ەلىمىز ازاماتتارى پاسپورت ارقىلى ەلىمىز ىشىندە قاتىنايتىن اۆياتسيا ۇشاقتارىنا وتىرۋىنا بولا ما؟ ۇشاقجايدىڭ جۇمىس ىستەۋ ءادىسى مەن توراپتاعى قىزعىن تالقىعا حالىقتىق اۆياتسيا مەكەمەسىنىڭ قوعام حاۋىپسىزدىك بولىمشەسى 23 – مامىر كۇنى ارنايى ۇقتىرۋ شىعارىپ، جۇڭحۋا حالىق رەسپۋبليكاسىنىڭ پاسپورتى كۇشكە يە ۇشاققا وتىرۋ ازاماتتىق كۋالىگى رەتىندە، ەلىمىز ىشىندەگى جولاۋشىلار ۇشاعىنىڭ بەلەتىن ساتىپ الۋىنا، ۇشاققا وتىرۋىنا، حاۋىپسىزدىك تەكسەرۋ راسمياتىن وتەۋىنە بولاتىنىن جاريالادى؛ جولاۋشىلار ەلىمىز ىشىندەگى جولاۋشىلار ۇشاعىنا وتىرعان كەزدە، بەلەت ساتىپ الۋ، ۇشاققا وتىرۋ، حاۋىپسىزدىك تەكسەرۋ راسمياتىن وتەۋدە ءبىرتۇتاس ۇشاققا وتىرۋ ازاماتتىق كۋالىگىن ىستەتۋى كەرەك.
حالىقتىق اۆياتسيا مەكەمەسىنىڭ قوعام حاۋىپسىزدىك بولىمشەسى ازاماتتىق كۋالىكتىڭ ۋاقىتى ءوتىپ كەتكەن بولسا، جالعاستى ىستەتپەۋدى ەسكەرتەدى. ىستەتىلۋ ۋاقىتى تولعان بولسا، ۋاقىتتىق ازاماتتىق كۋالىك نەمەسە قوعام حاۋىپسىزدىك ورگاندارى بەرگەن جاقىنعى مەزگىلدە تۇسىرىلگەن كۋالىككە ىستەتىلەتىن باس سۋرەتى بار ءارى ارناۋلى نوپوس تاڭباسى باسىلعان، كۇشكە يە ەكەنى كورسەتىلگەن «ازاماتتىق كۋالىگىن ءوتىنىش ەتكەن قايرىلما قۇجاتتى» كۇشكە يە ۇشاققا وتىرۋ ازاماتتىق كۋالىگى رەتىندە پايدالانۋىنا بولادى.
«حالىق تورابىنان»
رەداكتورى: اراي ەركىن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.