سۇراۋ: جولداعى قۇدىقتىڭ قاقپاعى جوعالعان، مەن بايقاماي قۇدىققا ءتۇسىپ كەتىپ، جارالانىپ قالدىم، قۇبىر سۋى سەرىكتەستىگى جانە قۇدىقتاردى باسقارۋعا جاۋاپتى تاراۋلار ىلىكتەس جاۋاپكەرلىك ارقالاي ما؟
جاۋاپ: « جۇڭحۋا حالىق رەسپۋبليكاسىنىڭ ازاماتتىق زاڭىنىڭ جالپى ەرەجەلەرىنىڭ» 126-تارماعىندا: « ءۇي قۇرىلىستارىنا نەمەسە باسقا قۇرىلعىلارعا، سونداي-اق قۇرىلىس-عيماراتتارعا ورنالاستىرىلعان، اسىپ قويىلعان زاتتار قۇلاپ، جارىلىپ، وپىرىلىپ ءتۇسىپ، باسقالارعا زيان جەتسە، ونىڭ يەسى نەمەسە ونى باسقارۋشى ادام ازاماتتىق ىستەر جاۋاپكەرلىگىن ارقالاۋعا ءتيىس، ءبىراق وزىندە اعاتتىق جوق ەكەنىن سىپاتتاي الاتىندار بۇعان جاتپايدى» دەيدى بەلگىلەنگەن. «ەڭ جوعارى حالىق سوتى مەكەمەسىنىڭ زاقىمدالۋ تولەمى دەلوسىنا ساياتىن زاڭدار جونىندەگى ماسەلەلەرگە تۇسىنىگىنىڭ» 16-تارماق 1-ابزاتىسىنىڭ 1-تارماقشاسىندا: « جول، كوپىر، تۋنەل سياقتىلار قۇرىلىس جۇرگىزۋ، باسقارۋداعى اعاتتىق سەبەبىنەن كىسىنىڭ زاقىمدالۋىن تۋدىرسا، ‹ ازاماتتىق زاڭىنىڭ جالپى ەرەجەلەرىنىڭ› » 126-تارماعىنداعى بەلگىلەمە بويىنشا ونىڭ يەسى نەمەسە ونى باسقارۋشى ادام ازاماتتىق ىستەر جاۋاپكەرلىگىن ارقالاۋعا ءتيىس، ءبىراق وزىندە اعاتتىق جوق ەكەنىن سىپاتتاي الاتىندار بۇعان جاتپايدى» دەلىنگەن.
قۇبىر سۋى سەرىكتەستىگى سۋ قۇدىعىن باسقارۋعا جاۋاپتى، جولدى كۇتىمدەۋ تاراۋلارى جولدى باسقارۋعا جاۋاپتى، ەكەۋىنىڭ دە بوگدە نيەتى، ورتاق اعاتتىعى بولماعانىمەن، بىرەۋدىڭ زاقىمدالۋىنا سەبەپ بولىپ وتىر، سوندىقتان ۇقىققا بىرگە سۇعاناقتىق جاساعان ەسەپتەلەدى، «ازاماتتىق زاڭىنىڭ جالپى ەرەجەلەرىنىڭ» 130-تارماعىنداعى بەلگىلەمە بويىنشا ىلىكتەس جاۋاپكەرلىك ارقالايدى. جوعارىداعى 2 ورىننىڭ ورتاق بوگدە نيەتى، ورتاق اعاتتىعى بولماعانىمەن، جەكە-جەكە اتقارعان بىرنەشە ارەكەتى بەلگىلى ادامنىڭ زاقىمدالۋىنا جانامالاي سەبەپ بولعاندىقتان، قاتەلىكتەرىنىڭ شاماسىنا نەمەسە سەبەپ-سالداردىڭ سالىستىرماسىنا قاراي قاتىستى جاۋاپكەرلىك ارقالايدى.
«شينجياڭ زاڭ گازەتىنەن»
رەداكتورى: اراي ەركىن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.