتاي سەرىكتەرىمەن دە وتە كوڭىلدى وينايدى. الايدا، ولار قانشا جاقسى بولعانىمەن اكە – شەشەسىنە جەتكەن قايدا؟ اكە – شەشەسى دىڭ حاۋعا ءشي كامپيت، ادەمى كيىم، اۋتمان (ويىنشىق) جانە بوقشا ساتىپ الىپ جىبەرىپ بەرەتىن. سوندىقتان دىڭ حاۋعا اكە- شەشەسى ۇجىماقتا جاساپ جاتقانداي سەزىلەتىن. ونداي كەرەمەت جەرگە بارىپ كورۋگە دىڭ حاۋ  سونشاما  ىنتىزار ەدى. ءبىراق اكەسى: «اۆتوكولىككە، كەمەگە وتىرعاندا، زاۆودقا كىرگەندە،  بارلىعىندا ازاماتتىق كۋالىك قاجەت، ازاماتتىق كۋالىگىڭ جوق بولسا بارا المايسىڭ» دەگەن بولاتىن. ال، ەندى دىڭ حاۋ اكە-شەشەسىنە: «ەرجەتتىم، ازاماتتىق كۋالىگىم دە بار، ۇزاق جولدىڭ بەلەتىن دە ساتىپ الدىم» دەپ ماساتتانا جارسالدى.

  دىڭ حاۋدى بەكەتتەن اكەسى كۇتىپ الدى.  شەشەسى ەلەكترون زاۆودىنىڭ اسحاناسىندا جۇمىس ىستەيتىندىكتەن، رۇقسات الۋ قيىن ەدى. اكەسى دىڭ حاۋدى مايعا الىپ وتىرعان ۇيىنە باستاپ كەلدى. مايعا  الىپ وتىرعان ءۇي دەگەنى تىمىرسىق، دىمقىل اۋا ءوتىپ تۇراتىن جەر استى بولمەسى بولاتىن، شىقىرلاپ اندەتىپ تۇراتىن جالعىز توسەك قويىلعان وتە تار ءۇي ەدى. اكەسى ونى توسەككە وتىرعىزىپ، ءوزى تامعا جاناسالاي قويىلعان كىشكەنتاي ورىندىققا قۇيرىق باسىپ:

  - بۇل جەردى ۇيىمىزبەن سالىستىرۋعا بولمايدى، بار بولعانى وسى عانا،– دەدى. اكەسى وعان قاربىز جانە دايىن تاعام مەن كوكاكولا دايىندادى. قۇرساعى ابدەن شۇرىلداعان دىڭ حاۋ بۇلاردى ءاپ – ساتتە قىلعىپ سالدى. اكەسى ونىڭ تاماق جەگەنىنە قاراپ:

  - ەكەۋىن دە سەن جەپ ال، مەنىڭ قارىنىم اشپادى،– دەپ قويدى. ەكى ادامدىق استى ءىشىپ بولعان دىڭ حاۋ تويعان قارىنىن سيپالاپ، توسەككە سۇلاي ۇيقىعا باس قويدى. ويانا كەلگەندە، شام جارىعىندا قالجىراعان شەشەسىنىڭ كۇلىمسىرەگەن بەينەسى پايدا بولعانىن كوردى. شەشەسى دىڭ حاۋ ۇناتىپ جەيتىن تاماقتى پىسىردى، اۋەلى، اكەسى سىرا ساتىپ اكەلىپ، دىڭ حاۋدىڭ كەلگەنىن توست كوتەرىپ قارسى الىستى. دىڭ حاۋ ءبىر توستاعان سىرانى تاقا  تاۋىسىپ جىبەرىپ:

  - مەن بۇرىننان بۇل ارانى كەرەمەت جەر دەپ ءجۇرىپپىن، ۇيىمىزدەن بەتەر كەتەۋى كەتكەن جەر بولارىن ويلاماعان ەكەنمىن،- دەدى. اكەسى اشىنا سىرادان ءبىر ۇرتتاپ جىبەرىپ:

  - وسى ۇيشىكتىڭ بولعانىنا دا شۇكىرلىك، بۇرىن ەر جۇمىسشىلار جاتاعى، ايەل جۇمىسشىلار جاتاعى بولىپ ءبولىنىپ جاتاتىنبىز،- دەدى.

  شەشەسى كۇلىمسىرەپ:

  -بۇگىن سەن توسەكتە ۇيىقتاي عوي، اكەڭ ەكەۋىمىز جەرگە جانتايا كەتەمىز. سەن ەرتەڭ ماعان ىلەسىپ، ەلەكترون زاۆودىنا بارىپ جۇمىسقا شىعاسىڭ، كوللەكتيۆ جاتاقتا تۇراتىن بولاسىڭ،- دەدى.

  - مەن كوللەكتيۆ جاتاققا جاتامىن با؟ مۇندا نەگە قاڭعىپ كەلدىم، جاندارىڭدا بولىپ، مەيىرلەرىڭە بولەنبەك ەدىم عوي!

  شەشەسى ونىڭ كەسەسىنە ءبىر جاپىراق ەت سالىپ جاتىپ:

  - قاراشى، بىلتىر عانا ءۇيىمىزدى قايتا – قايتا جوندەتتىك، بيىل جاعدايىمىز تىم شىركىن-اي ەمەس، ەكونوميكامىز دا ءماز بولماي تۇر. اكەڭ، اۋەلى، فۋجيانداعى ءۇشىنشى اعايىڭنىڭ جۇمىس ورنىنا بارىپ قىزمەت ىستەمەكشى بولىپ جاتىر. ول كەتسە، بۇل ءۇيدى مايعا المايمىز، ايلىق ماي اقىسى بەس ءجۇز يۋان، قۇن كوتەرمەيدى.

  - وندا اكەم قازىر نە ىستەپ ءجۇر؟ - دەدى دىڭ حاۋ ىشتەي قاتتى ۇمىتسىزدەنىپ.

  - اكەڭ پورتتا جۇك كوتەرەدى، قاتتى قالجىراپ ءجۇر،- دەدى شەشەسى ءجىپسي قالعان ماڭدايىنىڭ تەرىن ءسۇرتىپ. ەڭسەسى ءتۇسىپ وتىرعان اكەسى تەمەكىسىن قۇشىرلانا ءبىر سورىپ:

  - اكە – شەشەڭ ساۋاتسىز، تاپقانىمىزدىڭ بارلىعى تابان ەت، ماڭداي تەرىمىزدىڭ اقىسى. سونىڭ ءبارىن سەنىڭ ىشەر اس، كيەر كيىمىڭدى الۋعا جىبەرىپ بەرەمىز. جاقسى وقۋىڭدى تىلەيمىن، بۇدان كەيىن ەندىگارى گۋاڭجوۋعا كەلىپ جۇمىس ىستەپ، ءبىز سياقتى ازىپ – توزۋشى بولما!- دەگەن اكەسى دىڭ حاۋعا تىگىلە قارادى، ونىڭ توتىققان الپەتىن تەرەڭ اجىمدەر تورلاي قالدى.

  - مەن وقۋدى جالعاستىرا المايتىن بولدىم، ساباق  ۋاعىندا  قولفونمەن  ويناپ وتىرعاندا، مۇعالىم ءمۇسادىرالاپ اكەتتى...

  ءۇنجۇرعاسى تۇسكەن دىڭ حاۋ ءوزىنىڭ ورىنى تولماس اعاتتىقتاردى وتكىزگەنىن ەندى بايقادى. اكە – شەشەسى اۋىلعا قايتقاندا، اسا مارتتىكپەن قالتاسىندا تيىن – تەبەنى بولسىن – بولماسىن، ول نەنى تالاپ ەتسە، بارلىعىن قاناعاتتاندىراتىن. ورتالاۋ مەكتەپتى تامامداعان سوڭ، ءتۇيىندى ورتا مەكتەپكە ءتۇسىپ   وقىپ،  اكە – شەشەسىنەن  ءبىر «زەردەلى» تەلەفون الىپ بەرۋدى تالاپ ەتتى. ولار ەكى ايتقىزباي ماقۇلدىق بەردى. ەكى مىڭ يۋاندىق قولفون جايىندا قالسىن، جوعارىلاپ وقىسا، جيىرما مىڭ دا تۇك ەمەس سياقتى. الايدا، ولار بۇل قولفوننىڭ بالا كەزىندەگى وينايتىن اۋتماننان دا باۋراعىش ەكەنىن، ىشىندە سونشاما كوپ ويىنداردىڭ بار ەكەنىن، ساباق ۋاعىندا نازارىن شوعىرلاندىرا المايتىندىعىن بىلگەن دە جوق.

  - قايتىپ بارىپ مۇعالىمىڭنان كەشىرىم سۇراپ، قاتەلىك وتكىزگەنىڭدى مويىندا،- دەدى شەشەسى. ورنىنان تۇرىپ وعان تاماق تا سالىپ قويدى.

  - سوندا باسقاداي جۇمىستىڭ جوق بولعانى ما؟- دەدى ول سوندا دا مويىنسال بولماي.

  - نە ىستەي الۋشى ەدىڭ؟ - دەدى شەشەسى قاتتىلاۋ كەلىپ.

  دىڭ حاۋ اڭىرىپ قالدى. راس- اۋ، ول نە بىتىرە الۋشى ەدى؟ شەشەسى اۋىر ءبىر كۇرسىنىپ قويىپ:

  - ەلەكترون زاۆودىنا كىرە الساڭ شۇكىرشىلىك دە، مەن تاعى بەتىمدى ساتىپ ءجۇرمىن. سەنى اكەڭ سياقتى ازاپقا قالماسىن دەپ ۋايىمدايمىن. ەندى ءبىز دە سەنىڭ بولاشاعىڭنان پالەندەي ءۇمىت كۇتپەيمىز. سەن ەلەكترون زاۆودىنا بارىپ، ۇلاسپالى جۇمىس ىستەپ، اقشا تاۋىپ، جانىڭدى باقساڭ بولدى. ءبىز ءومىر باقي قارا جۇمىس ىستەۋمەن كەتتىك، سەن دە ۇقساسسىڭ، مىنە بۇل ءومىر...- دەدى.

  دىڭ حاۋ «ءبىز ۇقسامايمىز» دەگىسى كەلدى، الايدا ايتپادى.

  جىم – جىلاس ءتۇن. دىڭ حاۋ اكەسىنىڭ ناجاعاي كۇركىرىندەي قورىلىن ەستىدى، ول اقىرىن سىبدىر شىعارماي، اسپا سومكەسىن كوتەرىپ، اكەسىنىڭ كونە  توز  قولفونىن الىپ، ءوز قولفونىن تاستاپ كەتتى. كولىككە شىققاندا ول ءبىر پارشا كەلتە حات جولدادى: «اكە، ءبىز قولفونىمىزدى الماستىرىپ ىستەتەيىك، مەن قايتىپ بارىپ جاقسى وقۋعا بەل بۋدىم. قولفونىم تەك كەلتە حات جولداپ، تەلەفون شالۋعا جاراسا بولدى».
 
اۋدارعان - باعدات نۇرمۇقاش ۇلى
 
  رەداكتورى: اراي ەركىن قىزى

  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 

 
powered by IlgharCMS 3.2 www.ilghar.cn